5
Jesuh cu Khrih a ii ti a zumtu cang Pathian ih hrin an ii ih nulepa daw tupoh ni a tia a daw. Pathian ih tiale kan daw ti hi Pathian kan daw ih a thupiakpawl kan zulh thawnghin kan tiah. Icatile Pathian dawt timi cu a thupiakpawl kan zulh hi a ii. Culeh a thupiakpawl cu phurhrit an i lo, icatile Pathian ih hrinmi poh ni vuleipi a neh. Vuleipi nehnak timi cu kan zumnak hi a ii. Jesuh cu Pathian Tiapa a ii ti a zum tu simlo ahu a ii vulei a neh tu cu?
Ti leh thii rum a pha tu pa cu Jesuh Khrih hi a ii, tii ceu in i loin tii leh thii rum a pha culeh Thlarau cu a thutiahpitu tu a ii, icatile Thlarau cu thutak a ii. Thutiahpitu pathum an ii: Thlarau, tii leh thii, culeh ahile pathum hi an thu an caangtia. Minung ih thutiahpimi kan colak ahcun Pathian ih thutiahpimi cu a nasa hlehhlo; icatile Pathian ni a Tia thuhla a tiahpimi cu hihi a ii. 10 Pathian ih Tiapa a zumtupawl cu an thinlung sungah thutiahpitu an ngei. Pathian a zum lo tupawl ni cu, Pathian ni a Tiapa thuhla rum pehtlaitia in a tiahpimi an zum lonak thawngin amah cu thulopuah ah an cansak. 11 Culeh hihi a thutiahpimi cu a ii: Pathian ni kumkhua nunnak a man pia ih a cui nunnak cu a Tiapa sungah a om. 12 Tiapa a ngei tupoh ni kumkhua nunnak a ngei; Pathian Tiapa a ngei lo tupoh ni cu nunnak a ngei lo.
13 Nangmi Pathian Tiapa ih min a zum tupawl ni kumkhua nunnak nan ngeih nan tiahnak dingah hi thupawl hi nan hemah ka ngan hngai. 14 Amah sungih ralŽhatnak kan ngeih mi cu: a dawtzawng mangin pakhat khat kan dil ahcun a man za tihi a ii. 15 Culeh kan dilmi itupoh ah a man za ti kan tiah ahcun amah kan dilmipawl kan ngah rom ti kan tiah. 16 Na unau pakhat cu thihnak mithlak a i lomi sualnak a vuak na hmuh ahcun amah caah thla na cam thokih Pathian ni a cumang – thihnak mithlak a i lomi sualnak a vuatu – cu nunnak a pia thok. Thihnak mithlak a i mi sualnak a om; acumang thu ahcun thlacam uh ka ti lo. 17 Thil tisualmi zate hi sualnak an i kau, ihmansela thihnak mithlak a i lomi sualnak a om. 18 Pathian ih hrin a i mipawl cu an sual peh lo, Pathian ih hrin Mi ni a hualhum hngai ih, miŽhalo pa ni a tong hngai lo. 19 Keimi cu Pathian ih tiale kan ii ih vulei punpuluk cu miŽhalo pa ih huham tangah a om ti kan tiah. 20 Culeh Pathian Tiapa a pha romih Pathian taktak kan tiahnak dingah tiahthiamnak a man pia; a Tiapa Jesuh Khrih sungih kan omnak thawngin Pathian taktak sungah kan om. Jesuh Khrih cu Pathian taktak leh kumkhua nunnak cu a ii. 21 Tiale tete hngai, mepa biak cu hrel uh.