JOHAN
Laikuat Pakhatnak
Johan laikuat pakhat, pahnih leh pathum hi Zapi Laikuat a pali, panga leh paruknak an ii. Hih Johan laikuat an pathum hi bulcece ih ruah khawh an i thok nain pehtlaitia ih ruah a Žha kau. An pathum ceu hman iloin ThuthangŽha Johan rum khaw pehtlaitia ih ruah an Žul.
A Ngantu, Ngan Kum leh Ngannak Hmun. ThuthangŽha Johan ngantu hi kaizul Johan iklole Upa Johan ik zum a om veve ti a i rom. An pahnih an pehtlaihtiak ahcun, pakhatkhat cu an i kau thok – kaizul Johan ni auh in Upa Johan ni a ngan tiah zum khawh a ii. Kaizul ih tiah loin Upa Johan ni amahte cu a ngan lei lo. ThuthangŽha Johan an rel nain an zumnak leh an iknak a fiangtia cuang lo tupawl hemih ngan Žhan mi a ik ruangah AD 100 hlan ahcun a i thiam thok lo. Cun AD 100 hnuk hladeuh ah khaw a i thok lo, AD 110 hrialkam, a netatleng acu hrawng ik hoih zum a ii. A Ngannak hmun khaw ThuthangŽha Johan ngannak hmun zum a iknak Efesa khua ik ni a hoih tleng.
A Ngansannak leh a Tumtahmi. Zirhtusualle ni, anmah cu mi “tlamtling,” Pathian “tiah ce,” “khuatle sungih om,” leh mi pacepawl vanin phunce ah ruat tia in (1:5-8, 10; 2:4, 9; 4:1, 8), hi vulei parih Khristian nunzia zaraan hi cu anmah caah i ti lo phun in an sim (3:7-12; 4:20). Jesuh cu minung ngaingai a i lo, minung ‘mang a ti’ tiah an ti. Curuangah an min hi “mang a ti ti tule” tiah kawh an ii. “Khrih” timi Pathian iknak cu Jesuh tihnim lio ah khin a sungah a lut nain thinglamtah ih an khentar hlante ah a suakta, an ti. Johan ni acupawl alnak dingah leh Khrih-raltule an ik sawn zia fiansak a daw(2:18-27; 4:1-3, 15; 5:1-5, 10-12, 6-7). Bupi suahtak, anmah ceu thliartiak. thlaraumi ce phun ih om an dawt ruangah hmuhkhawhmi ulenaupawl hman daw lo ih mi zuangta ni Pathian cu an daw taktak thiam thok lo; zumtu taktak ni cu Dawtnak a i mi Pathian ih zia an keng thok a ti (2:28-4:21).
A Thupithlurpawl. (1) Sual ngei tilo ih ruahtiak vanin sualnak tiahtia in Pathian hemih phuan tiak ah ngaidam conak a i sawn(1:8-9); (2) Hmuhtuaknak hleice ngei ih zaktiak cu a sual lo nain, zumtu pace nautatih suahtak khaihnak, khuamaw ziaza kennak mithlak loin, khuatle ziaza mi a ken sak (1:5-7), icatile Pathian cu ceunak a ii; (3) Zumnak hmaan ik leh iklo hniksaknak cu hi vulei thil hiarnak dungtunin, Pathian ih midawt zia lansaknak a imi Jesuh mangin farah te hman hei daw ih nun a ii(2:1-17; 3:11-24; 4:1-21). Ahman leh ahmanlo Žhen khawh hleiah ahmaanmi zum leh pon thok; (4) Zirhtusualle ih thu zum leh cangngaih thok i loin(2:18-29), Zirhtu Thlarau ih thu sawn ngaih a Žul; Pathian ih hrinmi tiale an ik rom ruangah, Khrih sungih Pathian dawtnak tiahthiamin daw tia ih Pathian zia lansak ding (3:1-4:21); (5) Sual leh vuleipi neh dingah cun Jesuh ih minung ik taktak zia leh a thih taktak zia zum a ii (5:1-12). Sual nun ih keelzo berboin, Pathian hrinmi iklo lamlansak lo ding(3:9-10; 5:19-19). Pathian hrinmi cu an thlacam a hlusuak(3:20-24; 5:14-15) nain thihnak lam zulhŽhan khawh a ii ih ralrin a Žul, a ti (5:16-17).
1
(Joh 1:1-5)
1 A hramthawh in a omta ih, kan zak rommi, kan mit in kan hmuh rommi, kan zoh romih kan kut in kan tham rommi, nunnak Thu rum a pehtlaitiami cu nan hemah kan than.
2 Ahi nunnak hi phuanlan a ii, culeh kan hmu romih kan simphuang. Pa rum a omta mi leh kan hemih phuanlanmi kumkhua nunnak cu nan hemah kan than.
3 Kan hmuh rommi leh kan zak rommi nan hemih kan than hi kanmah rum pawlkomnak nan ngeih nak dingah a ii; culeh kan pawlkomnak cu Pa leh a Tiapa Jesuh Khrih rum a i taktak.
4 Hi thilpawl kan ngan hi kan lungawinak a tlamtlin nak dingah a ii.
5 Pathian cu ceunak a ii ih a sungah mawtnak a om hrimhrim lo, timi hi a hemin kan zak rommi leh nan hemih kan simthanmi thuthang cu a ii.
6 Mawtnak sungah bualleng rero hratin amah rum pawlkomnak kan ngei kan ti Žung ahcun thulo kan puah ih ahmaanmi kan vua lo;
7 ihmansela amah hrimhrim cu ceunak a ik mangin ceunak sungih kan buallen ahcun pakhat leh pakhat kan pawlkomtia ih a Tiapa Jesuh ih thisan ni kan sualnak zate in a man thian sak.
8 Sualnak kan ngei lo kan ti ahcun kanmah leh kanmah kan deutia ih thutak cu kan sungah a om lo.
9 Kan sualnakpawl kan phuan ahcun, zumtlak leh a dingfelmi amah ni kan sualnakpawl man ngaidamin dingfel lonak hmawhhmawh in a man thiansak thok.
10 Kan sual ta lo kan ti ahcun amah cu thulopuah ah kan cansakih, kan sungah a thu a om lo.