1 Culeh amah an thah cu Saul ni a awi-eem hngai.

Acui nii ah hremnak rauhpi cu Jerusalem ih Pawlpi parah a thawh ih, tirhthlahle simlo hmawhhmawh cu Judea leh Samaria ram khuate la hlawhin an vaica. 2 Biaknakla mizuamtiale ni Stefen cu an vui ih tiakpi in an Žah. 3 Ihmansela Saul cu Pawlpi siatsuah ah inn khat hnuk inn khat a lut; numi tilo, pami tilo, sualdawk hngai in thawng ah a thlak sak hngai.

4 A vaica tupawl cu hmun khat hnuk hmun khat ah tatin thu an sim. 5 Filip cu Samaria laah Žumin an hemah Messiah ih thu a simphuang. 6 Mipi ni a simmi zain a vuakmi hmuhsaknakpawl an hmu ih a thusim cu Žhangaite in an ngai. 7 Icatile a thiang lomi thlaraupawl cu an luhhnawhmi mi tlungpi sungin kiurak riangroin an suak; cun ruangthi leh kezengpawl, mipace tlungpi damsak an ii. 8 Curuangah acui khuapi sungah a nasami lungawinak a om. 9 Acui khuapi ah Simon timi pa a omih mitkher a hmang rero, mi pipa pakhat ii in a simtia ih Samaria mipawl an donharkau a vua hngai. 10 An zate, a tenautleng in a pipatleng tiang ni lakhlahngai in a thu an ngaiih, “Hi pa hi Pipa tiih kawhmi Pathian ih huham a ii,” tiah an ti. 11 Culeh caan saupi sung a mitkher in an don a harsak hngai ruangah a thu cu lakhlahngai in an ngai. 12 Ihmansela, Pathian uknak leh Jesuh Khrih ih thu thuthangŽha simphuangtu Filip ih simmi an zum tikah cun numi in pami in tihnim an ii. 13 Simon amah rori hman ni a zum. Tihnim a ik hnukah Filip hemah a om berbo ih a cangmi hmuhsaknakpawl leh a nasami donharŽhapawl a hmuh tikah a don a har. 14 Samaria khuamipawl ni Pathian thu an cosang tiah Jerusalem ih tirhthlahle ni an zak tikah an hemah Piter leh Johan an thlah. 15 An pahnih an tatih, Thiang Thlarau an co nak dingah thla an cam. 16 (Icatile anmah ahu parah hman Thlarau a Žum rih lo; Bawi Jesuh min in tihnim ceu an ii.) 17 Cutikah Piter leh Johan ni an parah kut an suang, culeh Thiang Thlarau an co. 18 Tirhhlahle ih kut suan thawngin Thlarau piak a ik Simon ni a hmuh tikah, tangka pia hngai in, 19 “An parih kut ka suanmi ni Thiang Thlarau an co nak dingah hi huham hi ma pia ve tu uh,” tiah a ti. 20 Ihmansela Piter ni a hemah, “Pathian laksawng cu tangka rum lei ngah khawh dingih na ruah ruangah na tangka cu namah rum hmalak seh. 21 Nang cu hi thil ah telvenak leh tlinvo na ngei lo, icatile Pathian hmaiah na thinlung a ding lo. 22 Curuangah hi na Žhat lonak hin Žhintia, culeh a cankhawh ahcun, na thinlung ih khaihtiakmi hi ngaidam i dingin Bawipa hemah thlacam. 23 Icatile a khaami nahsuahnak leh Žhat lonak ih hrenghri sungah na om ti ka hmu,” tiah a ti. 24 Simon ni, “Na timi ituhman ka parih a can lonak ding Bawipa hemah thla ma cam,” tiah a sawn. 25 Piter leh Johan cu Pathian thu an simthan leh an simrel hnukah Jerusalem ah an kirih, Samaria-mipawl ih khuate tlungpi ah thuthangŽha an simphuang.

26 Cuhnukah Bawipa ih vanmi pakhat ni Filip hemah, “Tho la, Jerusalem in Gaza la a tahmi lam ah zong tat,” tiah a ti. (Hihi ramcar lakih vahnak lam a ii.) 27 Curuangah a tho ih a tat. Ethiopia Siangpahrangnu ih ngeihsiah hlawnthil zate kiltu Žuanvongei, siangpahrang inn ih bawi hnempi a Žuantu, tilkheimipa a om. Jerusalem ah Pathian bia dingin a tatih, 28 a kirla a ii; a saileeng citia in profet Isaiah laibu a rel rero. 29 Cutikah Thlarau ni Filip cu, “Hi saileeng hemah tatin citia ve,” tiah a ti. 30 Curuangah Filip cu saileeng a zon dawi ih profet Isaiah laibu rel rero a za. “Na rel reromi cu tiahthiam cim?” tiah a ti. 31 Ani ni, “Mi pakhatkhat ih sim lopi in cu khawti in ka tiahthiam thok hmen?” tiah a ti. Culeh Filip cu a saileeng parah kaiin a hrialih to dingah a sawm.