6
Nangmi pakhatkhat ni a pace parih thintiahnak a ngeih tikah, mithiangpawl hemih suahpi can-ah zumlotupawl ih thurelnak zung ah nan suahpi ngam maw? Mithiangle ni vuleipi hi thu an Žhen thok ti nan tiah lo hmen maw? Vuleipi cu nangmi ih thuŽhen thok a ik ahcun, a tenaumi thuhlapawl rel zo lomi maw nan ik? Thuhla menmen cu simlo – vanmipawl thuŽhen thok kan ii ti nan tiah lo maw? Thuhla menmen nan ngeih ah, pawlpi sungih itu dinhmun khaw a ngei lo tupawl cu thuŽhentule ah maw nan siah hngai? Ahihi nan ningzah nak dingah ka sim. Nanmah lakah zumtu pakhat leh pakhat karlakih thuŽhencat ding khopin a ting mi pakhat tal a om lo ti cu cangkho na im? Zumtu pakhat cu zumtu pakhat tlangtung dingin thuŽhen zung ah a tat, acucu zumlotupawl hmaiah a i sapbai? Angaingai ahcun, pakhat leh pakhat tlangtungtiak hi nan caah sungnak a i cia rom. Ituruangah hmaanlopiih ti ik cu nan tuar men lo? Nanmah hrimhrim tu nan palh ih mi nan deu – acucu zumtupawl nan i sapbai. Thilhmaanlo-titule cu Pathian uknak an co thok lo ti nan tiah lo maw? Deuh i hlah tuhmen uh! Numipami sualkhatle, mepabiale, nuriimpariimle, pami zuartiale, pamisualkhatle, 10 titirpawl, miduhham, rithmangle, aansia ih micamraule, rokhmangle – hipawl pakhat hman Pathian uknak an co thok lo. 11 Ahihi nangmi mi hrekkhat nan ik tak bilmi cu a ii. Ihmansela khol nan ii, thianhlimsak nan ii, Bawi Jesuh Khrih ih min in leh kan Pathian ih Thlarau ah thiamcosak nan ii.
12 “Kei ih caah cun thil zate hi ti an thiang,” ihmansela thil zate in an Žhahnem lo. “Kei ih caah cun thil zate hi an thiang,” ihmansela ituthil ih uknehmi khaw ka i thok lo. 13 “Caw cu punpi caah ti a ii ih, punpi cu caw caah ti a ii,” ihmansela Pathian ni an pahnih a siatsuah hngai thok. Ruangpun hi numipami sualkhatnak caah ti a i lo. Bawipa ren nak ding sawn ah a ii, culeh Bawipa cu ruangpun caah a ii. 14 Pathian ni Bawipa a thawhsak ih keimi khaw a huham in a man thawhsak ve thok. 15 Nan ruangpunpawl hi Khrih ih tiksaŽhenpawl an ii ti nan tiah lo maw? Khrih ih tiksaŽhenpawl cu lahratin numizuartia ih tiksaŽhen ah ka vuak awk a ii maw? I dahhlah! 16 Numizuartia rum a sualkhat mipoh cu amah rum punkhat ah an cang ti nan tiah lo maw? Icatile, “An pahnih cu thisakhat an i thok,”Ref 6:16 Seem(Gen)2:24 ti a ii. 17 Bawipa ah a kom tu mi pakhatkhat zong cu amah rum thlarau pakhat ah an cang. 18 Numipami sualkhat cu hrel uh! Mi pakhat ni a vuakmi sualnak cu a ruangpun lengla ah a ii; numipami sualkhatnak zong cu ruangpun rori parah a sual. 19 Iklole nan ruangpun cu Pathian hemin nan nganmi nan sungih omtu Thiang Thlarau ih biakinn nan ii ih nanmah ih ta nan i lo ti teh nan tiah lo maw? 20 Icatile nangmi cu man ih leimi nan ii; curuangah Pathian cu nan ruangpun in sunparsak uh.