3
Khrih sungah Nunnak Thar
1 Curuangah Khrih rum thawhsak khatmi nan ik ahcun, Khrih omnak, Pathian vorhla san ih a tonak, vancung ih a ommi thilpawl hrawl uh.
2 Nan ruahnakpawl cu vuleicung thilpawl parah iloin vancung thilpawl parah sia uh,
3 icatile nan thi romih, nan nunnak cu Khrih rum Pathian sungah thuh a ii.
4 Nan nunnak a imi Khrih cu phuanlan a ik tikah, nangmi khaw sunparnak sungah amah rum phuanlan nan i ve leh thok.
5 Curuangah nan sungih a ommi vuleila ta itukhaw: numipami sualkhatnak, thianhlim lonak, hiarnak, hiamnak Žhalo, cun duhhamnak (mepa biak a imi) that uh.
6 Ahipawl ruangah hin Pathian thinsiatnak cu thuzullo tupawl parah a pha thok.
7 Acumang mipawl lakih nan om tak lio ah cun ahi omdanpawl hi nan zulta dah.
8 Ihmansela atu ahcun acumang thil hmawhhmawh – hehhar, thinsiat, mihuat, mirawn, cun nan hmurka in ningtirhŽha aan tipawl hi nan hmatsak hrimhrim thok.
9 Nan mi hlun cu a thiltikeel rum nan phoihhlit romih,
10 a seemsuahtu ih muihmel mang thutiahnak sungih tharsuahmi nan mi thar in nan thomtiak rom ruangah, pakhat leh pakhat deutia hlah uh.
11 Acui tharsuahmi sungah Grik leh Judah, phawzimŽhawh leh Žhawhlo, hramsa phun, Sitian-mi, sal leh miluat, timi a om ti lo; Khrih tu izongza, thil hmawhhmawh a ii ih, a zate sungah a om!
12 Pathian ih rilmi le, mithianghlim leh dawtngaimi dinhmun in, mi zawnruahnak, naktiahnak, niamcuhnak, lungnemnak leh thinsaunak rum thuamtia uh.
13 Pakhat leh pakhat tuarkhotia uh la, pakhat leh pakhat parih phunru awk nan ngeih tikah, pakhat leh pakhat ngaidam tia uh; Bawipa ni a tan ngaidam hngai rom mangin, nangmi khaw mi nan ngaidam thok.
14 Acu hmawhhmawh cungah, izongza remdihdiahte in a Žawn khat hngai tu dawtnak rum thuamtia uh.
15 Cun ruangpun pakhat sungah om dingih kawh nan ik mangin, Khrih ih remdaihnak ni nan thinlung tan uk hngai hram seh. Cun lungawi thiammi ii uh.
16 Khrih anka cu nan sungah lianngai in om seh, pakhat leh pakhat tinnak zate in zirhtia in nunsim tia uh; cun nan thinlung sungih lomnak rum Pathian hemah thangŽhatnak hlapawl, Pathian biaknak hlapawl leh thlaraula hlapawl sa uh.
17 Cun itukhaw nan ti ah, anka in iseh, thiltinak in iseh, izongza cu Bawi Jesuh ih min in ti uh la, amah thawngin Pa Pathian hemah lungawi thu sim uh.
(Efe 5:21-6:9)
18 Nupile hngai, Bawipa ih mi nan iknak ah thil mawi a ik mangin nan pumahle ih thu ngai uh.
19 Pumahle hngai, nan nupile cu daw uh la, khawcang hman ah awka hraang in ti hlah uh.
20 Tiale hngai, izongza ah nan nulepapawl ih thu zul uh, icatile ahihi Bawipa ih mipawl nan iknak ah cosantlakmi nan Žuanvo a ii.
21 Nulepapawl, nan tiale an thinsiat sak hlah uh, an thin deng lei-a.
22 Salle hngai, izongza ah vuleila ih nan bawile thu zul uh. Acucu zoh langlang nan ik lio ceu ah anmah lunghmuisak dingah iloin, Bawipa nan Žihzah ruangah thintakte in ti uh.
23 Nan rianŽuan itupoh a ik ah, nan bawile caah iloin Bawipa ca-ih Žuan mangin nan thinlung zate in Žuan uh.
24 Bawipa hemin nan Žuanman ah ro nan congah thok ti nan tiah kovawh; Bawipa Khrih nan rian hekhawh.
25 Icatile thil tisualtu cu a thil tisualmi caah piakŽhan a i thok, thleidannak a om lo.