4
Netatlengah, ulenauhngai, khawti in nun awk leh Pathian lunghmuisak awk cu kan hemin nan zir rom mangin (ataktak ah, acucu nan ti reromi a i kau), ti hlehhlo ding nan ii ti hi Bawi Jesuh sungah tan dilin kan tan tirh. Bawi Jesuh thupiaknak in itu kan tan zirh ti cu nan tiah kau. Icatile Pathian ih dawtzawng, nan thianhlimnak cu: numipami sualkhatnak nan suptiak ding; nan ruangpun cu thianhlimnak leh upatnak in khawtiih ukneh thok ti nan tiahnak ding, Pathian tiah lomi Zentail-mipawl mangin ahurmi hiarnak rum om loin; a hlan in kan tan sim cia leh ngekpi in ralrin kan tan piak hngai mangin, Bawipa cu hi thilpawl hmawhhmawh parih phulatu a ik, ahuhman ni a unau parah thilsual ti lo ding, iklole miat lakmen lo ding, icatile Bawipa cu a hi thilpawl hmawhhmawh parah phulatu a ii, ti hi a ii. Pathian ni thianhlim lonak ah iloin thianhlimnak ah a man ko. Curuangah ahihi a al tupoh cu minung thungeihnak a al a i lo, nan hemah Thiang Thlarau a tan pia hngai tu Pathian a al a i sawn. Atu ahcun ulenaupawl dawt ding rum pehtlaitia in ahuhman ih lai tan kuat khaw nan Žul lo, icatile pakhat leh pakhat daw tia dingin nanmah hrimhrim hi Pathian ih zirh rommi nan ii; 10 culeh Masidonia peng sung hmawh ih nan unaupawl an zate nan daw hngai taktak kau. Ihmansela, ulenauhngai, acutiin daw tia hlehhlo dingah, 11 daite ih om zuam dingah, mah ih thuhla vek ceu ruat dingah, cun lam kan tan hmuh hngai mangin nan kut rori in rianŽuan dingah kan tan torh, 12 acucu lenglamipawl hemah ningcangte in nan nuncan ih ahuhman ring loin nan om nak dingah a ii.
13 Ihmansela ulenauhngai, ruahsannak a ngei lo tu mipacele mangin nan ngaihsia lo dingah a thirom tupawl ih thuhla ah thu zaksak lomi nan ik awk cu kan daw lo. 14 Jesuh cu a thi ih a tho Žhan ti kan zum hnuk cu, acu mangcun a thi rom tupawl cu Jesuh thawngin Pathian ni Jesuh rum a pita hngai thok ti kan zum. 15 Ahihi Bawipa ih anka in kan tan sim Žhan hngai: icatile Bawipa phat tiang nungih a taang tu keimi ni a thicia tupawl kan kheel hrimhrim thok lo ti hi Bawipa ih anka in kan tan than hngai. 16 Icatile Bawipa amah rori cu thupiaknak, aunak, vanmi sangtleng ih kawhnak leh Pathian ih tawtawrawt tum thawng rum vancung in a Žum thok, culeh Khrih sungih a thimi an tho peita thok. 17 Nungih a taang tu keimi cu meici lakah Bawipa tuak dingin anmahpawl rum latso kan i thok; culeh Bawipa rum kumkhua kan om khat thok. 18 Curuangah hi aankapawl rum pakhat leh pakhat thapiatia uh.