THESALON
Pawlpi hemih Paul Laikuat Pakhatnak
Thesalonika khua cu Rom ih ukmi Masidonia peng ih khualipi a ii. Pursumnak khuapi a ii ih Paul san lio ah mipun 20000 hrawng an om. Tirh. 17:4 leh Thes. 1:9-10 zoh tikah hi khua ih pawlpi hi Zentail-mi an tlungsawn ti a lang. Paul ih thuthangŽha simnak in a diingmi pawlpi a ii. Pawlpi thawnnak thu cu Tirh. 17:1-9 sungah kan hmu kho.
A Ngantu, Ngan Kum leh Ngannak Hmun. Paul ih nganmi a ik alkhawh lomi laikuat pasarih sungih pakhat a i ve. AD kum 140 hrawng in cu pawlpi hruaitu leh laingantupawl ni lungrualin hi laikuat hi Paul ih nganmi a ii an ti. Cucu sungla leh lengla thu omdan parin a ii (1:1; 2:18; 3:1-2). Paul ih laikuat peitatleng ik zum a ik ruangah AD 50 liam hlanih nganmi ik zum a ii, icatile Korin khua hi AD 50 thawhpek ah a ii. Korin ah kum khat leh hrek a om lio ih a nganmi a ii (Tirh. 18; 1 Thes. 3:6).
A Ngansaktu Thupawl. Paul ni Bawipa Žum rang thokin a sim ta hngai ih mi hrekkhat rianŽuan zuam ti loin a phen aw hngai. Cun mi hrekkhat an thi man ih Jesuh le a Žum rih lo tikah a Žum ahcun tuakla loin sung lei uh ti an don hngai. Cui thupawl Timote ni Korin ah a zong sim. An zohŽhatnak thu leh an zumnak thupawl a simcih. Cupawl parin lungawi thusim, anmah thapiak, fiansak Žulmi a om ruangah – zumtu thar caah harnak tuar ngam ding, thianghlimin nun ding, mah awkdin ding mah ni hrawlih Žuan dingih sim hngai dingah - tipawl hi a ngannak thuhlapawl an ii.
A Tumtahmi leh a Thupithlurpawl. (1) Jesuh phatŽhan thok(1:9-10; 2:19-20; 3:13; 4:13-8; 5:23-4) hi khawcangah khaw a cang kho mi i hmansela rianŽuan pelhkauin hngah thok a ik lo zia sim hngai a daw; (2) Acu hlanih a thimi zumtupawl cu Jesuh phat tikah thawhsak an i thokih, nungih taangmi zumtupawl rum amah tuak dingin latso an i thok, Jesuh rum kumkhua an om khat thok; (3) Zumtu thar cu vulei thisa nun Žhalo zul loin nun thianghlim nung dingah torh hngai a daw; (4) Cun harsatnak leh hremnak tuar taima dingin torh hngai a daw; (5) Amah soisel tupawl a thuhla simfiang hngai a daw. “Zumnak, dawtnak leh ruahsannak” timi ziaza Žhatleng pathum hi Korin laikuat hlanah a tel (1:3; 5:8).
1
1 Paul, Silvanas leh Timote ni, Pa Pathian leh Bawi Jesuh Khrih sungih ommi Thesalonika khuamipawl ih pawlpi hemah lai kan tan kuat:
Veel leh daihnak cu nan hemah om hram seh.
2 Kan thlacampawl ah tan telhin nan zate caah Pathian hemah lungawithu kan sim ringring.
3 Kan Pathian leh Pa hmaiah nan zumnak rianŽuan leh dawtnak riankhung leh kan Bawi Jesuh Khrih sungih nan ruahsannak a feh zia kan cingkeng berbo.
4 Icatile Pathian ih dawtngaimi ulenauhngai, nanmah a tan ril hngai rom ti kan tiah,
5 kan thuthangŽha cu nan hemah anka men in ceu iloin huham leh Thiang Thlarau leh tiahfiangnak kim rum a pha ti nan tiah ruangah; itumang minung kan ii ti nan lakih kan lansak cu nanmah Žhatnak caah a ii ti nan tiah mang a i kau.
6 Cun kanmah leh kan Bawipa ih nun cawngtule ah nan cang, icatile hremnak tuar nakauin Thiang Thlarau ih thawkhummi lungawinak rum thuthangŽha cu nan cosang,
7 cuticun Masidonia leh Akhaia peng ih zumtu hmawhhmawh caah zoŽhimawk nan cang.
8 Icatile Bawipa ih thu cu nan hemin Masidonia leh Akhaia peng sung ceu ah a thangsuak iloin, Pathian nan zum ti cu hmuncang ah tiah a ii, curuangah keimi ni acui thu kan aan a Žul lo.
9 Icatile acunangih om tupawl ni nan lakah khawtiih dolaak kan ik, anungmi leh ahmaanmi Pathian bia dingah, mepapawl hemin Pathian laah khawti in nan mertia,
10 cun vancung in a pha thokmi a Tiapa, mithi lakin a thawhsakmi a pha laithok mi thinsiatnak sungin a man rungsuaktu Jesuh – hngak dingah nan ii, ti a man sim.