9
(22:6-16; 26:12-8)
Culioah Saul cu Bawipa ih kaizulpawl Žhih hngai ding leh that hngai dingah a thaw a sang rero lio rih. Tlangbawi Saang hemah tatin, Bawipa ih hmuhsakmi Lam a zultu a hmuhmi poh, numi tilo pami tilo, ponciain Jerusalem ih hruaita hngai dingah Damaskas sinakok uktule hemih piak awk laiken a dil. A tah rero lio leh Damaskas a phat sam fangah rinlopi in vancung in khuatle ni a velkim a zon tlet. Khur parah a ngalih a hemah, “Saul, Saul, icaah ama hrem?” tiah a ti tu aw pakhat a za. Saul ni, “Ahu na ii, Bawipa?” tiah a dil. A lehnak cu, “Kei cu na hrem rero mi Jesuh ka ii. Tho lei ci khawh khuapi sung ah lut, culeh na ti awk cu sim na i thok,” ti a ii. Amah rum khualtlawn tule cu aw an za nain ahu hman an hmuh lo ruangah aan awk tiah loin an ding kau. Saul cu khur parin a hang tho ih, a hrak nain ituhman a hmu lo; curuangah a kut in hruaiin Damaskas ah an luhpi. Ni thum sung cu khuahmu lo, caw aw lo leh ti ding loin a om. 10 Damaskas khua sungah Ananias timi kaizul pakhat a om. Bawipa ni a hemah lansaknak sungin, “Ananias,” tiah a ti. Ani ni, “Hinangah ka om, Bawipa,” tiah a sawn. 11 Bawipa ni a hemah, “Tho lei ci khawh Adang tiih kawhmi lampi ah tat, cun Judas ih inn ah Saul timi Tarsas khuami pa hrawl lei ci. Atu hi cu thla a cam lio. 12 Lansaknak sungah Ananias timi pa ni khua a hmuh nak dingah a lu parah a kut suangin a hmu,” tiah a ti. 13 Ihmansela Ananias ni, “Bawipa, hi pa ih thuhla, Jerusalem ih na mithiangle hemah itluk thilŽhalo a vua ti hi mi tlungpi hemin ka za rom; 14 cun na min ko tu an zate ponhreen nak ding thungeihnak tlangbawi upale hemin a ngah rom,” tiah a sawn. 15 Ihmansela Bawipa ni, “Tat kau, icatile ani cu Zentail-mipawl leh siangpahrangpawl leh Israelpawl hmaiah ka min tiah sak hngai dingah ka rilmi hmanthil a ii. 16 Kamah caah itluk a tuar thok ti cu kamah rori ni ka hmuh thok,” tiah a ti. 17 Curuangah Ananias cu a tatih inn sung ah cun a lut. Saul parah a kut suangin, “Ka unau Saul, hinang na vahnak lam ah na hemih a langtu Bawipa Jesuh ni, khua na hmuh Žhan nak ding leh Thiang Thlarau in na khah nak dingah ama thlah,” tiah a ti. 18 Culeh a mit in phawher mang a tla lohli ih khua a hmu Žhan. Cutikah a hang tho ih tihnim a ii, 19 cun caw a awk hnukah a tha a tlungŽhan.
Ni tlung nawn sung kaizulle rum Damaskas ah a om, 20 culeh sinakok ah simphuan a thawh ih, “Amah cu Pathian Tiapa a ii,” tiah a ti. 21 A simmi a za tu hmawhhmawh an don a harih, “Hi pa hi Jerusalem ih Jesuh min a ko tupawl lakah harnak a vua tu pa khi a i lo hmen maw? Cun a cupawl ponhreng hngain tlangbawi upale hemih phatpi awk tumtahin hinangah a pha lo hmen maw?” tiah an ti. 22 Saul ih thusim cu huham a ngei hlehhlo ih, Jesuh cu Messiah a ik a fiansaknak thawngin Damaskas ih ommi Judahpawl an thinlung cu a thusimmi al kho loin a vua hngai.
23 Caan tuakcaang a liam hnukah Judahpawl ni amah that dingah thu an phiar, 24 ihmansela an thuphiar cu Saul ni a tiah. Amah thahngah dingah kotkapawl sun leh zan an kil; 25 a inain a kaizulle ni zan ah an hruaita ih bawr sungah khapin kulhdawl awng in pawnla ah an zon Žhum.
26 Jerusalem a phat tikah kaizulle rum telrelkhat a khaitia, ihmansela an zate ni amah cu an Žih, icatile amah cu kaizul ik an zum lo. 27 Barnabas ni zong cu a pita ih tirhthlahle hem a phatpi, culeh lam ah a hemih a ang ta tu Bawipa khawti in a hmuhngah timi leh, Damaskas ah Jesuh ih min in, ralŽhangaiih thu a sim zia a simfiang hngai. 28 Curuangah ani cu Jerusalem ih kaizulle lakah lutsuakin, Bawipa ih min hmangin phung a sim. 29 Grik aanhmang Judahpawl rum khaw biatia in thu an altia; anmimi ni cu amah an thah khai rero. 30 Zumtupawl ni acucu an tiah ngah tikah Sisaria laah hruai Žumin Tarsas ah an thlah mianmi. 31 Aculioah Judea, Galilee leh Samaria hlawhin pawlpi cu nangamte in an omih tha an ngah. Bawipa Žihzahnak leh Thiang Thlarau ih khuunsaknak in an omih, milu an karh miarmo.
32 Piter cu zumtupawl veh hngai in hmun khat hnuk hmu khat a tlonvah lio ah Lidda khua ih ommi mithiangle hemah khaw a zong pha. 33 Acunang ahcun a zeng ruangih kum riat sung metnak ah a lumkau mi, Aenias timi pa a hmu. 34 Piter ni, “Aenias, Jesuh Khrih ni a tan damsak; tho la na ihthah zawl!” tiah a ti. Culeh a tho lohli. 35 Lidda leh Sharon ih ommi an zate ni an hmu ih Bawipa laah an mertia.
36 Joppa khua ah Tabitha timi kaizul numi pakhat a omih, a Grik min cu Dorkas a ii (a sullam cu neeng tinak a ii). Amah cu a Žhami rianŽuan leh siannak thiltipawl ah punpiatiami a ii. 37 Amah cu zong tiakin a thi dah. A ruak an khol hnukah inn cungta khan ah an thlim. 38 Lidda khua cu Joppa khua hrial a ik ruangah, Lidda khua ah Piter a om ti a za tu kaizulle ni Piter hemah mi pahnih thlahin, “Nolnawklote in man pha hram law,” tiah an dil. 39 Curuangah Piter cu a tho ih, anmah rum a tat; culeh a phat tikah inn cungta khaan ah an han hruai. Nuhmei hmawhhmawh cu a hrialah dingin an Žap ciamco ih, Dorkas ni anmah rum a nundam lioih a Žhitmi angkipawnthuah leh partlaipawl an hmuh rero. 40 Piter ni an zate a suahsak hngai hnukah a khukbilin thla a cam. Ruak sanla ah merciain, “Tabitha, hang tho law,” tiah a ti. Cutikah a mit a hrakih, Piter a hmuh tikah a hang to. 41 Piter ni a kut thlakin a zon tho. Cuhnukah mithiangpawl leh zumtupawl ko hngai in, Dorkas a nung ti a hmuh hngai. 42 Cui thu cu Joppa khua hlawhin tiah a ii ih, mitlungpi ni Bawipa an zum. 43 Acu sungah Piter cu Joppa khuami saphawŽuantu Simon hemah ni tlungpi a caam.