3
1 Kanmah leh kanmah simŽha tia ah cang sei na hu im? Mi hrekkhat mangin, nan hemah iseh, nan hemin iseh, lungkimpinak laipawl kan Žul maw?
2 Nanmah hrimhrim hi mi zate ih tiah ding leh rel dingah kan thinlung parih nganmi kan laiken nan ii,
3 culeh lung tleeppawl parah laiti in nganmi iloin, minung thinlung tleeppawl parah a nungmi Pathian ih Thlarau in nganmi, Khrih ih laikuat, kanmah ih phurhmi nan ii ti nan lansak.
4 Khrih thawngin Pathian laah kan ngeihmi cu acumang lunglumnak cu a ii.
5 Itute khaw kanmah hemin a suak titia dingin keimi hi mi za kan i lo; kan zatnak cu Pathian hemin a pha.
6 Amah cu lai in iloin thlarau in vuakmi thukam thar ca-ih rianŽuantu dingin miza ah a man vuatu a ii; icatile lai ni cu mi a that, Thlarau ni zong cu nunnak a pia.
7 Thihnak ah mi a hruaitu daan ih phung hlun, lung tleep khuar ih nganmi lai cu sunlawinak rum a phat tikah, Israelpawl ni Moses ih hmai cu, a hmel ih sunlawinak ruangah, a ziamkhomi sunlawinak ihmansela, an zohliah ngam lo ahcun,
8 Thlarau ih rianŽuannak cu sunlawinak in a phat tikah itluk a sunglawi hlehhlo?
9 Icatile sualthuŽhen rianŽuanawk ah sunlawinak a om ahcun, thiamcosaknak ni sunlawinak in a hleih hlehhlo thok.
10 Angaingai ahcun, a nasadeuhmi sunlawinak ruangah voikhat lio ih a sunglawi tami cu a sunlawinak a hmat rom;
11 icatile hnonmi hman sunlawinak thawngin a phat ahcun, a hmunmi sinsin cu sunlawinak in a pha hlehhlo thok!
12 Acumang ruahsannak kan ngeih hnuk in cu, a nasami ralŽhatnak rum kan tekcak.
13 Aziamkhomi sunlawinak ih netnak khi Israel mipawl ni hmuhliah lo dingah a hmai a khumtiatu Moses mang kan i lo.
14 Ihmansela an lung ruhsak an ii. Angaingai ahcun, nihinni rori tiang hi, thukam hlun rel an zak tikah, acui hmaikhum siksik cu a om rih kau, icatile acucu Khrih ah ceu hon a ii.
15 Angaingai ahcun nihinni rori tiang hi Moses ih Daanbu rel a ik tikah, an ruahnak parah hmaikhum a om kau;
16 ihmansela, mi pakhat ni Bawipa hemih a mertiak ahcun hmaikhum cu hon a ii.
17 Bawipa cu Thlarau a ii ih Bawipa ih Thlarau a omnak ahcun zalennak a om.
18 Culeh kan zate hi, khum lomi hmaipawl in Bawipa ih sunlawinak cu thlalang sungah a thlaam lang sela mangin kan hmu ih, amah ih muihmel rum sakhatin sunlawinak pakhat in a nasasinmi pakhat ah thlenglio mi kan ii; icatile ahihi Thlarau a i mi Bawipa hemin a pha.