2
Nangmi cu daanbuarnakpawl leh sualnakpawl thawngin nan thi ta, acu sungah hi vulei ih tahdan zulin nan nungcang ta dah, huih lakih huham uktu, thuzullo tupawl lakah atu rian a Žuanmi thlarau dung nan zul. Kan zate hin anmah lakah kan tiksa hiamnakpawl, tiksa leh thiltiahnak ih hiamnakpawl zulin kan nungcang ta dah, culeh mi vek mangin, kan ikning in cu thinsiatnak ih tiale kan ita. Ihmansela velngeihnak in a lian ngaimi Pathian ni a nasami a dawtnak thawngin a man daw ih, kan daanbuarnakpawl ruangih kan thih lio hman ah Khrih rum a man nunsak khat ih – velngeihnak thawngin runmi nan ii – Khrih Jesuh sungah, amah rum man thawhsak khatin, vancung hmunpawl ah amah rum a man tosak khat, acucu a pha laithokmi san ah, Khrih Jesuh sungah, kan parih a man naktiahnak ahkhin a velngeihnak ih tahkhawh lomi lennak man hmuhsak dingah a ii. Icatile velngeihnak zarto in zumnak thawngih run nan ii, ahihi nanmahte ih vuakmi a i lo; Pathian ih Žhenmi a ii – rianŽuan ih suahpimi a i lo, cuticun ahuhman a porhtia hlah taw uh. 10 Icatile keimi cu a man vuak takmi, rianŽuan Žha caah Khrih Jesuh sungih seemsuahmi, kan ii, acucu kan nundan i dingah Pathian ni a hlanin a tuahtim ciami a ii.
11 Curuangah nangmi Zentail-mipawl, hrinlam in “phawzimŽhawh lomi” tiah “phawzimŽhawhmi” tiih kawh a i mipawl ni voikhat lio ih an tan kawh taak khi vonmang uh – cucu minung kut in tiksa parih vuakmi tiksala phawzimŽhawh a ii. 12 Acu lio ah cun Khrih ngeiloin, Israel rammi-iknak ih tello misiing, thutiam ih thukam ahcun khualpa, vulei ahhin ruahsannak ngei lo leh Pathian loin nan ik khi vonmang uh. 13 Ihmansela, nangmi lamhlapi ih a om ta mipawl khi atu cu Khrih Jesuh sungah Khrih ih thisan thawngin lamnai ah phatpi nan i rom. 14 Icatile amah cu kan remnak a ii; a tiksa in mi Žhentu khamdawl, kan karlakih raltiaknak cu a beeu ih kan buur hnih cu pakhat ah a cansak. 15 Miphun phun hnih can-ah amah sungah miphun phun khat a seemsuah nak dingah, cuticun remnak vua dingah, Daan cu a thupiakpawl leh zulhdingpawl hmawh rum dengin a phiat, 16 cun buur hnih cu thinglamtah thawngin Pathian hemah punkhat ah remdun dingin, cuticun acu thawngin cui raltiaknak cu a thah nak dingah a ii. 17 Curuangah a ii amah cu a pha ih nangmi lamhlapi ih ommi leh lamnai ih omtupawl hemah remdaihnak thu a simphuan cu; 18 icatile amah thawngin kan phun hnih in Pa hemah Thlarau pakhat sungih hnaihkhawhnak kan ngei. 19 Curuangah nangmi cu khuatluangmi leh misiing nan i ti lo, mithiangpawl rum laikhat, cun Pathian innsang sungtel khaw nan ii, 20 cucu tirhthlahpawl leh profetpawl ih hramlinmi leh, innkil lung Khrih Jesuh amah rori a iknak parih sakmi a ii. 21 Amah sungah inn punpuluk cu hmunkhatah pehtlaitia in, Bawipa sungih biakinn thianghlim ah a Žhang. 22 Amah sungah cun nangmi khaw zumtu pace pawl rum hmunkhatah Pathian ni Thlarau in a leennak ding hmun caah sak nan i ve.