1 Atucu nan laikuat nganmi thuhla ka sim thok: “Pami pakhat caah cun numi a tong lo ding a Žha.” 2 Ihmansela numipami iknakla ih ziazaŽhat lonak thupawl an om ruangah pami cang ni mah nupi vek leh numi cang ni mah pumah vek an ngeih awk a ii. 3 Pumah ni a nupi cu nupa iknak ih comawimi a piak awk leh nupi ni a pumah cu acumangin a piak awk a ii. 4 Icatile nupi ni amah ih ruangpun parah thu a ngei lo, a pumah zong ni cu thu a ngei; cumangin pumah ni amah ih ruangpun parah thu a ngei lo, a nupi tu ni a ngei. 5 Thlacam ah punpiatia dingin caan teekmi caah ti simlo ahcun pakhat leh pakhat nupa ikkhat lonak in khing tia hlah uh. Acu hnuk ahcun hmunkhatah iŽhan uh, cuti cun nanmah leh nanmah uknehtiak nan sambau ruangah Satan ni a tan tukforh hngai hlah taw. 6 Ahihi thupiaknak in iloin, sennak thu in ka sim. 7 Mizate hi kei mang ii uh sela cu ka daw. Ihmansela mi pakhat vek ni Pathian hemin Žhentlawimi cehlei an ngei vek, mi pakhat cu phun khat, a pace ni phun ce tiin. 8 Nupipumah ngeilo leh nuhmeipahmei cu kei mangin nupipumah ngeiloin an om ringring ahcun anmah caah a Žha ka ti. 9 Ihmansela anmahte an uknehtiak zo lo ahcun nupipumah an ngeih awk a ii. Icatile hiarnak rum kanhlio vanin nupipumah ngeih cu a Žhasawn. 10 Nupipumah ngei tupawl hemah hi thupiak hi ka pia hngai – kei iloin Bawipa ni a pia hngai – nupi ni a pumah Žhen ding a i lo, 11 ihmansela a Žhen ahcun pumah ngeiloin omberbo seh, a ikloceng le a pumah rum remtiaŽhan uh seh, cun pumah ni a nupi a mat awk a i lo. 12 Ataangpawl hemah thu ka sim – kei iloin Bawipa ni – zumtu pakhat ni zumlotu a i mi nupi a ngeih ih, acunu ni omkhat ding a lung a kim ahcun a mat awk a i lo. 13 Culeh numi pakhatkhat ni zumlotu a i mi pumah pakhat a ngeih ih, a pumah ni ompi ding a lung a kim ahcun, a mat awk a i lo. 14 Icatile zumlotu pumah cu a nupi thawngin thianhlimsak a ii ih, zumlotu nupi cu a pumah thawngin thianhlimsak a ii. Culo isela, an tiale cu a thiang lomi an i thok, a ikning mangin zong cu an thianghlim kau. 15 Ihmansela a zumlotu lakam ni a Žhen ahcun, acuti cun i kau seh; acumang thuhla ahcun zumtu pa maw zumtu nu maw cu ituhman ni a ŽeemŽawn lo. Remdaihnak dingah a ii Pathian ni a tan kawh hngai cu. 16 Nupi, na pumah na runngah thok leh thok lo khawti in na tiah? Pumah, na nupi na runngah thok leh thok lo khawti in na tiah?

17 Acuti i khaw taw ah, nan pakhat vek hi Pathian ih a tan kawhnak hngai, Bawipa ih a tan torh hngai mi nun nung vek uh. Ahihi pawlpi zate ah ka siahmi zulhawk daan a ii. 18 Mi pakhatkhat cu kawh a ik lio ah phawzimŽhawh a i cia rom maw? PhawzimŽhawh minhlinnakpawl cu phiat hngai hlah seh. Mi pakhatkhat cu kawh a ik lio ah phawzimŽhawhlo a ita maw? PhawzimŽhawh ding khaitia hlah seh. 19 PhawzimŽhawh cu ituhman a i lo, cun phawzimŽhawhlo khaw ituhman a i lo; Pathian thupiakpawl cangngaih zong cu izongza a ii. 20 Nangmi pakhat vek hi kawh nan ik lioih thilomdan ah hmun vek uh. 21 Kawh nan ik lio ah sal nan ita maw? Acucu poisa duh hlah uh. Nan luatnak ngah kho nan iktak ahcun acucu zuam hlehhlo uh. 22 Icatile kawh a ik lio ah miluat a i mipoh cu Khrih ih sal a ik mangin, Bawipa sungih kawh a ik lio ah sal a i mi cu Bawipa ih ta a imi miluat a ii. 23 Nangmi cu man in leimi nan ii hekhawh; minung bawipawl ih sal ah cang hlah tuhmen uh. 24 Itumang thilomdan poh ah kawh ita le cu, ulenauhngai, acunang ahcun Pathian rum hmun kau uh.

25 Lenghrim valhrim-le thuhla ahcun, Bawipa hemin thupiak ka ngah lo, Bawipa ih velngeihnak thawngin rinsantlak a imi pakhat iknak in zong cu ka ruahnak ka tan pia hngai. 26 Atu ih minor rero tu buainak zoh tikah, nan ikning mangin nan hmun kau ahcun nan caah a Žhangai tiah ka ruat. 27 Nupi pakhat ah tlaihŽeem na ii maw? Luat ding hrawl hlah. Nupi ngeih in na luat maw? Nupi hrawl hlah. 28 A inain nu na pit ahcun na sual lo, cun lengtia pakhat ni pumah a ngeih ahcun a sual lo. A inain nupi pumah a ngei tupawl cu hih nun sungah hin harnak an tuak thok, acui harnak in tan huhson hngai ka dawt ruangah a ii. 29 Ulenau hngai, caan teekmi cu a tawi vel; atu hnuk in cu nupi ngei tupawl hman ngei lo mangin, 30 cun ninghang tupawl cu an ninghang lo mangin, cun thanuam tupawl cu an thanuam lo mangin, cun thil a leitupawl cu itu ngei lo mangin, 31 cun hi vuleipi ih thil a hmang tupawl cu hmang lo mangin om uh seh. Icatile hi vuleipi ih atu a pianthlai hi cu a liam cuahco, ka tinak a ii. 32 Dontiaknak in nan luat ding ka daw. Nupingeilo tu cu khawti in Bawipa lunghmuisak thok a ii tiin Bawipa ih thuhla ah a dontia; 33 nupingei tu zong cu a nupi khawtiih lunghmuisak thok timi vuleipi thilpawl thuhla ah a dontia, 34 culeh a thinka a Žeek. Culeh pumahngeilo numi leh lengtia cu Bawipa ih thuhla ah an dontia, cucu ruangpun leh thlarau in an thianhlim nak dingah a ii. Ihmansela pumahngei tu numi cu a pumah lunghmui sak dingah vulei thilpawl thuhla ah a dontia. 35 Ahihi nan parah khiamsangtiaknak phurhrit tan thlaih hngai dingah iloin nan Žhathnemnak caah ka sim, Bawipa laah donkham lomi punpiaknak leh ningcang Žha omsak sin ding tu ah a ii. 36 Mi pakhatkhat ni a hammi nu parah mawicuangte in nungcang lo ah a ruahtiak ahcun, a hiarnakpawl an Žhawng ahcun, a ik ding cu a i kau, a dawt mangin nu pi kau seh; acucu sual a i lo. pitia in pumahtia uh seh. 37 Ihmansela mi pakhat cu a ruahcatmi ah a ding Žho ih, hnekcop ruangah iloin a hiarnak a uknehtiak ih, a hammi nu cu hammi in omsak berbo dingah a ruahnak hrimhrim in a Žhencattiak ahcun, a ti Žha kau thok. 38 Cuticun, a hammi nu a pi tu pa cu a ti Žha kau; culeh nu pit a suptia tu cu a ti Žha hlehhlo thok. 39 Nupi cu a pumah a nun sung poh ŽeemŽawn a ii. Pumah a thih tik zong ahcun a dawtmi pakhatkhat pumah dingah a luat, Bawipa a zumtu zong belte ii seh. 40 Ihmansela ka thuŽhendan in cu pumah ngei loin a om kau ahcun a hoitluak deuh. Kei khaw Pathian ih Thlarau ka ngei kau tiah ka ruat tia.