1 Curuangah Khrih ih thuhla zirhtiaknak a hrampi cu dunglaah matain, cun athimi rianpawl in rimnak leh Pathian zumnak, 2 tihnim, kutsuan, mithi thawhŽhannak leh kumkhua thuŽhennak thu zirhtiaknak, tipawl hi a hram in vong domla rero Žhan loin tlamtlinnak laah hmainor le hu. 3 Cun Pathian ni siang taw ah ahihi cu kan ti kau thok. 4 Icatile voikhat lam thinlung mit vansak rommi, vancung laksawng tepngah rommi, Thiang Thlarau a Žom ngahrommi, 5 cun Pathian thu ih Žhatnak leh a pha lai thok mi san ih huham a tepngah rommi leh 6 a ngal mianmi tupawl sualrimnak laah tundinŽhan thok cu a cangkholo. Icatile anmah thiamsual in Pathian Tiapa cu thinglamtah ah an khengtar Žhanih mualphoin an vua. 7 Anmah parih a zu ŽiuŽeumi ruahti a ding tu leh amah a thlotu le ca-ih thlaikhawm ding a suahpi tu khur cu Pathian hemin thluasuah a co. 8 Ihmansela hling leh sopawl a suahpi ahcun santlailo a ii ih camkhaat tuah ding phaan awk a om; a netnak cu mei ih tih ik thok khi a ii. 9 Ahiti hin sim hman ung la dawtmi le hngai, rundamnak thil a imi, thil Žhadeuh nan ngei tiin kan lung a ngam. 10 Icatile Pathian cu adinghmanlo a i lo; Amah min in mithiangpawl rennak in nan lansakmi nan rianŽuan leh dawtnak, nan peh rih mi hi hmungah loin a om thok lo. 11 Culeh nan ruahsanmi a kimsak fiang nak dingah a deng tiang rori in nan pakhat vek ni taimat nan suah ding kan daw, 12 acucu nan tha ze loin, an zumnak leh thinsaunak thawngin thutiampawl ro ah a co tupawl a cawngtule nan iknak dingah a ii.

13 Pathian ni Abraham hemah thu a tiam lio ah khin, thu a khaam nak ding amah van pipasawn huham a ngeih tak lo ruangah amah leh amah a min saaltia in thu a khaam ih, 14 “Ka tan thluasuah in ka tan punzaisak hrimhrim thok,” tiah a ti. 15 Acuticun Abraham ni thinsaute in a in ih thutiam cu a congah. 16 Minungpawl ni cu anmah van pipasawn pakhatkhat ih min saalin thu an khaam, culeh Žhosaknak ih vuakmi thukhaam ni thu altiaknak a dengsak. 17 Acuti mangcun, Pathian ni a thutiam rocotule hemah a tumtahmi cu thlengkhawh lomi a ikzia fiangngai hlehhlo in lansak a dawt tikah thukhaam in a Žhosak, 18 acucu Pathian mideu a ii ti khawh lonak, thlengkhawh lomi thil pahnih thawngin, Pathian hemah himnak ngah dingih a zuangtu keimi ni kan hmaka ih siahmi ruahsannak cu tlaihngah dingah rauhpiih thazaangpiak kan iknak dingah a ii. 19 Hi ruahsannak, kan nunkhua caah a fiangih a Žhomi thiir-cangainote 6:19 Lawng saamnak thirhri a ii, puanzaar dungla hmun thiang sungta ah a lut tu ruahsannak, 20 kan can-ai ah hmala ih a zuang li tu Jesuh ni lutin, Melkhizedek ih tlangbawi ikdan mangin Tlawngbawi Saang a cannak, hi kan ngeihmi cu a ii.