JOHAN
Laikuat Pahnihnak
ThuthangŽha Johan leh Johan Laikuat pakhatnak in pathumnak tiang iseh, Johan Laikuatpawl an pathum in iseh, an pehtlai tia.
A Ngantu, Ngan Kum leh Ngannak Hmun. Johan Laikuat pahnihnak ni zong cu a ngantu hi “Upa Johan” a ti tia (1:1). Cucu a phunphun in leh khawh a ii ih, a i kho tleng cu: Pawlpi Hruaitu, iklole Pastor tihi a ii. A Ngan kum hi Johan Laikuat pakhatnak hlanih ik zum an om mangin, acu hnukih ik sawn a zumtu an om ve. Khawmang sawn a hmaan itale, acangkho tleng cu AD 100-110 lalak hi zum a i tleng. A ngannak hmun cu ThuthangŽha Johan leh Johan laikuat pakhatnak mangin Efesa khua a i tleng kau thok.
Laireltule. Baibal hrekkhat ih rilmi “Bawinu” leh a tiale tiah an let. A aantangsar mangih lathruak ahcun Pawlpi sungih mibuur pace deuh ik ni a hoih hngai nain, Pawlpi punpuluk leh a sungtelpawl simdawtnak ih lat ah a tluangtleng kau.
A Thupithlurpawl. (1) Khristian nunnak ah dawttiak a thupi, thutak leh dawtnak cu an tat khat thok (4-6); (2) Jesuh Khrih cu minung ruangpun ngaingai a ngei lo a titu cu mideu an ik ruangah, an thu zum loin, zirh an ikmi thu tlaih Žho ding (7-9); (3) Acumang zirhtusualle cu inn hmanah khualtlunsak thok lo, tlunsak ahcun an thilti Žhalo ih telve rum a ruang a ti (10-11).
1
Pawlpi Hruaitu ni, rilmi bawinu leh a tiale, thutak sungih ka dawtmi, nan hemah lai ka tan kuat hngai. Kan sungah a omih kan hemah a om ringring thok mi thutak ruangah, kei ceu ni iloin, thutak a tiah tu zate ni khaw an tan daw. Pa Pathian leh Pa ih Tiapa Jesuh Khrih hemin naktiahnak, veel leh daihnak cu thutak leh dawtnak in kan hemah om kau seh.
Pa ni thu a man piak mangin, na tiale thutak sungih an nuncan hmuh cu ka lung a awita ngaite. Ihmansela atucu, ka dawtmi bawinu, na hemah thupiak thar a ngan mang iloin, a hramthawh in kan ngeih rommi, pakhat leh pakhat daw tia le hu, ti khi ka tan torh. Culeh dawtnak cu: a thupiakpawl mangih nuncan hi a ii; ahi thupiak hi a hramthawh in na zak rommi – pakhat leh pakhat daw tia uh – timi mangih nuncan thok hi a ii. Mideutu tlungpi, Jesuh Khrih cu tiksa in a pha rom tiih a phuang lo tupawl, cu vuleipi ah hin an vak suak rom; acumang mi cu mideutu leh Khrih-raltu a ii! Nan Žuan hnawh mi nan sung lo ih nan ngahvo kimte tu nan ngahnak dingah nanmah leh nanmah kilkhawitia uh. Jesuh Khrih ih zirhnak sungah hmun loin acu lon ah a tat tu cangte Pathian an ngei lo; cui zirhnak sungih a hmun tupoh ni Pa leh Tiapa an pahnih in an ngei hngai. 10 Hih zirhnak nan hemih a tan phurhta hngai lo tu ahuhman nan inn ah tlunsak hlah uh, a do khaw dola hlah uh; 11 icatile inn ih tlunsak leh dolaak cu acumang minung ih thilti Žha lomi ah kan telve tinak a ii.
12 Na hemih ngan awk tampi ngei hman ning la laihnah leh laiti ka hmang thok lo; acucanah cu kan lungawinak tlamtling dingah na hemah tan pha in hmai hoitia ih thuthluktiak ding ka ruahsan. 13 rilmi na unau ih tiale ni an biaksonnakpawl an tan kuat.