7
Cutikah Tlangbawi Saang ni, “An tan puhmipawl hi an i kau maw?” tiah a dil. Culeh Stefen ni, “Unaupawl leh pale hngai, ma ngai hnik uh. Sunlawinak Pathian cu kan puhram Abraham hemah, Haran ih a om hlan, Mesopotamia ih a ik lio ah, a lang, culeh a hemah, ‘Na ram leh na sungkhatle mata hngai la ka tan hmuh thok mi ram ah tat,’ Ref 7:3 Seem(Gen) 12:1*tiah a ti. Cutikah Khaldea-mipawl ih ram cu matain Haran ah hmun a khuar. A pa thih hnukah Pathian ni acunang in atu ih nan omnak ram ah hin a thawntiak sak. Acucu a ro dingah a Žhen te, ketlep cen hman a pia lo, ihmansela, tia a ngei lo nain amah leh a hnukih a tusintiasin ih an ngeihtiak dingah pia hngai dingin zong thu a kam hngai. Culeh Pathian ni Abraham ih tusintiasin cu mipace ih ram ah ramhluum misiingle an i thok, cun kum za li sung cu sal ah an cansak thokih mawilo pipi in an ti thok. ‘A inain an renmi miphun cu thuŽhen lang khawh, acu hnukah na tusintiasin cu suakin hi hmun ahhin ama bia hngai thok’ tiah a ti. Culeh phawzimŽhawh ding thukam a pia. Cun Abraham cu Isaak ih pa a cangih a ni riatnak ah a phawzim a Žhot; cun Isaak cu Jakob ih pa a cang, cun Jakob cu pupale hleihnih ih pa a cang. “Jakob ih tiale hleihnih ni Josef cu an iksikih Izipt ah an zuar, a inain, Pathian cu a hemah a om. 10 Culeh a zanzaihnak hmawhhmawh sungin a rungih amah sontu ah Izipt ram leh a innsang uktu ah a siatu Izipt siangpahrang Faroh hmaika ih a din tikah mithmaiŽha coin tinnak lansak kho dingah a bawn. 11 Izipt ram leh Kanaan ram zate ah mangŽam a tlungih rauhpi in an tuar, culeh kan pupale cu caw awkŽha an hmu kho lo. 12 A inain Jakob ni Izipt ram ah caw a om ti a zak tikah a tiale – kan pupale – cu Izipt ram ah a thlah hngai, acucu an tlon peitleng Žum a ii. 13 A voihnihnak an tlon Žum ah Josef cu a ule ih tiah dingin a phuangtia ih Izipt siangpahrang ni Josef ih innsang cu a tiah vel. 14 Cutikah Josef ni a pa Jakob, cun a suahpile cu amah hemih zong om dingin a cah hngai ih minung sawm sarih leh panga an ii. 15 Curuangah Jakob cu Izipt ah a zong. Amah rori leh a tiale cu acunangah an thi. 16 Culeh an ruak cu Shekhem ah an kirpiŽhan ih Abraham ni Hamor miphun hemin tangka in a leimi thlaan ah an vui. 17 “A inain Pathian ni Abraham hemih a vuakmi thutiam a kimsuahnak caan a nai vel tikah Izipt ram ih a ommi kan mipawl cu 18 Josef a tiah lo tu siangpahrang ni Izipt a uk tiang an karh ih an pungzai. 19 Kan miphun cu deuhtia hngai in kan pupale cu an tiale a thi taw uh tiin pawnla ah hranhramin a zam sak hngai. 20 Acui caan ah Moses a suakih Pathian hmaika ah mimawi a ii. Thla thum sung cu a pa ih inn ah cawm a ii. 21 Zam a ik tikah Faroh ih tianu ni sarin amah ih tiapa dinhmun in a cawm. 22 Curuangah Moses cu Izipt-mipawl ih tinthiamnak hmawhhmawh zirh a ii ih a on-aan leh a thiltipawl ah huham a ngei. 23 “Kum sawmli a ti tikah a miphunpi Israelpawl lumleeng hngai dingin a thinlung ah a suak. 24 A phunpi pakhat pa cu Iziptmi pakhat ni a hilopi in a ti a hmuh tikah namnehmi pa cu a rungih Iziptmi pa cu phulei samin a that. 25 Pathian ni amah thawngin anmah a rung hngai ti a phunpile ni an tiahthiam thok ah a ruat nain an tiahthiam lo. 26 A zingla ah mi hrekkhat hemah tat naah bottia in a hmu hngai ih, remtiaksakŽhan hngai khaitia in, ‘Rualle hngai unau nan ii hin; icaah khat le khat nan thawitia?’ tiah a ti hngai. 27 A inain a innkiang a thawi tu pa ni, Moses cu a namih, ‘Ahu ni kan cungih uktu leh thureltu ah an tan vua? 28 Rangan ih Izipt pa na thah mangin maw ma thah na dawt?’ tiah a ti. 29 Acucu a zak tikah Moses cu a zuangih Midian ram ah misiing in omhmun a khuar. Acunangah tiapa pahnih ih pa ah a cang. 30 “Kum sawmli a liam hnukah Sinai Tlang ramcar ah vanmi pakhat cu hluaibuah hlio sungin a hemah a zong lang. 31 Moses ni acucu a hmuh tikah a hmuhmi cu a don a har; zoh dingih a hnaih fangah, 32 ‘Kei hi na pupale ih Pathian, Abraham ih Pathian, Isaak ih Pathian leh Jakob ih Pathian ka ii’ timi Bawipa ih aw a za. Moses cu a khur-aw ih a zoh ngam lo. 33 Cutikah Bawipa ni a hemah, ‘Na ke ih kedaap cu phoihtia, icatile na diinlio nak hmun cu hmun thianghlim a ii. 34 Izipt ram ih a ommi ka mipawl a hilopipi ih an timi ka hmu rom, cun an aihramnak ka za romih anmah rungsuak hngai dingah ka zong pha rom. Atu mapha la, Izipt ram ah ka tan thlah thok,’Ref 7:33-34 Suah(Ex)3:5,10 tiah a ti. 35 “Ahi Moses hi kovawh, ‘Ahu ni uktu leh thuŽhentu ah a tan vua?’ tiah an tiih an hnonmi pa leh, hluaibuah sungin a hemih a ang tu vanmi thawngin Pathian ni uktu leh luatsaktu dingih a thlahmi pa cu. 36 Izipt ram, Rili San leh ramcar ah kum sawmli sung donhar-Žhapawl leh hmuhsaknakpawl vua hngai in a hruai hngai pan. 37 Ahi hi Israelpawl hemih, ‘Pathian ni kamah a ma suahsak mangin nan caah profet pakhat nan minungpawl lakin a suahsak thok’Ref 7:37 Daan(Deu) 18:15 a ti ta tu a ii. 38 Amah cu kan pupale ramcar ih an khawmtiak lio ah, Sinai Tlang ah a hemih a ang tu vanmi rum an om ve; cun kanmah man piaksin awkah Pathian anka nung a co. 39 Kan pupale ni cu a thuzulh an daw ta lo; an hnong rulri ih, an muthup in Izipt ah an kirŽhan. 40 Aaron hemah, ‘Izipt ram in a man hruai suak tu Moses hi a parih itu a can le tiah hlah hu, a man hruaitu dingah pathianpawl man vuak piak tuhmen,’Ref 7:40 Suah (Ex)32:1 tiah an ti. 41 Acui caan ah cawpesuan mepa an vua, a hemah rai an hri ih, an kut ih vuakcopmi parah an nuamtia.
42 A inain Pathian ni a dungtun hngai ih:
‘Maw Israelpawl, hramlak ah
kum sawmli sung sumhnam
thatin ka hemah rai
nan hri ta maw?
43 Ihlah ee; Molok ih puanthlaam,
cun nan pathian Refan ih
arsi mepa, biak dingih
nan vuakmi mepapawl
kovawh nan kentiak;
curuangah Babilon khatla ral ah
ka tan thawn hngai thok,’Ref 7:42-43 Amos 5:25-27
tiah profetpawl ih laibu
sungih nganmi mangin
van ih arsipawl bia dingah
a ap hngai.
44 “Kan pupale cu hramlak ah Pathian ih ompinak puanthlaam an ngei, Pathian ni Moses hemah a hmuhmi muisam mangih vua dingah thu a piak mangih vuakmi a ii. 45 Kan pupale ni cui puanthlaam cu an omnak dingah Pathian ni an hmai ah a Žhawl piak hngaimi miphunpawl ih ram ah Joshua rum an tah tikah an kengsin. 46 Culeh acunang ahcun Pathian mithmaiŽha a co tu leh Jakob ih Pathian caah biakinn saknak ah hmun hmu dingin a dil tu David ih san tiang a om. 47 Ihmansela Pathian ca-ih inn a sa tu cu Solomon a ii. 48 A ik hmanah Cungnungtleng Pathian cu, profet ni,
49 ‘Vancung cu ka toŽhiang,
cun vulei cu ka kesiahnak a ii.
Ka caah itumang inn
ma sak thok hmen cu,
iklole ka dindaihnak hmun teh
itu i lei maw?
50 Hipawl hmawhhmawh
ka kut ih vuakmi an i
lo hmen maw?’Ref 7:49-50 Isa 66:1-2
tiah a ti mangin, kut ih sakmi innpawl sungah cu a om lo.
51 “Nangmi mi lungkhawng phun, zumlotu ih thinlung leh na a bin tupawl, nan pupale ih an dohkalh tak bil mangin Thiang Thlarau nan dokalh berbo. 52 Ahu mang profet a ii nan pupale ih hremlo mi? Mi Dingfel ih phatnak thu a simli tupawl an that, culeh atu ah nangmi cu acupa leirawitu leh that tupawl nan cang rom. 53 Nangmi cu vanmile thawngin piakmi Daan a cotu nan ii, a inain nan zul lo,” tiah a sawn.
54 Ahipawl an zak tikah Sanhedrin upale cu an thin a tok-aw hngai tukih Stefen cu an ha an rial san. 55 Ihmansela Stefen cu Thiang Thlarau in a khatih vancung a han cuan, culeh Pathian sunparnak leh Jesuh cu Pathian vorhla ah dingin a hmu. 56 “Ngai hnik uh, vancung hongtia in leh Mi Tiapa cu Pathian vorhla ah a din ka hmu!” tiah a ti. 57 Ihmansela an na an huptia, cun tiakpi in hekin an zate ni an zuanhnawh. 58 Cutikah khualipi pawnla ah an hei dawkih lung in an phon; culeh thutiahpitule ni an angkipawnthuahpawl cu Saul timi mino pa ih kehramah an sia. 59 Lung in an phon lio ah Stefen cu, “Bawipa Jesuh, ka thlarau cola law,” tiah thla a cam. 60 Cuhnukah a khukbilin, “Bawipa, an sualnak cinken piak hngai hlah law,” tiah aw dakpi in a au. Ahihi a sim uh tikah a thi.