5
Pathian bia lo tupawl lak hman ih a om lomi, numipami iknak ih ziazaŽhalo nan lakah a om tiin thu zaksak ka ii; acucu, pakhat pa cu a pa ih nupi a ompi ti a ii. Culeh acucu nan zumtiaknak sapbai. Nan ngaihsiat sawn awk a i lo maw? Ahi a titu pa cu nan lakin dawisuak i dingah a mawi. Icatile ruangpun in cu om lo hman ningla, ka thinlung in cu nan hemah ka om; culeh om kau ningla mangin ahi thil titu parah Bawi Jesuh ih min in thuŽhencatnak hman ka ang rom hoi. Nan khawmtiak leh ka thinlung cu kan Bawi Jesuh ih huham rum nan hemih a om tikah, Bawipa ih Ni ah a thlarau run a ik khawhnak ding, a tiksa cu siatsuah i dingin a hi pa hi Satan hemih nan piak awk a ii. Nan porhtiak hi thil Žha a i lo. Colnu tlawmte ni sangvut hlom punpuluk a hmawnsak ti nan tiah lo maw? Colnu phulh lomi nan ik taktak mangin, sang hlom thar nan iknak dingah colnu hlun cu thianfai uh. Icatile kan Lontak Puai tusuan, Khrih in raihrik a i rom. Curuangah puai cu misiatsuah dawtnak leh Žhat lonak colnu hlun rum iloin, thinlung tluang leh thuhmaan a imi colnu phulh lo sang rum hmang sawn le hu.
Ka lai sungah numipami iknakla ih ziazaŽhalo mipawl rum komtia lo dingah ka tan kuat hngai. 10 Hi vuleipi ih ziazaŽha lomi iseh, mi duhham leh rokhmangle iseh, mepabiapawl iseh, ka tidawtmi a i hrimhrim lo; cuti a ik ahcun hi vuleipi hin nan vahsuah a Žul thok kovawh. 11 Atu nan hemih ka nganmi tu hi cu zumtu unau min pu hratin numipami iknakla ah ziazaŽhalo iseh, a duhhammi iseh, mepabiami, aansia ih micamrau, rithmang iseh, rokhmang rum iseh komtiak thok lo tinak a ii. Acumang mi cu caw hman awkpi hlah uh. 12 Icatile pawnla mipawl thuŽhen cu kei rum itu a pehpontia hraat ah? Sunglamipawl an i lo maw thu nan Žhen thok mi cu? 13 Pathian ni pawnlamipawl cu thu Žhen hngai leh lei. “MiŽhalo cu nan lak in dawi suak uh.”Ref 5:13 Daan(Deu) 13:5; 17:7