4
Pathian ih Tiammi Dindaihnak
Curuangah, a dindaihnak sungih luh ding thu tiamkam a ik rih lio ah hin nanmah lakih ahuhman acucu phat nan tlolh lonak dingah ralring hu law. Icatile a taktak ahcun thuthangŽha cu an hemih a phat mangin kan hemah a pha ve; ihmansela thungaitupawl rum zumnak ah punkhat an ik lo ruangah an zakmi thuthang ni anmah a Žhathnem hngai lo. Keimi a zum rom tupawl cu cui dindaihnak ah cun kan lut. Mipacele caah zong cu Pathian ni vulei hrambin pek ah a rianpawl a uuk hngai nain,
“Ka thinsiain siat ka sir,
‘Ka dindaihnak ah an lut thok lo,’ ”
tiah a timi mang a ii.
Icatile hmun pakhat ahcun ni sarihnak thu ah a tangla mangin, “Pathian cu a ni sarihnak ah a rianŽuan hmawhhmawh in a dindaihtia,” tiah a ti. Culeh a cui hmun ah, “Ka dindaihnak ah an lut thok lo,” tiah a ti sei.
Mihrekkhat caah acu luh ding cu honin a om rih ruangah leh hlandeuh ih thuthangŽha a co tupawl ni thuzulh lonak ruangih luh an tlolh ruangah, ni khat cu “nihinni” tiah a teek ih, kan vonlattakmi aan, hnukpi ah David thawngin,
“Nihinni ahhin a aw
nan zak ah cun,
nan thinlung ruhsak hlah uh,”
tiah a sim leh.
Icatile Joshua ni dindaihnak a pia hngai rom isela cu, ni pace thu Pathian ni hnukdeuh ah a sim thok lo. Cuti a ik ahcun Pathian ih minungle caah Sabbath dindaihnak a om rih kau. 10 Icatile Pathian cu a rian in a dindaihtiak mangin Pathian ih dindaihnak sungih a lut tupawl cu an rian in khaw an awltia. 11 Curuangah, an thuzulh lonak mang a imi thuzulh lonak thawngin ahuhman ngal lo dingah a cangkho tawk in zuam kau le hu. 12 Pathian ih thu cu a nungih a tekcak, ralreen van hnih par vanin a par sawn, nunkhua leh thlarau, ruh pehtiaknak leh hlikhlok lakih thau tiang a Žhenih a suntlang; thinlung ih ruahmipawl leh khaihtiakpawl a thia hngai. 13 Culeh a hmala ah seemsuahmi ituhman thuhmi a om lo, kan ikcannak thuhla kan simnak thok amah Pathian ih hmuhhngan ahcun izongza hi pheentu omlo leh phozaar an ii.
14 Vanpawl a han paltlang hngai tu Tlangbawi Saang Jesuh, Pathian Tiapa, kan ngeih ruangah kan phuanmi zumnak cu tlai Žho le hu. 15 Icatile kan ŽonŽaihnakpawl ah zawn a man ruat kholo tu Tlangbawi Saang kan ngei a i lo, a kap cang in kanmah mangih hniksak a inain sualnak ngei lomi a ii kan ngeih. 16 Curuangah, kan Žulpoi caan ih bawntu ding phusahihnak leh veel kan congah nak dingah velngeihnak toŽhiang cu ralŽhatnak rum hnaih le hu.