7
1 Ahi “Salem Siangpahrang Melkhizedek, a Cungnung Tleng Pathian ih tlangbawi ni Abraham cu siangpahrangpawl hre hngai in a kirŽhan lio fangah a tuakla ih thlua a suah”;
2 culeh a hemah Abraham ni “izongza ih Žhen hra ah Žhen khat” cu a rawi. A min cu a peitlengah, “dingfelnak siangpahrang” tican a ii; asontu ah Salem siangpahrang khaw a ii, acucu “remdaihnak siangpahrang” ti a ii.
3 Pa ngeilo, nu ngeilo, pipu minkhummi ngeilo, thawhkehnak iseh dengnak iseh ngei lo, Pathian Tiapa mang ii in, tlangbawi pakhat in kumkhua a hmun.
4 Itluk in a pipa! Hringsartu Abraham hman ni hransawnote 7:4 ralthilsuhmi ih Žhen hra Žhen khat a pia hekhawh.
5 Tlangbawi rian a cotu Levi hrinsarle, ni Daan sungih thupiak an ngahmi cu, Abraham ih hrinsarle i ve hman uh sela, mipipawl, acucu an hrihraile tinak, hemin Žhen hra ah Žhen khat khuan ding timi thu a ii.
6 Ihmansela ahi pa, an pipu minkhumnak sungih telve lomi ni thutiam a co tu Abraham hemin Žhen hra Žhen khat a khuan ih thlua a suah.
7 A tenaudeuh cu a pipadeuh ni thlua a suah ticu altiak-khawh lomi a ii.
8 Thu pakhat ahcun a thikhomi minung ni Žhen hra ah Žhen khat an co, thu pace ahcun a nung ringring tiih simtiakmi ni a co.
9 Žhen hra Žhen khat a cotu Levi ni Abraham thawngin Žhen hra Žhen khat a pia ti khawh hman a ii.
10 Icatile Melkhizedek ni Abraham a tuah lio ah Levi cu a puhram Abraham ih cii sungah a om lio rih.
11 Levi ih tlangbawi ikdan phun in kimhlannak ngah khawh a ik ahcun – icatile mi ni hi tlangbawi-iknak tangah hin Daan an co ta – Aaron ih ikdan phun in iloin Melkhizedek ih ikdan phun in tlangbawi pace suak dingih sim a Žul beeng nak thu itu a om thok hehmen?
12 Icatile tlangbawi-iknak ah thlengtiaknak a om ahcun Daan khaw thleng teuti a Žulnak a om ve.
13 Atu a thuhla simtiak a imi pa hi hrin ce mi a ii, a hrinsar in ahuhman pakawh ah rian an Žuan thah lo.
14 Icatile kan Bawipa cu Judah citlaang in a Žummi a ii ih, acui hrin rum pehtlaitia in Moses ni tlangbawi thuhla ituhman a sim lo.
15 Melkhizedek mang a imi tlangbawi pace a hangsuah tikah ahihi a fiang hlehhlo hoi.
16 Ani cu thisala citlaang rum pehtia in Daan ni Žuan khawhnak Žulih a dilmi thawngin iloin, siatsuahkhawh lomi nunnak ih huham thawngin Tlangbawi ah a cang.
17 Amah ih thuhla ah,
“Melkhizedek ih tlangbawi
ikdan mangin tlangbawi
na i thluangthluan,”
tiah simthan a ii.
18 Khatla ahcun, Daan hlun cu ŽawnŽai leh hmuarngeilo a ik ruangah phiat a ii,
19 (icatile Daan ni ituhman a tlamtlinsak lo); khat la ahcun, a Žhadeuhmi ruahsannak, acu thawngih Pathian kan pannak, luhpi a ii.
20 Ahihi thukhaam rum Žhosak a ii; icatile tlangbawi a cang tu mipacepawl cu an rian khi thukhaam omloin an la,
21 ihmansela ahi pa cu a hemah,
“Bawipa ni siat a sir romih,
a ruahnak a thlengtia thok lo,
‘Nang cu tlangbawi
na i thluangthluan,’ ”
tiah a ti tu ruangah thukhaam rum tlangbawi a cang.
22 acumangcun Jesuh ni a Žhasawnmi thukhaam aamahkhannak ah khaw a cang rom.
23 Cuhleiah, an rian peh kho lo dingin thihnak ni a donkham hngai ruangah hlanlio ih tlangbawipawl cu mipun in tlungpi an ii.
24 Ihmansela ani cu a peh thluangthluan ruangah a tlangbawi-iknak cu riingreengin a tlaihtia.
25 Curuangah, amah thawngin Pathian a pan tupawl cu dil piak hngai dingin a nun berbo ruangah kimhlangte in a rungdam hngai kho.
26 Acumang Tlangbawi Saang, a thianghlimmi, mawhngeilo, thianhlim lonak ih hnon lomi, misualpawl hemin a thiatiami leh vanpawl cungih hlirsanmi, kan ngeih ding cu a hoih hrimhrim.
27 Tlangbawipawl pace mang iloin, ani cu peita ah amah ih sualnakpawl caah, cun acu hnukah mipawl ih sualnakpawl caah ni khat hnuk ni khat raihrik a Žul lo; amah leh amah rai ah a hriktiak ahkhin san daih in a vua.
28 Daan ni cu aŽawnŽai mipawl tlangbawi ah a thiah hngai, Daan hnukih a phami thukhaam ni tu cu kimhlan thluangthluan sakmi Tiapa a thiah.