KALATI
Pawlpile Hemih Paul Laikuat
A Ngantu, A Ngan Kum leh a Ngannak Hmun. Paul ih laikuat a i hrimhrim tiah fiangte ih Žan khawhmi laikuatpawl lakah a telvemi a ii. Acu ceu iloin, mi pace auh hngai loin amah ih kut rori in a nganmi a ii; a damlo ruangah laita hnem pipi in a ngan hngai (6:11). Paul ih nganmi a ik hi a altu an om lo. A ngan kum zong cu a cekci ih tiah a har. Tuandeuh ih ngan a zumtu ni AD 50-53 lakkar ih nganmi ik an puh; AD 48 la ih ngan zum khaw an om hoi. Hnukdeuh ih ngan ik zumtu ni cu AD 53-56 lakkar ih ngan ik an zum; AD 56-58 lakkar ih ngan ik zum khaw an om. Altiak reromi a i rih nain hnukdeuh ngan ik zum vanin tuandeuh ih ngan ik zum hi hman a hoih deuh kau. Curuangah Paul ih laikuat peitatleng (AD 50 hlan) a ik meeng lo hmanah AD 53 hlan cu a i thok ti hi lungkimŽha a i deuh kau. Tuandeuh ih ngan ik zum ahcun a ngannak hmun cu Efesa khua a i thok. Hnukdeuh ih ngan zum a ik ahcun Masidonia peng a tlon lio ah a i thok.
A Ngansaktu Thupawl. Paul leh Barnabas ni Pathian naktiahnak ih runnak cu zumnak in co khawh a ik zia an sim ruangih zumtu thar a cang mipawl hemah Jerusalem in Jeim ih thlah mi Judah Daanzulpawl an pha. Paul cu Jerusalem Pawlpi ih lungkimnak laiken ngei lo, tirhthlahle lakih tel lo a ik zia, thuthangŽha hi manbaitukin a sim ruangah Judah Daan a rawhsak zia leh Zentail-mi zumtule cu phawzimŽhawh an Žul zia tipawl an sim ciamco. Acu thawngin Grik-aanhmang Judah zumtu thar leh Zentail-mi zumtu thar mitlungpi ni Thukam Hlun an rel Žhanih, a hrekkhat ni an ca-ih a kaih hlei lo zia an hmuh lio ah, a hrekkhat ni zulh ve an khaitia ih phawzimŽhawh tiak hman an daw. Mi zaraan tlungpi cu a ti awk tiah loin a lumlawi hngai. Acui thupawl cu Paul hem a pha. Paul ni amah ruangih zumtu thar a cangmi, atu thin lumlawi ih omtupawl pha hngai ih simfiang nak ding caan a ngeih lo ruangah laikuat ngan in a simfiang hngai.
A Thupithlurpawl ah: Khawnang in Thungeihnak a Ngah? (1:1, 6-10, 11-2:21); Khristian leh Thukam Hlun (2:1-4; 3:1-14, 15, 19, 24; 4:4-7); Zalennak leh Daan zulhnak (4:8-11, 21-5:15, 5:13-26; 6:1-17), timi a tarlang hngai.
Hi laikuat sungih a thubur cu: thiamcosaknak thupon a ii. Acucu Daan zulhnak in iloin zumnak thawngin a ii. Zumtupawl cu Thlarau thawngin a luatmi an ii, tihi a ii.
1
1 Tirhthlah Paul – minungpawl ih tirhnak in iseh, thungeitule hemin iseh, thlahmi i lo, Jesuh Khrih leh mithi lakin amah thawhsak tu Pa Pathian ih thlahmi – leh
2 kamah rum a omkhatmi Pathian innsang sungtelpawl zate ni Galati ih ommi Pawlpile hemah, lai kan tan kuat.
3 Kan Pa Pathian leh
4 atu san sia hin man luatsak dingah kan Pathian leh Pa ih thudawt mangin kan sualnakpawl caah amah leh amah a piatia tu Bawi Jesuh Khrih hemin veel leh daihnak cu nan hemah pha hram seh.
5 Kan Pathian leh Pa hemah cun sunparnak cu om thluangthluan kau seh. Amen.
6 Khrih ih veel sungah a tan ko hngai tu cu dungtunih thuthangŽha pace laah nan mertiak ran tuk ruangah ka don a har.
7 ThuthangŽha pace a om taktak ruangah iloin, nanmah tan lumlawisak leh Khrih ih thuthangŽha peeng sak dawtu hrekkhat an om ruangah a ii.
8 Ihmansela, kanmah leh vancung in vanmi hman ni, nan hemih kan simphuanmi rum a kalhtiami thuthangŽha kan simphuan ahcun a simphuangtu cu camkhaat ii seh!
9 Ahi hlanih kan sim taak mangin atu hi kan nolhŽhan, nan cosan rommi rum a kalhtiami thuthangŽha mi pakhat ni nan hemih a simphuan ahcun, amah cu camkhaat i kau seh.
10 Atu hi minung lungkimnak maw ka hrawl rero, iklole Pathian lungkimnak? Iklole mi ih lungawinak maw ka zuam rero? Mi lungawisaktu ka ik rih ahcun Khrih ih sal ka i thok lo tang.
(Tirh. 9)
11 Ulenau hngai, ka simphuanmi thuthang-Žha cu minung hemin hramthawhmi a i lo ti tan tiahsak hngai ka daw.
12 Icatile minung hemin ka ngah lo, zirh khaw ka i ta lo. Jesuh Khrih ih a phuanlannak thawngin ka ngah a i sawn.
13 Judah biaknak sungih ka nun tak lio khi nan za rom kau. Pathian ih pawlpi cu doihdeh loin ka hrem rero ta ih siatsuah dingah ka zuam rero ta.
14 Judah biaknak ahcun ka khukŽhi tlungpi ka hleih hngai, icatile a man hringsartule ih thurosiah zulh laah cun ka zuam sawn punpah.
15 Ihmansela, ka suah hlan in ama thia tu leh a velngeihnak thawngin ama ko tu Pathian ni
16 a Tiapa cu Zentail-mipawl hemih ka simphuan nak dingah ka hemih a phuan tikah, minung ahuhman thu ka ron lo.
17 Iklole ka hlanih tirhthlah a i rom mipawl hem Jerusalem ah khaw ka tat ta lo. A voikhatah Arabia ah ka tat mianmi ih cuhnuk cu Damaskas ah ka kirŽhan.
18 Kum thum hnukah Kefas tlawn dingin Jerusalem ah ka tatih a hemah ni 15 ka caam.
19 Ihmansela Bawipa ih nau Jeim simlo tirhthlah ahuhman ka tuak hngai lo.
20 Nan hemih lai ka nganmi ahhin Pathian hmaika ah thulo ka puah lo!
21 Cuhnukah Siria leh Silisia rampawl ah ka tat,
22 culeh Judea peng ih ommi pawlpile ni cu hmelhmuh in a ma tiah hngai rih lo.
23 “Hlan ih a man hrem rero ta tu pa khi atu cu siatsuah a khaih takmi zumnak thu a simphuang rero,” tiih simtiakmi ceu an za.
24 Culeh kamah ruangah Pathian an thangŽhat.