1 Curuangah ulenauhngai, thlaraula mipawl dinhmun in thu ka tan sim hngai kho lo, thisa mipawl dinhmun, Khrih sungih tepangpawl dinhmun sawn in ka tan sim hngai. 2 Caw ngai in iloin hnawiti in ka tan cawm hngai, icatile caw ngai caah nan tiaritia rih lo. Atu hman ahhin nan zaa rih lo, 3 icatile thisami nan i rih siksik. Icatile nan lakah nahsuahnak leh bawhtiaknak a om sung hmawh cu thisami, minung ih thiltidawtnak mangin a nungcang mi nan i lo hmen maw? 4 Icatile pakhat ni, “Keicu Paul la Žang ka ii,” a tiih a pace ni, “Kei cu Apollos la Žang ka ii,” a ti ahcun, minung theihtheih nan i lo hmen maw? 5 Apollos cu itu a i hmen? Paul teh itu a i hmen? Bawipa ni a thiah hngai veve mi rianŽuantu le an ii ih, anmah thawngin zumtu ah nan cang. 6 Kei ni ka tuh, Apollos ni tii a toih, a Žhansaktu zong cu Pathian a ii. 7 Curuangah a tuhtu iseh titoihtu iseh a thupi lo, ihmansela a Žhansaktu Pathian ceu a thupi. 8 A tuhtu leh titoihtu cu tumtahmi sakhat an ngei, culeh an Žuan veve mangin Žuanman an co veve thok. 9 Icatile keimi cu Pathian ih rianŽuanle, rianŽuan khatmi kan ii; nangmi cu Pathian ih loram, Pathian ih innsakmi nan ii. 10 Ka hemih piakmi Pathian ih veel thawngin, a hlawhtlami innsak thiamngai pakhat mangin innhram cu ka din ih mi pace ni acu parah a sa. Innsatu vek ni acu parah khawti in a sa thok ti cu ralringte in a ril awk a ii. 11 Icatile din takmi a hrampi simlo hram pace cu ahuhman ni a diin zo lo; cui a hrampi cu Jesuh Khrih a ii. 12 Atu ahhin mi pakhat ni cui a hrampi parah sui in iseh, ngun in iseh, lung mankhung in iseh, thing in iseh, ta raw in iseh, tiangcang zii in iseh a sak ahcun, 13 innsatu vek ih rianŽuanmi cu hmuhkhawhmi ah a cang thok, icatile mei in phuanlan thok a ii ih, mei ni mi pakhat vek ih rianŽuanmi itu a ik a hniksak thok ruangah acui Ni ni a lansak kau thok. 14 A hrampi parih sakmi cu himin a taan ahcun a satu cu a covo a ngah thok. 15 A rianŽuanmi cu mei ni a kanngah ahcun zaw a tla thok; amah zong cu mei lakin a luatngah fangfang mi mangin run a i thok. 16 Pathian ih biakinn nan ii ih nan sungah Pathian ih Thlarau a om ti nan tiah lo maw? 17 Mi pakhatkhat ni Pathian ih biakinn a siatsuah ahcun amah cu Pathian ni a siatsuah thok. Icatile Pathian ih biakinn cu a thianghlimih nangmi cu acui biakinn cu nan ii. 18 Nanmah leh nanmah deutia hlah uh. Vulei thiltidan in nanmah cu miting ah nan ruahtiak ahcun, miting nan cannak dingah miaa ah cang ta uh.