2
Kan Bawi Jesuh phat thok leh a hemih vontum kan ik thok thu ah ulenauhngai, Bawipa ih Ni cu a pha rom tiah thlarau in maw, thusimnak in maw, kanmah hemin laikuat ngah phun ih simnak in maw, nan ruahnak hnit rang tuk lo ding, iklole thlakawk lo dingah kan tan ngeen. Ahuhman ni khawti lam in khaw tan deuh tia hlah uh seh; icatile dodalnak a phat peita leh daanbuar pa – siatsuah i dingih lairelmi pa – phuanlan a ik hlanah cun cui Ni cu a pha thok lo. Amah cu khuazing, iklole biak awk ih ruahmi hmawhhmawh dokalh hngai in an cungla ah a hlirsang tia, cuticun Pathian biakinn ah toin Pathian tiin a thantia. Nan hemih ka omtak rih lio ah khin hi thilpawl hi ka tan simta hngai ti nan cingkeng lo maw? Cun amah ih caan a phat tikah phuan lan a ik leh nak dingah atu hi itu ni a tlaihreng ti nan tiah. Icatile daanbuartu ih thuthuk cu rian a Žuan cia rom, ihmansela a tu ih a tlaihrengtu hi thawn a ik hlansung ceu a ii. Culeh a cuhnukah daanbuartu pa cu phuanlan a i thok, amah cu Bawi Jesuh ni a kaa in a suakmi thaw rum siatsuah in a phatnak ih ceeunak rum hmaremro a vua thok. Daanbuar pa ih phatnak cu huham, hmuhsaknakpawl, mideuhnak donharŽhapawl hmawhhmawh, 10 cun thuhmaan dawt leh runmi ik an al ruangih a hmalak rero tupawl caah mideuhnak hrokhrawl phun cang a hmang tu Satan ih rianŽuan ah a langfiang. 11 Ahi thu ruangah Pathian ni an hemah huhamngeimi mideuhnak a thlah thokih a hmaan lomi zum dingah a hruai hngai thok, 12 cucu thutak zum loin dingfel lonak ah nuam a titu an zate sualthuŽhen an iknak dingah a ii.
13 Ihmansela Bawipa ih dawtmi ulenauhngai, Thiang Thlarau ih thiansaknak thawngin leh thutak zumnak thawngin Pathian ni runnak ih vuang peitleng dinhmun in a tan ril hngai ruangah lungawi thu kan sim ringring thok. 14 Kan Bawi Jesuh Khrih ih sunparnak nan congah nak ding tumtahnak caah hin Pathian ni thuthangŽha kan simphuannak thawngin a tan ko hngai. 15 Curuangah ulenauhngai, kan hmurka ih simmi thu in iseh, kan laikuat in iseh, kan tan zirh mi thurosiah parah ding Žho in tlai Žho uh. 16 Atu cu kan Bawi Jesuh Khrih amah hrimhrim leh a man daw ih velngeihnak in kumkhua nangamnak leh ruahsannak Žha a man piatu Pathian kan pa ni 17 nan thinlung tan hneem hngai in thilŽha cang leh thuŽha simmi cang Žhosak hram seh.