1 Zumnak cu ruahsanmi thilpawl ah lungfiangnak, hmuh lomi thilpawl tiahfiangnak khi a ii. 2 Ahi thawngin a ii a man hringsartule cu lom an co. 3 Vanrang kulh hi Pathian anka in an cang tihi zumnak thawngin kan tiah, cuticun hmuhmi hi a lang lomi thilpawl in vuak an ii.

4 Zumnak thawngin Abel ni Kain ih raihrik vanin a Žhasawnmi rai a hri. Ahi thawngin midingfel tiih lansaknak a co, Pathian rori ni a lungkimnak a lansak. Amah cu a thirom, ihmansela a zumnak thawngin thu a sim rih kau. 5 Zumnak thawngin Enok cu lat a ii, cuticun thihnak a tiah man lo; culeh “Pathian ni a lat ruangah hmuh a ita lo.” Icatile lat a ik hlanah “Pathian lung a hmuisak,” tiah a thu tiahpi a ita. 6 Zumnak loin cu Pathian lunghmuisak ding a cangkholo, icatile Amah a pan tupoh ni cu Amah a om timi leh Amah a hrawl tupawl cu ngahvo a pia hngai ti a zum a Žul. 7 Zumnak thawngin Noah ni hmuh rih lomi thilcangmipawl thu ih Pathian ni ralrinnak a piak ahkhin, ralrinnak piakmi cu a upatih a innsang mipawl rung hngai dingah lawng a sa; ahi thawngin vulei cu a hnongih, zumnak in a imi dingfelnak rocotu ah a cang.

8 Abraham cu ro ah a co dingmi hmun laah pok suak dingih kawh a ik ahkhin zumnak thawngin thu a cangngai ih, khawnangla ah a vah hman tiahtia loin a tat suak. 9 A hemih tiammi ram ahcun zumnak thawngin caan tawilio cu khuatluangmi mangin a om; amah rum thutiam sakhat rocotule a imi Isaak leh Jacob rum puanthlaam sungah khua an sa. 10 Icatile khua lungphuun ngeimi, Pathian ih zingmi leh sak mi khuapi a lakhlah. 11 A ucang tuk vel nain, culeh Sarah hrimhrim le micing a ii, thu a tiam tu cu zumtlak tiah a ruah ruangah, zumnak thawngin tianau ngeih khawhnak huham a co. 12 Curuangah mi pakhat, mithi mang fang a i mi, hemin, “Van ih arsipawl leh rili kap ih siatnel siarhanglo zet a tammi” hrinsarle an hring. 13 Ahile an zate hi zumnak thawngin an thi, thutiampawl cota loin, lamhla in cu an hmu ih an dolawm. Vulei parah hin khualpapawl leh ramcemipawl an ik fiangte in an phuang, 14 icatile hiti ih a ang tupawl ni anmah ih ram an hrawl ti an fiansak. 15 Dungla ih an mattak rommi ram thu an ruatcuahco isela cu kirŽhan nak ding caanŽha an ngah rom kau thok. 16 Ihmansela a imi mangin cu, a Žhasawnmi ram an ngai, cucu vancungla ram a ii. Curuangah Pathian ni an Pathian tiih kawh ik ding a zahpi lo; ataktak ahcun an caah khualipi a tuahtim piak hngai rom. 17 Abraham cu hniksak a ik ahkhin zumnak thawngin Isaak rai ah a hri. Thutiampawl cotu ni cu a tiapa ngeihsun, 18 amah thu ah a hemih, “Isaak thawngin a ii na caah hrinsarpawl siar an ik thok cu,” tiih simmi cu rai ah hri dingin a ringtia. 19 A ruahnak ah cu Pathian ni mithi lakin hman a thawhsak kho ti a ii – tahŽhim phun ih sim ahcun, a ngahŽhan pan. 20 Zumnak thawngin Isaak ni Jakob leh Esau caah hmaila ih thluasuah a dil piak hngai. 21 Zumnak thawngin Jakob cu a thih vel thok ah Josef ih tiapale pahnih thlua a suah hngai veve, “a teileng luzim hngatthah in Pathian a bia.” 22 Zumnak thawngin Josef ni a san denglari ah Israel mipawl Izipt ram in an suah taak thok thu a sim ih a ruak vui nak ding thuhla a cah ta hngai.

23 Moses a suah hnukah thla thum sung a nulepa ni zumnak thawngin an thup, icatile tepangpa cu a mawi ti an hmu ih siangpahrang ih thusuahmi hman an hrul lo. 24 Moses cu a hang upat tikah Faroh siangpahrang tianu ih tiapa tiih kawh ik ding khi zumnak thawngin a al, 25 a ziamcop thokmi sual ih nomnakpawl nompi vanin Pathian mipawl rum namneh tuar a ril sawn. 26 Messiah ca-ih nauneh tuar cu Izipt ram ih hlawnthilpawl vanin a pipasawnmi lennak a ii tiah a ruat, icatile ngahvo a thlir cia. 27 Siangpahrang ih thinsiat hman hrul loin Izipt ram cu zumnak thawngin a suakta; icatile hmuhkhawh lomi Pathian a hmuh ruangah a taima. 28 Hrinpeitleng siatsuahtu ni Israel hrinpeitleng a tong hngai lonak dingah Lontak puai leh thisan theh cu a hmang.

29 Zumnak thawngin Israelpawl cu Rili San khi khur caar isela mangin an tan, ihmansela Izipt-mipawl ni an tan khaih ve tikah ti sung ah an piltla. 30 Zumnak thawngin Jeriko khuakulh dawlpawl cu ni sarih veel an ik hnukah an min. 31 Zumnak thawngin numizuartia Rahab cu thlingthlatule Žhate in a dolom hngai ruangah zumlotupawl rum an rawkral khat lo. 32 Itu ka sim beeng thok? Gideon, Barak, Samson, Jepthah, David leh Samuel leh profetpawl thu sim dingah caan ni ama daih thok lo. 33 Zumnak thawngin siangpahrangpawl ih rampawl an la, thu lai an rel, thutiampawl an congah, kiosapawl ih kaapawl an hup, 34 mei hlio ziakzo an di, ralreen ih thah an luat, zanzaihnak sungin thazaang an ngah Žhan, raldoh ah an dik, ramce ih ralkapbuurle zuang kau an vua. 35 Numipawl ni an mithi nunsak Žhan an co. Apacepawl cu hremsiat an ii, aŽhasawnmi thawhŽhannak congah dingah luatsak co ding an al. 36 Apacepawl cu nihsannak leh thawinak, cun hrengkhuah leh thawngthlak tiang hman an tuar. 37 Lungphon ih thah an ii, hluah in vawnghnih ah Žhawh an ii, ralreen in thah an ii, tuu phaw leh me phaw khawhtia in vahsak an ii, an veihsia, hrem an ii, tisiat an ii – 38 an caah cun vuleipi hi omnak a tlak lo. Ramcar leh tlaang lak ah, lungkuakpawl leh khurawngpawl sungah an vakvai. 39 a inain, ahile an zate an zumnak caah lom hlawh hman uh sela, tiammi cu an cota lo, 40 icatile kanmah telloin anmimi cu tlamtlinsak an ik lonak dingah Pathian ni kan caah thil Žhasawn a ruatkhang ta rom.