THESALON
Pawlpi hemih Paul Laikuat Pahnihnak
A Ngantu, Ngan Kum leh Ngannak Hmun. A ngantu hi Paul ik zumlotu an suakih, Paul thih hnuk nawn ih nganmi ik an zum. A sung thuhla pacet ruangah (daanbuartu pa ih thu a tel), a aantangsar tlungpi an pacet, a ngan daan a pacet ruangah tiih Žangtu an om mangin, a aantangsar sakhat cekcimi an om hnuaihni ruangah pakhat ih nganŽhan vanin mi pace ni cawngih ngan ve zum a om sawn, cun AD 50 hnuk ik hoih a ii, an ti. Paul ni a ngan ahcun kuat khatnak a ngan uh hnuk kum khat sungah a ngan tiah zum a ii. Acucu AD 52 luan hlanah tinak a ii. Paul ni a ngan ahcun a ngannak hmun khaw Korin khua siksik a i thok.
Tumtahmi. Thesalonika khua ih zumtupawl ni an tuahmi thilomdan cu kuat khatnak sung vanin a phunce ciamco tuk lo a ik ahcun, a ngantu ih tumtahmi khaw a pace tuk thok lo. (1) Hremtuar tupawl thapiaknak (1:4-10); (2) An dinhmun Žho ding leh khuasaknak caah cun mahte rianŽuan dingih torh hngai dingin (2:13-3:15), leh (3) Bawipa ih kirŽhannak rum pehtlaitia in tiahsualnak a ommi a hmaan ih rem dingah (2:1-12) tipawl hi an ii.
Thusirhsan. Kuat khatnak mangin hi kuat hnihnak ni sandengnak thu a thu pithlur ah a vua, icatile a tiin zate 47 a ngeihmi sungin 18 cu acui thu a simih zatek in 38 a ii. Hihi ruahsannak a ii, ruahsannak loin nun man a om lo. Amahbelte ruahsannak hi apeeng ah tahpi leh cansak thok cu a i lo. Cui ruahsannak a kimsak hlanah hartuarnak nasa ngai a phat ah khaw zumŽhoin hrialkam ih zumlotupawl caah zohŽhimawk in om ding a thupitsak.
1
1 Paul, Silvanasnote 1:1 Silvanas hi a Grik min a ii, Sailas tiin khaw kawh a ii. leh Timote ni, Pathian kan Pa leh Bawi Jesuh Khrih sungih a ommi Thesalonika khuamipawl ih Pawlpi hemah lai kan tan kuat.
2 Pathian kan Pa leh Bawi Jesuh Khrih hemin veel leh daihnak cu nan hemah om kau seh.
3 Ulenau hngai, nan zumnak cu hleihluan ngai in a hnemih nanmah ahupoh ih pakhat leh pakhat nan dawttiaknak cu a karhmiarmo ruangah, a hmaanmi a ik mangin nanmah caah lungawithu Pathian hemih sim ringring thok kan ii.
4 Curuangah hremnakpawl leh hartuarnakpawl nan in rero lioih nan Žhonak leh nan zumnak thuhla ah kanmah hrimhrim ni Pathian ih pawlpi leh lakah tluang kan tan khawnnak hngai.
5 Ahihi Pathian ih thuŽhennak dingfel lansaktu a ii ih, nan tuarhnawh reromi khaw a i mi Pathian uknak rum tlaktiami ah tan vua hngai dingih tintahmi a ii.
6 Icatile nanmah harnak an tan tuarsak tupawl harnak rum rulhŽhan ding,
7-8 cun Bawi Jesuh cu vancung in a dikcakmi a vanmile rum meihlio sungih a lan tikah, Pathian tiahlo tupawl leh kan Bawi Jesuh ih thuthangŽha a cangngaih duh lo tupawl parih phuleisam a tuar sak hngai tikah, har tuarsak mi nangmi cu keimi rum luatnak man piak ding cu Pathian caah a dinghman kau.
9 Ahile cu Bawipa hmaika leh a dihcahnak ih sunparnak rum Žhentia in kumkhua siatsuahnak in hrem an tuar thok.
10 Acucu a mithiangle ni sunparsak dingah leh, a zumtu zate an khuaruahhar dingih a phat ni ah a i thok, nangmi cu kan tan simphuanmi a zumtu lakah nan tel.
11 Ahi dingah hin kan Pathian ni a mikawhnak rum a tlaktiami ah tan vua hngai ding leh a Žha nan ti khaihmi leh zumnak rian nan Žuan khaih mi cangte a huham in a kimsak nak ding thlacam in kan dil ringring.
12 Acucu kan Pathian leh Bawi Jesuh Khrih ih veel thawngin kan Bawi Jesuh ih min cu nan sungah sunparsak ii in, cun nangmi cu amah sungah sunparsak nan iknak dingah a ii.