6
1 Amah rum rianŽuan khat kan ik mangin, nangmi ni khaw Pathian ih veel cu hoitlawiin nan co lonak dingah kan tan ngeen hngai.
2 Icatile,
“Cosankhawh caan ah
nan dilnak ka tan
za hngai rom,
culeh runnak ni ah
ka tan bawn hngai rom,”Ref 6:2 Isa 49:8
tiah a ti.
Ngaihman uh, atu hi cosankhawh caan cu a ii; atu hi runnak ni cu a ii.
3 Kan rianŽuannak ahhin palhnak hmuh a ik lonak dingah ahu ih lam hman ah tuasikawk kan sia lo.
4 Pathian ih rianŽuantupawl kan ii ti hi lam kip in anasami tuarkhawhnak thawngin, hartuarnak ah, harsatnakpawl, zawtlak siapipi,
5 thawinak, thawngthlak, mipi thawhbuainak, riankhungpawl, zan metlo, ŽaŽhit;
6 thianhlimnak, thutiahnak, thinsaunak, thinŽhatnak, Thiang Thlarau, dawtnak taktak,
7 thusim hmaan, culeh Pathian huham in; kan vorh la kut leh kehla kut ah dingfelnak hriamhreipawl rum;
8 sunloihnak ah leh sunloih lonak ah, sim siatnak ah leh simŽhatnak ah kan lansak. Mideupawl tiih tisiat ka ii, ihmansela kan hmaan kau;
9 Ahu ih tiah lomi tiin tisiat kan ii, ihmansela Žhatukih tiahmi kan ii; mithi tiih tisiat kan i nain, zohhman uh, kan nung kau; daantatmi dinhmun tisiat kan i nain thah cu kan i Žung lo;
10 ninghangmi tiin tisiat kan i nain kan lung a awi ringring Žung; mifarah tiih tisiat kan i nain mi tlungpi milian ah kan vua Žung; itu ngeilo tiih tisiat kan i nain izongza ngei kan i Žung.
11 Korin khuami hngai, nan hemah phehlote in ka ang hluahhlo rom, ka thinlung cu nan caah kaupi in hon a ii.
12 Kan tan tlaihsannak hi teekmi a i lo, nanmah ih man tlaihsannak ah zong cu teek a ii.
13 Tiale hemih sim mangin ka sim – nan thinlung kan caah kaupi in man hon ve tu uh.
14 Zumlotupawl rum a caangtia lomi seihnam phur khat hlah uh. Icatile dingfelnak leh daanngeih lonak karlakah itu Žomtiaknak a om hmen? Iklole ceunak leh mawtnak karlakah itu pawlkomnak a om hmen?
15 Khrih cu Beliar rum itu lungkimkhatnak a ngei hmen? Iklole zumtu pakhat leh zumlotu pakhat cu itu an ngei khat thok hmen?
16 Pathian biakinn leh mepapawl ih biakinn cu itu lungkim-khatnak an ngei hmen? Icatile keimi cu:
“Anmah sungah ka om
thokih an lakah
ka vak thok,
culeh an Pathian ka i thok,
cun ka mi le an i thok.
17 Curuangah anmah sung cun
vasuak uh la,
anmah hemin thliartia uh,
culeh a thiang lomi cu
ituhman tongtham hlah uh;
cutikah ka tan cosang
hngai thok,
18 culeh kei cu nan Pa
ka i thokih,
nangmi cu ka tiapapawl leh
ka tianupawl nan i thok,
tiah Bawipa Zongzatikho
ni a ti,”Ref 6:16-18 Pui(Lev)26:12; Eze 37:27; Isa 52:11; 2Sam 7:14; 1 San 17:13; Isa 43:6; Jer 31:9
tiah a ti mangin a nungmi Pathian ih biakinn kan ii.