1 Ka dawtmi le hngai, thlarau cang zum hlah uh, Pathian hemin a phami an ik leh ik lo tiahhliah dingin hniksak uh; icatile a hmaan lomi profetpawl tlungpi cu vuleipi ah hin an vak suak rom. 2 Pathian Thlarau cu hi thawnghin nan tiah kho: Jesuh Khrih cu thisa in a pha ti a phuang tu thlarau poh cu Pathian hemin a ii, 3 culeh Jesuh a phuang lo tu thlarau poh Pathian hemin a i lo. Ahihi kovawh a pha thok tiah nan zak rommi Khrih-raltu ih thlarau cu; atuhi vuleipi ahhin a om rom. 4 Tiale tete hngai, nangmi cu Pathian hemin nan ii ih anmahpawl nan neh rom; icatile nan sungih a omtu vuleipi ih omtu vanin a pipadeuh. 5 Anmimi cu vuleipi in an ii; curuangah an simmi cu vuleipi ih dinhmun in a ii ih vuleipi ni an thusim cu a ngai. 6 Keimi cu Pathian hemin kan ii. Pathian a tiah tupoh ni cu kanmah ih thusim an ngai ih Pathian hemin a ilo tupoh ni cu kan thusim a man ngai lo. Ahihi in thutak thlarau leh palhnak thlarau kan tiah thiam.

7 Ka dawtmi le hngai, dawtnak cu Pathian hemin a ik ruangah pakhat leh pakhat daw tia le hu; midaw tupoh cu Pathian ih hrinmi a ii ih Pathian a tiah. 8 Mi daw lo tupoh cu Pathian a tiah lo, icatile Pathian cu dawtnak a ii. 9 Pathian ih dawtnak cu hitihin kan lakah phuanlan a i ta: Pathian ni a Tiapa ngeihsun cu amah thawngin kan nunnak dingah vuleipi ah hin a thlah. 10 Hi sungah hin kovawh dawtnak cu, Pathian kan daw iloin Pathian ni a man daw ih kan sualnakpawl ca-ih sualthlah raihriknak dingah a Tiapa a thlah. 11 Ka dawtmi le hngai, Pathian ni acu tluk ngaite a man dawt ruangah pakhat leh pakhat daw tia mawi kan i ve. 12 Ahuhman ni Pathian an hmu thah lo. Pakhat leh pakhat kan dawttiak ahcun Pathian kan sungah a omih a dawtnak kan sungah a tlamtling. 13 A Thlarau a man piak rom ruangah, amah sungah kan hmunih kan sungah a hmun ti cu hi thawnghin kan tiah. 14 Culeh Pa ni a Tiapa cu vuleipi ih rungtu in a thlah rom ti kan hmu romih kan simphuang. 15 Jesuh cu Pathian Tiapa a ii ti a phuang tule sungah a hmunih anmimi cu Pathian sungah an hmun. 16 Acuruangah Pathian ni kan ca-ih a ngeihmi dawtnak cu kan tiah romih kan zum. Pathian cu dawtnak a ii, culeh dawtnak sungih a hmun tupawl cu Pathian sungah an hmunih Pathian an sungah a hmun. 17 Dawtnak cu kanmah lakah hiti hin tlamtlinsak a ii: thuŽhen ni ah ralŽhatnak kan ngeih nak ding hi vuleipi ah hin Amah a nuncan mangin kan nungcang. 18 Dawtnak ah hrulnak a omlo, dawtnak tlamtling ni cu hrulnak a Žhawl; icatile hrul timi cu sual hremnak rum a pehtlaitia ih a hrul tupoh cu dawtnak sungih tlamtlinnak a banngah rih lo. 19 A man dawt peita ruangah amah kan daw. 20 “Pathian ka daw,” tiah a ti tupawl ni an ulenaupawl an huat hngai ahcun mideu an ii, icatile an hmuh rom mi an ulenaupawl hman a daw lo tu ni an hmuh lomi Pathian cu an daw kho lo. 21 A hemin kan ngahmi thupiak cu hihi a ii: Pathian a daw tupawl ni an ulenaupawl khaw an daw ve thok.