KORIN
Pawlpi Hemih Paul Laikuat Pahnihnak
A Ngantu, A Ngan Kum leh a Ngannak Hmun. Ahi laikuat hi alkhawhloin Paul ih laikuat rori a ii ti afiangmi a laikuatpawl lakah a telmi pakhat a ii. Korin Laikuat pakhatnak hi AD 55 kum hrawngih a nganmi a ik ahcun, a hmai kum ah a pahnihnak hi a ngan zum a ik tleng ruangah AD 56 kum sungah hi Korin laikuat pahnihnak hi a ngan a i thok Efesa khua hi a ngannak hmun ah Žhosak a ii (2Kor. 7:5; 3:1-5; 9:3-4).
A Ngansaktu Thupawl. Paul cu Korin khua ih kum khat leh hrek a om (Tirh 18:11)sungah Grik leh Rom uknakla thungeitule ni itu an ti lo nain Judah biaknakla thungeitule ni khuasung in dawisuah ding an tawlrel. Curuangah Efesa khua a pha ih kum thum a om. Aculioah Korin khua in thuthang sia a za ih a cu lehnak ah laikuat pakhat a ngan (1 Kor. 5:9, 11). Cuhnukah Khloe ih innsang sungtelpawl ni Korin khua ih zumtupawl Žan bul ngeiin an Žhentiak thu (1 Kor. 1:11) hleiah, Paul cu tirhthlahle lakah a tel taktak hmen maw tiah an dil ngamnak thu an zaksak. Acucu Stefanas leh mipace pahnih ni an Žhosak (1 Kor. 16:17). Acu lehnak ah Korin Laikuat Pakhatnak hi a ngan.
A laikuat hmuarngei leh Žhahnem a ik lo zia Timote ni pha in a sim. Curuangah thilomdan fiangih tiah dingin tlon hngai a khaitia ih a tlon hngai zum a ii (2 Kor. 2:1; 12:14; 13:1). Efesa khua a phat Žhan hnukah “laikuat hraang” timi ngan in (2 Kor. 2:4) phur leh pia hngai dingah Tita a torh. Acui “Laikuat Hraang” cu 2 Kor. 10-13 hi ik zum a ii. Efesa ih om a remcan tilo tikah Masidonia peng ah a tat. Acunangah Titas rum an tuaktia ih an thinlung leh omzia an thlengtiak thu leh Paul amah ni tlawn hngai dingin an sawm thu (2 Kor. 7:5-16) Titas ni a sim. Acu lehnak ah “Laikuat Nem” timi a ngan ih Titas a phurhsak Žhan. Acucu 2 Kor 1-9 hi a ii. 2 Kor 10-13 hi a peita iloin, 1-9 a ngan lio ah a tirhthlah ik taktak lonak parin dodalnak a om Žhan ruangah acu let dingin a ngan peh mi a i thok timi ruahnak khaw a om.
1
1 Pathian thudawt in Khrih Jesuh ih tirhthlah pakhat a i mi Paul leh kan unaupa Timote ni,
Korin khua ih a ommi Pathian ih pawlpi, Akhaia peng punpuluk ih mithiangpawl zate telin, nan hemah lai kan tan kuat hngai;
2 Pathian kan Pa leh Bawi Jesuh Khrih hemin veel leh daihnak cu nan hemah pha hram seh.
3 Kan Bawi Jesuh Khrih ih Pathian leh Pa, naktiahnakpawl ih Pa leh mihnemnak zate ih Pathian cu thangŽhat i kau seh.
4 Pathian ni kanmah hrimhrim a man hnem mangin hartuarnak sungih a om tupawl kan hnem khawh ve nak ding Amah ni kan hartuarnak zate ah a man hneem.
5 Icatile Khrih ih tuarnakpawl cu kan caah an tamliangluang mangin, kanmah a man hnemnak khaw Khrih thawngin a tam liangluang ve.
6 Hartuarsak kan ik ahcun, nanmah thinhnemnak leh runnak caah a ii; thinhnem kan ik ahcun nanmah ih thinhnemnak caah a ii, acucu keimi ni kan tuar rero ve mi tuarnakpawl siksik thinsaute in nan tuar tikih nan hmuhtuahmi khi a ii.
7 Nan ca-ih kan ruahsannak cu a hniin lomi a ii, icatile kan tuarnakpawl ah a man Žom mangin, kan thinhnemnak ah khaw a man Žom ve ti kan tiah.
8 Ulenau hngai, Asia ram ih kan hmuhtuahmi hartuarnak nan tiah lo ding cu kan daw lo; icatile a dengkhong leh tuarkhawhloin rialmaan kan ii ih a nun hrimhrim hi kan thin a deng.
9 Angaingai ahcun kanmah leh kanmah rinsantia loin mithi a thawhsaktu Pathian sawn kan rinsan khawhnak dingah thi dingih thuŽhen kan tuak tiin kan zatia.
10 A cumang thihnakkhop hrulŽha sungin a man rungsuaktu amah ni a man runsuak peh kau thok; amah ni a man rungsuak Žhan thok tiin amah parah kan ruahsannak kan sia.
11 Nan thlacampawl thawngin kanmah man bonnak ah nan telve, acucu mi tlungpi ih thlacampawl thawngin thluasuah piak kan ikmi caah mi tlungpi ni kanmah can-ah lungawithu an sim nak dingah a ii.
12 Angaingai ahcun kan porhtiaknak cu: vuleipi ahhin vuleila tinnak thawngin iloin Pathian ih velngeihnak thawng tu in thianhlimnak leh Pathian aŽihzahmi thintluannak rum kan nungih, nanmah hemah cun kan nung cuang tihi kan siaŽha thleidannak ih man tiahpimi cu a ii.
13 Icatile nan rel khawh leh nan tiahthiam dingmi thu simlo ituhman kan tan kuat hngai lo;
14 Bawi Jesuh ih Ni ah nangmi cu kan porhtiaknak thok nan ik mangin keimi hi nan porhtiaknak thok kan iknak ding, aŽhente cu a man tiahthiam ngahcia mangin tlamtlingte in nan tiahthiam leh kau thok ti ka ruah san.
15 Ahihi ka fiang hnukin cu, thluasuah lethnih nan co nak dingah nan hemih phat peitleng ka daw ta;
16 Masidonia ka tah la ah tan tlon hngai leh Masidonia in nan hemah kirŽhan ih Judea ka tah ah a ma thlah hngai ding ka daw.
17 Ahi ka ti dawt hi ka aicang ta a ii maw? Ka khuakhangpawl hi minung thisa thiltahdan menmen mangin, “A ii, a ii” ti leh “A i lo, a i lo” tiin Žum khat ah ka simceem hngai maw?
18 Pathian cu zumtlak a ik a fiang ngai mangin, nan hemih ka aan mi khaw “A ii,” tileh “A ilo” ti a ita lo.
19 Icatile Silvanas leh Timote leh kei ni nan lakih kan simŽhanmi Pathian Tiapa Jesuh Khrih cu, “A ii,” tileh “A i lo” ti a i lo pi; amah ahcun, “A ii” timi a om ringring hekhawh.
20 Icatile amah sungih Pathian thutiam poh cu “A ii” ti a ii. Ahi thu ruangah amah thawngin kovawh Pathian sunparnak dingah “Amen” tiah kan ti.
21 Culeh Khrih sungah keimi hi nangmi rum a man Žhosaktu leh thathau a man hnulhtu cu Pathian a ii ih,
22 kan parih minhlinnak tacik a man khennak leh kan thinlung sungah a Thlarau cu peitleng ih hatnak in a man piaklinak thawngin a ii.
23 Korin ka phat Žhan lonak cu nanmah tan zuah hngai dingah a ii ti hi a ma tiahpitu ah Pathian ka ko.
24 Nan zumnak parah kan tan bawihnawh tican in ka simdawtmi a i lo; zumnak sungih nan din Žho ruangah keimi hi nan lungawi nak dingah nanmah rum rianŽuantule kan i sawn.