KORIN
Pawlpi Hemih Paul Laikuat Pakhatnak
A Ngantu, A Ngan Kum leh a Ngannak Hmun. Paul ih Laikuat a ik hrimhrim zia alkhawh lomi lakah a telvemi a ik ruangah a ngantu cu Paul rori a ii. Tuandeuh ih ngan zumtu ni cu AD 54 hrawng an zum. Ihmansela Paul hi Korin khua ah AD 51 kum deng hnaih la, iklole AD 52 thawhpek ah a pha thok tiah zum a ii. Korin khua ah kum khat leh hrek a om hnukah hmun pace ah a vak. A vahnak cu Efesa khua a ii. Acunangah kum 3 a om ih acu sungah a ngan. Khaw cang kum cekci a ik tiahfiang a ik lo hman ah AD 55 hnukah cun a i lo ti cu zum vek a ii. A ngannak hmun cu Efesa khua a i kau.
A Ngansaktu Thuhlapawl. Rom ih ukmi Akhaia peng ahcun Grik khuapi pakhat a ii. Sumlehnakla ah nisuah nilawh, sak leh thlang von tuahtiaknak a ik hleiah biaknak phunphun a om. Milian leh mi upa ŽhaŽha an om mangin farah nauta khaw an om paan. Nunziala ih minsia ngei an ii. Numi zuartia 1000 lai omnak biakinn khaw a om. Paul ni thuthangŽha rum a nor hngai cia mi i zet ni maw an zum ih an thleng tia nain an ziaza sia dengloin a taangmi a omih pawlpi sung ah an luhpi. Efesa a phat hnukah Korin pawlpi siaherh ah a pakhatnak lai a kuat hngai (1 Kor. 5:9-13) nain a hma. 2 Kor. 6:14-7:1 ik zum an om. Korin khuami lakin thudil ih laikuattu an om, thuhla hmurka ih simtu an om. Acupawl let hngai dingah laikuat a ngan sei ih atu ih Korin (16:8; 15:32) laikuat pakhatnak timi hi a ii (1Kor. 7:1-16:12). Timote a phurh sak.
A Tumtahmi. Zumnakla ih an pa dinhmun leh an Pastor dinhmun in an nunzia mawilo thu parih pawlpi sungih Žhenkhuainak parah, zumlotupawl rum pawlkomtiak thu ah, biakkhawmnak ih omzia, pawlpi omzia, thawhŽhannak thu zumnak, harsa bonnak khuantiak thu ah nunsim hngai, thapiak, torh hngai leh zirh hngai a dawt ruang tleng ah a nganmi a ii.
1
1 Pathian ih thudawt in Khrih Jesuh ih tirhthlah i dingah kawhmi Paul leh kan unaupa Sosthenes ni,
2 Korin khua ah a ommi Pathian ih pawlpi, Khrih Jesuh sungah thiansak a i mipawl, an Bawipa leh kan Bawipa a i mi kan Bawipa Jesuh Khrih ih min a ko tu hmun cang ih a om mipawl hmawhhmawh rum hmunkhatah – mithiangpawl i dingih kawhmi le rum nan hemah lai kan tan kuat hngai:
3 Pathian kan Pa leh Bawi Jesuh Khrih hemin veel leh daihnak cu nan hemah pha hram seh.
4 Khrih Jesuh sungah nan hemih piakmi Pathian velngeihnak ruangah nan caah hin ka Pathian hemah lungawithu ka sim ringring.
5 Icatile amah sungah, thusim leh thil phun kim tiahnak laah kaa kip in lensak nan i rom,
6 cuticun nan lakih Khrih thuhla simphuanmi cu Žhosak a ii.
7 Acucu kan Bawi Jesuh Khrih phuanlan a ik thok nan hngahnak ah thlarau laksawng pakhatkhat sambau in nan om lonak dingah a ii.
8 Kan Bawi Jesuh Khrih ih Ni ah mawhngeilo nan iknak dingah amah ni a net tiangin thazaang khaw a tan pia hngai thok.
9 Pathian cu rinsantlak a ii; amah thawngin a tiapa Jesuh Khrih kan Bawipa rum pawlkomtiaknak sungah kawhmi nan ii.
10 Ulenau hngai, nan zate thucaangtia in, cun nan lakah ŽhenŽhehnak omloin, ruahnak sakhat leh tumtahnak sakhat ah nan lungrual nak ding tu kan Bawi Jesuh Khrih min in kan tan ngen hngai.
11 Icatile, ka ulenauhngai, nan lakah bawhtiaknak a om tiin Khloe ih mipawl ni thu ama zak sak hngai.
12 Ka simdawtmi cu nan pakhat vek ni, “Kei cu Paul la Žang ka ii,” iklole “Kei cu Apollos la Žang ka ii,” iklole “Keicu Kefas la Žang ka ii,” iklole “Kei cu Khrih la Žang ka ii,” nan timi hi a ii.
13 Khrih cu a ŽhenŽhektia hmen maw? Nan caah Paul cu khentar a ita hmen maw? Iklole Paul ih min in tihnim nan ita hmen maw?
14 Khrispas leh Kaias simlo ahuhman tii ah ka tan hnim hngai lo ruangah Pathian ka lawm,
15 acu ruangah ahuhman ni ka min ih ti hnimtia tiin an tan ti kho lo.
16 (Stefanas ih innsang khaw tii ah ka hnim hngai pan, acu lo cu hu pace ti ah ka hnim ti ka tiah lo.)
17 Icatile Khrih ni tii ah mi hnim dingin iloin thuthangŽha sim ding zong ah ama thlah, culeh Khrih ih thinglamtah cu a huham minung tinnak ankanaal in simih kongrom sak a ik lonak dingah a ii.
18 Icatile thinglamtah thuthang cu a rawkralcuahco tule caah cun atthu a ii, run a i liomi kanmah caah zong cu Pathian ih huham a ii.
19 Icatile,
“Mitingpawl ih tinnak cu
ka siatsuah thok,
culeh ngenŽhenthiam ih
ngenŽhennak cu
ka phelhsolh thok,”Ref 1:19 Isa 29:14
tiin ngan a ii.
20 Miting cu khawnangah a om? Daanthiam teh khawnangah a om? Ahi san ih thu mi-altu teh khawnangah a om? Hi vuleipi ih tinnak cu Pathian ni atnak ah a vua rom lo hmen maw?
21 Icatile vulei ni tinnak thawngin Pathian tiah ngah lo ding hi Pathian ih tinnak a ik hnuk cu, kan simthanmi atthu thawngin a zumtupawl rundam hngai dingah a ruatcat.
22 Icatile Judahpawl ni minhlinnak an ngeen ih Grik-mipawl ni tinnak an hiar,
23 keimi ni zong cu Khrih khentar a ik kan simthan, acucu Judahpawl caah cun taubahnak a ii ih Zentail-mipawl caah cun atthu a ii.
24 Judahpawl iseh Krikpawl iseh, kawh a i mipawl caah zong cu Khrih cu Pathian ih huham leh Pathian ih tinnak a ii.
25 Icatile Pathian ih atnak cu minung ih tinnak vanin a tingsawn, cun Pathian ih ŽonŽaihnak cu minung ih thazaang vanin a diksawn.
26 Ulenau hngai, kawh nan iknak khi ruattia hman uh: minungla tahnak in cu nanmah mi tlungpi cu miting, huhamngei, bawi hrin nan i hlei lo.
27 Ihmansela, Pathian ni cu miting ningzahsak dingah vulei ih a aami a ril hrim; midikcak ningzahsak dingah vulei ih mi ŽawnŽai cu Pathian ni a ril hrim;
28 vuleipi ah a niammi leh nautatmi, thupi ih ruahmi thilpawl itulo ah Žhum hngai dingah, thupi ih ruah lomi thilpawl Pathian ni a ril hngai hrim,
29 a cucu ahuhman Pathian hmaika ah an porhtiak lonak dingah a ii.
30 Amah cu Khrih Jesuh sungih nan nunnak hrampi a ii. Khrih Jesuh cu kan caah Pathian hemin tinnak, dingfelnak, thiancosaknak leh tlannak ah a cang,
31 cuticun, “A porhtia tu cu Bawipa ah porhtia seh,” Ref 1:31 Jer 9:23-24 tiih nganmi mangin a iknak dingah a ii.