4
1 Bawile hngai, nan salle cu dinghmanngai leh mawicuangngai in zo uh, icatile nangmi khaw vancung ah Bawi nan ngei ve.
2 Thlacamnak ah nan pun piatia uh la, lungawi thusimnak rum tiimhring uh.
3 Acu thah ah, thawng ka tlaknak san, Khrih ih thuthuk kan than khawhnak ding, a thu caah Pathian ni sangka man honpiak ve dingin kan caah thla cam uh,
4 cuticun ka phuanlan ding mawi mangin fiangte in a phuanglang taw ing.
5 Lengla mipawl hemah tingngai in nungcang uh la, caanŽha kip cu a Žhatleng in hmang uh.
6 Nan thusim cu mi nazak remmi, cite thlahmi i ringring sela, cuticun mi ahupoh khawti in thu nan leh a mawi ti nan tiah kho thok.
(Efe. 6:21-22 )
7 Taikhikas ni ka thuhla zate tan sim hngai leh lei; amah cu dawtngaimi unau, zumtlak rianŽuantu, cun Bawipa ah kan sal ikpi a ii.
8 Ahi tumtahmi hrimhrim caah amah hi nan hemah ka thlah: khawti in khua kan sak a tiah taw cu, culeh nan thinlung thazaang a tan pia hngai taw.
9 Amah cu nanmah lakih pakhat a imi, zumtlak leh dawtngaimi unau Onesimas rum an tan pha thok. Hinangih izongza thuhla an tan sim hngai thok.
10 Ka thawngtlakpi Aristarkhas ni a tan sawnbia hngai, Barnabas ih tupa Marka ni khaw Amah rum pehtlaitia in – an tan phat ahcun Žhate in dolawm uh – timi thucah nan ngah rom.
11 Culeh Jastas tiih kawhmi pa Jesuh ni a tan sawnbia hngai. Ahile ceu hi Pathian uknak ca-ih ka rianŽuanpile lakah phawzimŽhawh an ii, cun ka thinhneemtu an ii.
12 Apafras, nanmah lakih pakhat, Khrih Jesuh ih sal ni a tan sawnbia hngai. Amah cu picangin nan om leh izongza ah Pathian dawtzawng nan tiahfiang kim nak ding, nan can-ah thlacamin a Žang rero tu a ii.
13 Icatile amah cu nanmah caah leh Laodisia khua leh Hierapolis khuamipawl caah harngai in rian a Žuan ti thutiahpitu ka ii.
14 Luka, dawtngaimi sibawi leh Demas ni an tan sawnbia hngai.
15 Laodisia ih a ommi unaupawl hemah, cun Nimfa leh a inn ih pawlpi hemah biaksonnak ma kuat piak uh.
16 Culeh hi laikuat hi nan lakih rel a ik ngah tikah Laodisia khua ih pawlpi ah khaw rel sak uh la; Laodisia khua hemin laikuat khaw rel ve teuti uh.
17 Culeh Arkhipas hemah, “Bawipa ih rianŽuan na co rommi cu Žuan uk teuti lei ci,” tiah sim uh.
18 Kei, Paul ni hi biaksonnak hi ka kut rori in ka ngan. Ka hrenghri mang uh law. Pathian ih veel cu nan hemah om hram seh.