4
1 Ka simdawtmi cu hihi a ii: rocotupawl cu tepang an ik sung poh cu, thilri zate ngeitu an ik hman ah, salpawl vanin an uakdeuh ce lo;
2 pa ih ni tukmi a phat hlansung kilkhawitu leh tawlreltule tangah an taangrih.
3 Cumang cun keimi khaw, tepang kan ik lio ahcun, vulei uktu thlaraupawl ih sal ah taansak kan i ta.
4 Ihmansela, caan kimnak a phat thleeithli tikah Pathian ni, numi ih hrin, Daan tangih hrinmi a Tiapa a thlah,
5 acucu tiale cansakcopnak kan ngahnak dingah, Daan tangih a om tupawl tlang hngai dingah a ii.
6 Culeh tiale kan ik ruangah, Pathian ni a Tiapa ih Thlarau cu kan thinlung sung ah a thlah ih, “Abba, Papa” tiah a au suak!
7 Curuangah nangmi cu sal nan i ti lo, tiale sawn nan ii, culeh tia nan ik ahcun Pathian thawngin rocotu khaw nan ii.
8 Hmalio ih, Pathian nan tiah taak lo lio ah cun, an iknak in khuazingpawl a i lomi ih sal nan i ta.
9 Atu zong ahcun Pathian nan tiah velih, iklole Pathian ih tiahmi sawn nan ik ruangah, khawti in a ii thlarau ŽawnŽai leh santlailo hemih nan mertiak Žhan? Khawti in an sal ik Žhan cu nan daw thiam?
10 Ahleicemi nipawl, thlapawl, tikcupawl leh kumpawl nan ul rero?
11 Nan ca-ih ka Žuanmi cu hoitlawi a cang pang hngen rawn ti ka phang.
12 Ulenau hngai, kei khaw nanmah mang ka can ve rom ruangah, kamah mang cang ve uh tiah ka tan dil hngai. Ka parah thilpalh nan ti ta lo.
13 Nan hemih thuthangŽha ka simphuan peitleng khi tiksa dam lonak ruangih a ik nan tiah kau;
14 ka omdan ni an tan hniksak nain, ma nihsan in a ma nautat hngai lo, Pathian vanmi pakhat mang leh Khrih Jesuh mang tu in a ma cosangla hngai.
15 Nan lunghmui tak khi itu an cangtia? Icatile, cangkho sela cu nan mit hman khorhtia in ma pia tur cu ti cu tiahpitu ka ii.
16 Atu tu cu thungai ka tan sim hngai ruangah maw nan ralpa ih ka can?
17 Zirhtusualle ni cu nanmah an tan sunsak ngai, ihmansela tumtahnak Žha caah iloin, anmah nan sunsak hngai ve nak dingah kanmah hemin tan thliarce an dawt ruang tu ah a ii.
18 Nanmah rum ka om lio ah ceu iloin, khawcang hmanah tumtahnak Žha caah mi ih sunsak ik cu a Žha kau ee.
19 Ka tiale tete hngai, nan sungah Khrih seemsak a ik hlansung cu nan caah nausanpiak tiah ka tuar.
20 Atu hi nanmah rum omkhatin ka awcawi thleng kho ningla ka daw, icatile nan thuhla ah lumlawi in ka om.
(Gen 21:8-21; Isa 54:1)
21 Nangmi Daan tangih om a daw ngai tule, ma sim hnik uh, Daan ih simmi nan ngai thok lo maw?
22 Icatile Abraham ni tiapale pahnih: pakhat cu sal nu hemin, pakhat cu miluat nu hemin, a ngei hngai.
23 Sal nu ih tia cu tiksa in hrin a ii; a pace, miluat nu ih tia cu thutiam thawngin hrin a ii.
24 Ahihi tahŽhimnak pakhat a ii. Hi numi le hi thukam pahnih an ii. Numi pakhat cu a taktak ah Hagar a ii, Sinai Tlang in a ii ih, sal i dingah tiale a hring hngai.
25 Hagar cu Arabia ram ih a ommi Sinai Tlang a ii ih atulio Jerusalem a sawh; icatile ani cu a tiale rum sal ah an taang.
26 Numi pace zong cu cungla ih Jerusalem a sawh; ani cu a luat, culeh ani cu kan nu a ii.
27 Icatile,
“Nang micing nu,
nang tiale hring lo tu,
lungawi in kiurak,
nang nauhrin tiah
a tuar lo tu;
Icatile pumah a ngeikaumi
nu ih tiale vanin
Zuantaakmi nu ih tiale cu
an tamsawn khuakhua,”Ref 4:27 Isa 54:1
tiah ngan a ii.
28 Nangmi ka ulenauhngai, Isaak mangin thutiam in hrinmi tiale nan ii.
29 Ihmansela acu lioih tiksa in hrinmi tiapa ni Thlarau in hrinmi tiapa cu a hmuhsit taak mang khin, atu hi khaw a i ve.
30 A inain Lai Thianghlim ni khawti in a ti cang? “Sal nu leh a tiapa cu Žhawl hngai; icatile sal nu ih tiapa ni cu miluat nu ih tiapa rum ro an co khat thok lo,”Ref 4:30 Seem(Gen)21:10 a ti khi.
31 Curuangah ulenauhngai, keimi cu sal nu ih tiale kan i lo, miluat nu ih tiale sawn kan ii.