1 Miluat ka i lo maw? tirhthlah pakhat ka i lo maw? Kan Bawi Jesuh ka hmuta a i lo maw? Nangmi hi Bawipa ah ka rianŽuanmi nan i lo maw? 2 Mipacele ca-ih tirhthlah ka ik lo hman ah, nanmah caah tal cu ka i kau; icatile nangmi cu Bawipa ih tirhthlah ka iknak minhlinnak tacik cu nanmah nan ii hekhawh. 3 Ama kherhlai thok tupawl caah ahihi ka Žantiaknak a ii. 4 Awk leh din caah ngahmawimi ka ngei ve kau lo hmen maw? 5 Apace tirhthlahle, cun Bawipa ih naupalepawl leh Kefas mangin zumtu nupi ih zulh ve dingih ngahmawimi kan ngei lo hmen maw? 6 Iklole Barnabas leh kei ceu maw mah puncawmnak ca-ih rianŽuan thok kan ik? 7 Ahu ngai ralkap Žuanman mahte a pia tia tu? Ahu ngai sabit duum vuain a vuang a aw lo tu? Iklole ahu ngai turual khaal hratin a hnawi a ding lo tu? 8 Ahihi minung thungeihnak in ka sim maw? Daan ni teh acu siksik a sim a i lo maw? 9 Icatile Moses ih Daan sungah, “Tiangcang a ciil reromi cawpetuum cu a hmur nan Žawn thok lo,” tiah ngan a ii. Pathian ih siaherhmi cu cawpetuum maw a ik? 10 Kanmah ca punpuluk ah a sim a i lo maw? Angaingai ahcun kanmah ca-ih ngan takmi a ii, icatile lo a Žuan tupoh ni ruahsannak in a Žuan awk leh, tiangcang a cil tupoh ni thlaikhawmmi parin covo ruahsanin a cil awk a ii. 11 Nan lakah thlaraula thilŽha kan vorh ahcun nan thilrila in Žhathnemnak kan rih awk cu a tamtuk hmen maw? 12 Mipace ni ahi ngahmawimi hi nan hemin ngah dingih an ti ahcun keimi cu kan ti awk a i hlehhlo lo hmen maw? Amahbelte, ahi ngahmawimi hi kan hmang lo, Khrih ih thuthangŽha lam ah dawnkhartu siah vanin cu itukhaw kan in. 13 Biakinn sungih rianŽuan ah hman mipawl ni biakinn sungin caw an ngah, culeh pakawh ih rianŽuantule ni pakawh ih raihrikmi ah covo an ngei ti nan tiah lo maw? 14 Acu mangin, thuthangŽha a simthantule cu thuthangŽha in an puncawmtia dingah Bawipa ni thu a pia. 15 Ihmansela keimi cu ahi ngahmawimipawl hi ka hmang hngai lo, ahipawl hi ka thuhla ah hman i dingin khaw ahihi ka ngan a i lo. Angaingai ahcun mi pakhatkhat ni ka porhtiak nak ding thuhram a ma phial piak thok vanin cu ka thi sawn thok. 16 ThuthangŽha ka simthan ahcun ahihi ni ka porhtiak nak ding thuhram a ma pia lo, icatile ka parah Žuanvo thlaih a ii ih thuthangŽha ka sim lo ahcun ka hmaka a pit! 17 Icatile ahihi kamah ih thudawt in ka ti ahcun ngahvo ka ngei kau; ka dawtzawng in ka ti a ik lo ah zong cu tirhnak rum apmi ka ii. 18 Cu a ik le ka ngahvo teh itu a i hmen? Hihi a i kau: ka simthannak ah, thuthangŽha ah ka ngahmawimi zate hmang lo dingin thuthangŽha cu man la lo ih sim hi a ii. 19 Icatile mi zate hem ti ahcun miluat va i hman ningla, anmah mi tlungsawn ka ngah hngai nak dingah mi zate ih sal ah ka vuatia. 20 Judahmi hemah Judahmi ngah hngai dingin Judahmi ka cang. Daan tangih a om tupawl ngah hngai dingin Daan tangih ommi mang ka cang (kamah rori cu Daan tangah ka om lo nain). 21 Daan pawnla ih a om tupawl hemah daan pawnla ih om tupawl ngah hngai dingin daan pawnla ih omtu pakhat mang ka cang (Pathian ih daan in cu ka luat lo, Khrih ih Daan tangah zong ka om). 22 A ŽawnŽaimi hemah a ŽawnŽaimi ngah dingin, a ŽawnŽaimi ah ka cang. A lam zate in mi hrekkhat run ngah hngai dingah mi zate hemah thil zate ah ka cang. 23 ThuthangŽha ih thluasuahpawl ka Žom khawhnak dingah acu hmawhhmawh cu thuthangŽha caah ka vua hngai. 24 Zuan zuamtiaknak ah a zuangtu zate ni an zuamtia nain mi pakhat ceu ni zuamman a co ti nan tiah lo maw? Nan neh nak dingah a cumang cun zuang tu hmen uh. 25 Leklautule ni thil zate ah mah uknehtiak an zuam. anmimi cu a ziamkhomi parpekkual co dingah an vua, keimi zong cu a ziamkho lomi co dingah kan vua. 26 Curuangah tintahmi ngeiloin ka zuang lo; huih ceu thawng mangin khaw ka thawng lo; 27 Ihmansela mipacepawl hemih ka simthan hnukah kamah hrimhrim hi atlingtlak lomi ka ik lonak dingah ka ruangpun hremin sal ah ka cansak.