16
Atu mithiangpawl ca-ih thilkhuan thu ah: Kalati ram pawlpile hemih ka cah hngaimi mangin nan zulh awk a ii. Ka phat tikih khuantiak Žul lo dingin, zarh cangih ni peitatleng ni ah, nangmi pakhat vek ni nan hlawhmi sungin itupoh khawlin nan thia cia vek thok. Culeh ka phat tikah, nan lungkim mi le cu Jerusalem ah nan laksawng phur dingin laikuat rum thlah hngai leh lang. Ka tah ve ding a Žhat a hoih ahcun, anmah ni a ma vahpi hngai thok.
Masidonia peng ka tanpah hnukah tan tlawn hngai leh lang – icatile Masidonia peng tanpah ka khaitia. Nan hemah ka caam kho men, iklole isik caan hman ka hmang mahna, cuticun ka vah nakpoh, lampi ah a ma thlah taw cu. Atu ah vakpah men ih tan tuah hngai cu ka daw lo, icatile Bawipa ni a sian ahcun nanmah rum caan tawkcaang hman khat ka daw. Ihmansela Pentikos tiang cu Efesa khua ah ka caam thok, icatile hmuarngeimi rianŽuan caah sangka kaupi hon piak ka ii, culeh a ma raltu tlungpi an om. 10 Timote a phat ahcun nan lakah Žihphanawk ituhman ngei hrimhrim lote in vua uh law, icatile amah cu kei mangin Bawipa ih rian a Žuan rero; 11 Curuangah ahuhman ni amah cu nautat hlah seh. Kamah ma pha kho dingin a lampi ah daite in thlah uh; icatile unaupawl rum amah lakhlahin ka om. 12 Atu kan unaupa Apollos ih thu ahcun, unau pace rum nanmah tan tlawn hngai dingah ngekpi in ka torh, ihmansela atu ih phat ding cu a daw hrimhrim lo. CaanŽha a ngeih tikah tan pha hngai leh lei.
13 Thinhrip in omringring uh, nan zumnak ah ding Žho uh, ralŽha uh la dikcak uh. 14 Nan thiltimi a zate dawtnak ih timi ii uh seh. 15 Atu ahcun ulenauhngai, Stefanas ih innsang sungtelpawl cu Akhaia peng sungih a peitatleng lungthlengpawl an ii, culeh mithiangpawl rennak ah an pun an piatia, ti nan tiah. 16 Acumang mipawl leh anmah rum rianŽuan ih thabang tupoh ih thu awi-eem dingin kan tan torh hngai hramhram. 17 Nan om lo lio ah nan airoltu Stefanas leh Fortunatas leh Akhaias an phat cu ka tha a nuam; 18 icatile ka lung a ma ngamsak hngai mangin nan lung khaw an ngamsak ve. Curuangah acumang minungle cu nan lom awk an ii. 19 Asia ram ih pawlpile ni biaksonnakpawl an tan kuat hngai. Aquila leh Priska ni an inn ih a puuntiami pawlpi rum Bawipa sungah thintakin an tan sawnbia hngai. 20 Unaupawl an zate ni biaksonnakpawl an tan kuat hngai. Athianghlimmi hnamnak rum pakhat leh pakhat dobia tia uh. 21 Kamah, Paul, ni hi biaksonnak hi ka kut hrimhrim in ka ngan. 22 Bawipa ca-ih dawtnak a ngei lo tu ahu khaw camkhaat ii seh. Maranatha!note 16:22 Maranatha timi cu “Kan Bawipa aw, pha law!” tican a ii. 23 Kan Bawi Jesuh ih veel cu nan hemah om kau seh. 24 Khrih Jesuh sungih ka tan dawtnak hngai cu nan zate hemah om hram seh. Amen.