2
1 Ka tiale tete hngai, nan sual lonak dingah hi thilpawl hi ka ngan hngai. Ihmansela mi pakhatkhat cu a sual ahcun, Pa hemah a man Žantu pakhat, midingfel Jesuh Khrih kan ngei;
2 culeh amah cu kan sualnakpawl thlahnak ca-ih raihriknak a ii, kan sualnakpawl ceu iloin vuleipi punpuluk ih sualnakpawl caah khaw a i ve.
3 A thupiakpawl kan cangngaih ahcun amah kan tiah ti hi atu cu kan fiang kau.
4 “Amah tiah vel ing ee,” tiah a ti, a inain a thupiakpawl a zul lo tu ahupoh mideu a ii ih, acumang mi sungah cun thutak a om lo;
5 ihmansela a thu a cangngai tupoh, acumang mi sungah Pathian ih dawtnak cu a tlamtlinngah taktak. Amah sungah kan om ti khawti in kan fiang tile:
6 “Amah sungah ka hmun,” a ti tupawl ni cu amah a buallen mangin a buallen awk a ii, timi thawng hin a ii.
7 Ka dawtmi le hngai, nan hemah thupiak thar iloin a hramthawh in nan ngeih tak rommi thupiak hlun pakhat ka ngan; thupiak hlun cu nan zak rommi thu a ii.
8 A ik hmanah, amah sung leh nanmah sungah a hmaanmi thupiak thar nan hemah ka ngan, icatile mawtnak cu a pianlio ih ceunak taktak cu a vaang cia.
9 “Ceunak sungah ka om,” tihratin a u maw a nau maw a huat Žung tu ahupoh mawtnak sungah a om rih kau.
10 A u maw a nau maw a daw tupoh cu ceunak sungah a om ih, acumang mi sungah cun tuasikawk thu a om lo.
11 Ihmansela zumtu pace a hua tupoh cu mawtnak sungah a om, mawtnak sungah a bualleng, culeh mawtnak ni mitcawtnak a thlak ruangah vahnak lam a tiah lo.
12 Tiale tete hngai,
A min in nan sualnakpawl
ngaidam nan ik ruangah
nan hemah lai ka ngan.
13 Pale hngai,
Ahramthawh in amah cu
ahu a ik nan tiah ruangah
nan hemah lai ka ngan.
Minolehngai, MiŽhalopa
nan neh rom ruangah
nan hemah lai ka ngan.
14 Tialehngai, Pa nan tiah
ruangah nan hemah
lai ka ngan.
Palehngai, a hramthawh in
amah cu ahu a ik nan tiah
ruangah nan hemah
lai ka ngan.
Minolehngai,
nan dikcak ih, nan sungah
Pathian ih thu a hmun,
culeh MiŽhalopa
nan neh rom ruangah
nan hemah lai ka ngan.
15 Vuleipi hi iseh, a sungih thilpawl ii uh seh, daw hlah uh. Vuleipi a daw tule sungah cun Pa ih dawtnak a om lo;
16 icatile vuleipi sungih a ommi hmawhhmawh – thisa hiarnak, mit ih hiarnak, len ruangih zumtiaknak cu Pa hem in iloin vuleipi hemin an pha.
17 Vuleipi leh a hiarnakpawl cu an liam rero lio, ihmansela Pathian dawtzawng a vua tu cu kumkhua an nung.
18 Tiale hngai, caan dengnak a ii hena khawh! Khrih-raltu a pha thok ti nan zak rom mangin, atu hi Khrih-raltule tlungpi an pha rom. Ahi hin a ii caan dengnak a ik kan tiah.
19 Kan hemin an suak, kan mipawl ita hlah na pai uh; icatile, kan mipawl ita uh sela cu kanmah rum hmun hngen tur uh. Ihmansela an suah hi ni ahuhman kan mi an ik lo zia a fiangsak.
20 Ihmansela nangmi cu Mi Thianghlim ni thathau a tan hnulh hngai rommi nan ii ih nan zate in thutiahnak nan ngei.note 2:20 I zongza nan tiah, ti a i kho.
21 Nan hemih lai ka ngan hi thutak nan tiah lo ruangah a i lo, nan tiah ruangah leh thutak hemin thulo a suak lo ti nan tiah ruang tu ah a ii.
22 Jesuh cu Khrih a i lo tiah a altu simlo ahu a ii thulo simtu? Pa leh Tiapa a altu hi kovawh Khrih-raltu cu.
23 Tiapa altu ahuhman ni Pa a ngei lo; Tiapa a phuang tu cang ni Pa an ngei ve.
24 Ahramthawh in nan zak takmi cu nan sungah hmun seh. Ahramthawh in nan zak takmi nan sungih a hmun ahcun tiapa leh Pa sungah nan hmun thok.
25 Culeh kumkhua nunnak hi a man tiam takmi cu a ii.
26 An tan deu thok tupawl rum a pehtlaitiami hi thilpawl hi nan hemah ka ngan.
27 Nangmi cu amah hemin nan comi Thathau hnulh iknak nan sungah a hmun, curuangah ahu pakhatkhat ih zirh khaw nan Žul lo. Thathau a tan hnulh hngaimi ni thil zate a tan zirh hngai ih, acucu thulo iloin a hmaanmi a ik ruangah, zirh nan ik mangin amah sungah hmun uh.
28 Atu cu, tiale tete hngai, amah sungah hmun uh. cuticun amah phuanlan a ik tikah ralŽhatnak ngeiin leh a phat tikah a hmaiah ningzah a huat hlah taw ung.
29 Amah cu a dingfel ti nan tiah ahcun a dingfelmi a vuatu cang amah ih hrinmi an ik nan fiang kau thok.