9
1 Atu ahhin mithiangpawl rennak thu ah nan hemih laingan hi ka caah a Žul lo,
2 icatile nan thinthawhnak cu ka tiah. Acucu Masodinia mipawl hemah nanmah thuhla ih ka porhtiaknak a ii. An hemah, Akhaia peng mipawl ni cu kan dung kum la in mibon ding an mantia rom tiah ka ti hngai; culeh nan zuamnak ni mi tlungpi cu an thinlung a toktho hngai.
3 Ihmansela nan thuhla ih kan porhtiaknak hi ahi thu ahhin a kongrompi a ik lonak ding, cuticun nan mantia kau lei a ii tiah ka ti mangin nan mantiak nak dingah kan unaule hi ka thlah hngai lio.
4 Culocu, Masidonia-mi hrekkhat kamah rum pha in, nan mantia rih lo ti an hmuh ahcun, nau nan hmuh thok cu sim lo – tan lunglum hngai ngai nakau ah – nau kan hmuh thok hekhawh.
5 Curuangah kan unaule hi nan hemah tat liin, nan tiam rommi siannak laksawng cu siangnaloin hranhramih piakmi iloin lungpokte ih piakmi a iknak dingah tawlrel licia dingin torh a Žul tiah ka ruat.
6 Sim dawtmi cu hihi a ii: remrelngai in a tuhtu ni tlawmte a rip ve thokih siangngai in tampi a tuhtu ni tampi a rip ve thok.
7 Nan pakhat vek ni lungtiakthahin, iklole hranhramin iloin nan ruahcattiak rom mangin pia uh, icatile Pathian ni lungawite in a piatu a daw.
8 Culeh, izongza ah a daih in nan ngeih ringring ih, rian Žha cang ah hleihluan-ngai in mi nan hlawm khawhnak dingah Pathian cu thluasuah cangte hleihluanngai in a tan pia hngai kho tu a ii.
9 “Siangngai in a thehzar,
mifarah a pia hngai;
a Žhatnak cu kumkhua in
a nguh,”Ref 9:9 Saam112:9
tiih nganmi mang a ii.
10 A tuhtu hemah thlaici leh awk dingah caw a piatu ni nan thlaici cu tuh ding caah tan pia in a punzaisak lei ih nan Žhatnak thlaikhawm ding cu a karhzaisak thok.
11 A nasami nan siannak caah a lam kip in lian in vuak nan i thokih, acucu ni kanmah thawngin Pathian hemih lungawi thusimnak a suahsak thok.
12 Icatile mirennak nan Žuanmi hi ni mithiangpawl ih sambaunakpawl a hruk hngai ceu iloin mitlungpi cu Pathian hemih lungawi thusimnak rum a luanliamsak hngai.
13 Ahi mibon rian nan Žuan ruangah, Khrih thuthangŽha phuansuahnak ih nan thuzulhnak leh anmah leh mipacepawl hemih nan mihlawm siannak thawngin Pathian nan sunparsak.
14 Pathian ni a tan piak hngaimi cuanghleice velngeihnak ruangah nanmah tan ngai hngai thahin nan caah thla an cam.
15 Pathian cu simkhawh lomi a laksawng ruangah thangŽhat le hu.