5
Icatile kan omnak vuleila puanthlaam hi Žheh a ik ahcun, vancung ah a hmunmi inn, kut ih sak lomi, Pathian ih tawlrelmi inn kan ngei ti kan tiah. Hi puanthlaam sungih kan om ahhin cu vancungla ih kan omnak rum thom ik lei lakhlah in kan aihram. Angaingai ah acu rum thom kan ik tikah cun takpalawng in hmuh kan i thok lo. Icatile, hi puanthlaam sungih kan om rih lio ah hin, thom lomi iloin thom sinmi ik kan dawt ruangah kan phurhrit tangah an aihram. Acucu a thikhomi hi nunnak ni a dolh nak dingah a ii. Ahihi a man tuahtim piak tu cu amah Pathian, hatnak ah Thlarau a man piatu a ii. Curuangah, ruangpun in kan om lio ah hin cu Bawipa rum kan hlattia ti kan tiah kau nain lunglumnak kan ngei ringring. Icatile hmuhnak in i loin zumnak in kan nungcang. A ii, lunglumnak kan ngei ih, kan ruangpun rum hlattia in Bawipa rum omkhat sawn ung la kan daw. Curuangah hinangih kan om ah iseh, lamhla ih kan om ah iseh, amah lunghmuisak ding hi kan tumtahmi ah kan vua. 10 Icatile a Žha a ik ah, a sia a ik ah, punsa in vuak takmi ca-ih kuanmi cu mi pakhat vek ni kan co nak dingah kan zate hi Khrih ih thuŽhennak toŽhiang hmai ah kan suaklang thok.
11 Curuangah, Bawipa Žihzah cu itu a ik tiah in mipacepawl kan leem hngai. Ihmansela kanmah itu kan ik cu Pathian ni Žhatuk in a tiah, culeh nan siaŽha thleidannak ni khaw Žhatuk in a tiah ti ka ruahsan. 12 Nan hemih kan simŽhat tiak Žhannak a i lo, thinlung ah iloin pawnla ih alangmi ah a porhtia tupawl hemih thu nan leh khawhnak dingah, kanmah thuhla ih porhtiak nak ding caanŽha kan tan piak nak tu a ii. 13 Kan aat a ikle Pathian caah, cun kan tin a ikle nanmah caah a ii. 14 Icatile mi pakhat cu mi zate caah a thi rom; curuangah mi zate cu an thi rom ti ka lung a fiang ruangah Khrih ih dawtnak hi kan parah hramhramin a man torh. 15 Culeh a nung tupawl ni a anmah caah nung ti loin, anmah caah a thi ih anmah caah thawhsak a i tu caah sawn an nunnak dingah amah cu mizate caah a thi. 16 Curuangah, atu hin cu ahuhman minung thlirdan in kan zoh ti lo; voikhat lio ah cun Khrih cu minung thlirdan in kan tiah ta nain, atu ahcun acuti in kan tiah ti lo. 17 Curuangah mi ahumaw cu Khrih sungih a om ahcun seemsuah tharmi a ii: ahlunmi izongza a liam rom; zohhman, izongza a thar a cang rom! 18 Ahi hmawhhmawh hi, Khrih thawngin amah rum a man remsakŽhan ih remsakŽhannak rian a man piatu Pathian hemin a ii. 19 Acucu Pathian ni vuleipi hi an daanbuarnakpawl anmah parah rel piak hngai loin, Khrih thawngin amah rum a remsakŽhan hngai ih, cui remsakŽhannak thuthang cu kanmah hemah a man kilkhawisak, tinak a ii. 20 Curuangah keimi cu Khrih ih ai-awh kan ii, Pathian ni kanmah thawngin mi a leem hngai. Khrih ai-awh in kan tan leem hngai, Pathian rum remtiaŽhan uh. 21 Icatile amah sungah keimi cu Pathian ih midingfel kan cannak dingah sual a tiah lo mi amah cu Pathian ni kanmah ruangah sual ah a vua.