3
Moses cu Riantu, Jesuh cu Tiapa
Curuangah ulenauhngai, vancungla ih kawhnak ah a telve tu mithiangpawl, kan phuansuahmi zumnak ca ih tirhthlah leh Tlangbawi Saang hi ruat hman uh. Amah a riltu caah zumtlak a ita, Moses khaw Pathian ih innsang sungah “zumtlak a iktak” mangin. Ihmansela Jesuh cu Moses vanin sunparnak tamsawn rum a tlaaktia, innsatu cu inn vanin upatnak a ngeih deuh mangin. (Icatile inn cangte hi mi pakhat khat ih sakmi an ii, ihmansela thil zate a satu zong cu Pathian a ii.) Moses cu Pathian ni hinhnuk ih a sim leh thokmi simŽhan dingah tungsau pakhat mangin Pathian innsang zate sungah zumtlak a ita. Khrih zong cu Pathian innsang cungah tia pakhat dinhmun in zumtlak a ita, culeh keimi cu kan hmaihngalpimi ruahsannak cu lunglumnak in kan tlaih Žho ahcun a innsang kan ii.
Curuangah, Thiang Thlarau ni a sim mangin,
“Nihinni ah a aw
nan zak ahcun,
ramŽhing ah hniksaknak
caan ih ral in an din lio
mang khin cunan thinlung
ruh sak hlah uh,
acuruangah an tan
hringsartule nika Žuanmipawl
an hmu nakauin,
10 kum sawmli sung
ama hniksakta hngai.
Curuangah acui san mipawl
parahka thin a sia ih,
‘An thinlung sungin
lam an pial ringring,
cun ka lam khaw
an tiah lo’ tiah ka ti.
11 Ka thin siain,
‘Ka dindaihnak ah
an lut thok lo’
tiah siat ka sirh hngai.”
12 Ulenau hngai, a nungmi Pathian hemin a mertia mianmi ih a zum lomi, a Žha lomi thinlung ahuhman ni nan ngeih lonak dingah ralring uh. 13 Nanmah ahuhman sual ih deuhnak thawngin lungruh sak nan ik lonak dingah, “nihinni” tiih kawh a ik sung hmawh nicang pakhat leh pakhat torhtia uh. 14 Icatile kan zum peitleng lio ih kan ngeihmi lunglumnak khi a deng tiang kan tlaih Žho ceu ah Khrih ih bangle kan i thok.
15 “Nihinni ah a aw
nan zak ahcun, ral in
an din lio mang khin cu
nan thinlung ruh sak hlah uh,”
tiah sim a ii khi!
16 Za nakau ih ral in a diing siksik tu cu ahule an ii? Izipt ram a mata tu an zate Moses ih hruainak tangah an omta a i lo maw? 17 A inain kum sawmli sung ahule parah a thin a sia ta hmen? A sual tupawl, ramŽhing ah a thi tupawl an i lo hmen maw? 18 Thuzullo tupawl parih a ikloah, ahule parah a i hmen a dindaihnak sung ah lut lo dingih siat a sirh hngai mi le cu? 19 Curuangah anmimi cu an zum lonak ruangah an lut kho lo ti kan tiah.