10
1 Daan cu hi ataktakpawl ih pianthlai ngaingai iloin a pha lei mi thil Žha ih muithlaam ceu a ngeih ruangah kum khat hnuk kumkhat pehzulhin hrikmi raipawl siksik thawngin cu a bia tupawl tlamtling kau a vua hngai kho dah lo.
2 Acutiin ihlah sela, a bia tupawl cu voikhatlam ah sandaih in thiansak an ik ruangah, sual phuhrintiaknak ngei ti lo leh raihriktiak awl rom thok an i lo hmen maw?
3 Ihmansela hi raihrikpawl ah hin kum khat hnuk kum khat sual pherphuaktu a om.
4 Icatile cawpetuumpawl leh mepawl ih thisan ni sualnak a phurhtak mianmi thok cu a cangthiam lomi a ii.
5 Curuangah, vulei ahhin Khrih a phat ahkhin hiti hin a ti,
“Raihrikpawl leh thilhlupawl cu
na hiar ta hngai lo,
ka caah ruangpun tu
a ma tuahtim piak;
6 meitih raihrikpawl leh
sualthlah raihrikpawl ah khaw,
na lung an hmui cuang lo.
7 Cucun kei ni,
‘Zohhman, maw Pathian,
na dawtzawng ti dingah
ka pha rom hi!’
(Lai Thianghlim zawl sungah
ka thuhla ngan in a om) ka ti.”
8 Peita ah, “Raihrikpawl leh sualthlah raihrikpawl cu na hiar hngai lo ih na lunghmuimi khaw an i lo,” (hipawl hi cu Daan mangih piakmi an ii) a ti.
9 Cuhnukah, “Zohhman, na dawtzawng ti dingah ka pha rom hi,” timi a beeng. A pahnihnak hi Žhosak dingah a pakhatnak cu a phiat.
10 Voikhatlam ah sandaihin Jesuh Khrih ih ruangpun raihrik a iknak thawngin keimi thiansak kan ik hi Pathian ih dawtzawng a ii.
11 Tlangbawi cang ni, ni khat hnuk ni khat an rian Žuanin, sualnakpawl a phurta mianmi kho dahlo tu raihriktiak keel siksik rai an hrik nolh.
12 Khrih tu cu sualnakpawl caah sandaih ih rai a hriktiak ngah in, “Pathian ih vorhla san ah a to,”
13 culeh cuhnuk cun, “a ralle a keteih ih vuak an ik leh hlansung,” a hngak kau.
14 Icatile raihriktiak pakhat te thawngin thiansak mipawl cu a tlamtlin sak hngai rom.
15 Culeh Thiang Thlarau ni khaw kan hemah a sim Žhan, icatile,
16 “Hihi cui nipawl hnukah
anmah rum ka vuak thok mi
thukam cu a ii.
An thinlung sungah ka Daanpawl
ka sang hngai thok,
an ruahnakpawl parah
ka ngan hngai thok,’ tiah
Bawipa ni a ti,”
tiah a ti hnukah,
17 “An sualnakpawl leh
Daanngeilo ihthil an timi
hmawhhmawh cu
ka cingkeng hngai
ti thok lo,”
ti khaw a beeng.
18 Ahipawl ngaidamnak a omnak ahcun sualnak ca-ih raihriktiak a om ti lo.
19 Curuangah ka ulenauhngai, Jesuh Khrih ih thisan,
20 puanzaar thawngin kan ca-ih a honmi, a thar leh a nungmi lam thawngin (acucu, a thisa in tinak) hmunthiang sung luh ding lunglumnak,
21 cun Pathian ih innsang cungah tlangbawi pipa kan ngeih ruangah,
22 Pathian cu zumnak fiang leh thinlung tak rum, phuhrintiaknak Žhalo sungin thianfaimi thinlung leh ti thiang ih kholmi kan ruangpunpawl rum hnaih le hu.
23 Kan ruahsannak kan phuanmi cu kaamlote in tlai Žho le hu, icatile thu a man tiam tu cu zumtlak a ii.
24 Cun dawtnak leh thilŽha tinak ah pakhat leh pakhat khawti in kan torh tia thok ti ruat le hu.
25 Mi hrekkhat ih an keelnak mangin hmunkhat ih puntiak cu daithlan loin, Bawipa ih Ni a nai cuahco nan hmuh mangin, pakhat leh pakhat thazaang piatia hlehhlo le hu.
26 Icatile thutak tiahnak co rom hnukah dawhrimih kan sual reuri ahcun, sualpawl caah raihriktiak awk a om ti lo,
27 thuŽhen tuar thok rin timi hrulŽha leh ralpawl a kaangciam hngai tu thok thinsiatnak mei ceu a taang.
28 Moses ih Daan a buar tupoh cu “thutiahpitu pahnih maw pathum maw ih thusimmi parah” naktiahnak omloin an thi kau.
29 Pathian Tiapa a nautat tu, anmah thiansaknak thukam thisan thurhnomsak tu leh velngeihnak Thlarau thinkansak tu cu itluk a rauhsawnmi hremnak tuar a tlak tiah ruat hmen cu?
30 Icatile, “Phuleisam cu kamah ih ta a ii, Kamah ni sam leh lang,” tiah a titu leh, “Bawipa ni a mipawl thu a Žhen hngai thok,” a ti sei tu cu kan tiah.
31 Anungmi Pathian kut sungih tlak cu hrulŽha a ii.
32 Mitvansak nan ikngah hnuk, harnak tiakpi ih nan intuar taknak hlanlio nicaanpawl khi vonmangŽhan hnik uh,
33 caangsanah mipi zohnuam dingin ahilo ih tisiat leh hrem dingah suahpi nan ii, cangsanah cun acutiih timipawl rum telkhattule nan ii.
34 Icatile thawng sungih ommipawl nan phusahih ih, thil Žhasawn leh hlasawn a nguhmi itumaw nan ngeih tiahtia in lungawite in nan tuar.
35 Curuangah, Pathian nan pan ngamnak cu zamta hlah uh, ngahvo hnempi miphurh ta a ii.
36 Icatile tuarkhawhnak nan Žul, cuticun, Pathian dawtzawng nan vuak ngah tikah a tiammi a co taw cu.
37 Icatile,
“Ihlet hlante rori ah,
a pha thok mi pa cu
a pha lei ih a raau lei lo;
38 ka miding zong cu zumnak
thawngin a nung thok.
a dungtolh tu pakhatkhat
parah cun, ka lung
a hmui thok lo,” a ti.
39 Ihmansela keimi cu dungtolh ih a hmalak tupawl lakah kan tello, zumnak ngeih ih run a i mipawl lakah zong cu kan tel.