3
Nikhat cu thlacam caan, sunhnuk nazi pathum ah Piter leh Johan cu biakinn ah an tat. Culeh a suah pek in a ke a zeng mi pa cu biakinn ah mi ni zawntia in an phatpi. Biakinn ah a lut tupawl hemin bonnak dil tia hngai thiam dingah Kotka Mawi tiih kawhmi Biakinn kotka ah nicang an omsak. Piter leh Johan Biakinn ah tat vel thokin a hmuh hngai tikah bonnak a dil hngai. Piter ni Johan mangin amah cu tiakpi in a zoh ih, “Man zoh hnik!” tiah a ti. An hemin itumaw tal ngah ringtia in a zoh hngai langlang. Ihmansela Piter ni, “Sui le ngun cu ka ngei lo, a inain ka ngeihmi tu ka tan pia; Nazareth khuami Jesuh Khrih ih min in hang ding la vak,” tiah a ti. Culeh a vorhla kut in a tlai ih a zon tho; a voikhat ah a ke leh a kengel cu an dik. Soktia in, a dingih a vah thawh, culeh anmah rum biakinn ah lutin, phetsoktia leh vak reroin Pathian a thangŽhat. Mi hmawhhmawh ni a vah rero leh Pathian a thangŽhat cu an hmu ih, 10 Biakinn ih Kotka Mawi ah toin bonnak mi a dil bil tu khi a ik an tiahthiam; culeh amah parih thilcangmi thu ah an don a harih an lung a ngang.
11 Cu pa cu Piter leh Johan a phiar hngai riureu lio ah, mi hmawhhmawh cu Solomon ih Zaumu ah an zuang, an don a har ngaite. 12 Piter ni acucu a hmuh tikah mipi cu, “Nangmi ka phunpi Israelpawl hngai, icaah ahi cu nan don a har? Kanmah ih ngeihmi huham leh Pathian zumnak in hi pa hi vah sak hu la mang, icaah kanmah lala a man zoh ciahco? 13 Abraham ih Pathian, Isaak ih Pathian leh Jakob ih Pathian, kan pipule ih Pathian ni a tungsau Jesuh, Pilat ni thlahŽhan dingah a ruatcat rom nain a kut ah apin a omhnganih nan hnonmi, cu a sunparsak rom. 14 A inain a Thianghlim leh a Dingfel Mi cu hnongin, mithattu la tan ap dingin nan dil, 15 Nunnak Piatu cu nan thatih, Pathian ni amah cu mithi lakin a thawhsak. Keimi cu ahi thuhla tiahpitu kan ii. 16 Jesuh ih min a zumnak thawngin, a min hrimhrim ni ahi pa hi a dihcahsak, nan hmuh leh nan tiahmi a ii. Culeh Jesuh thawngin a imi a zumnak ni hi pa hi nan zate hmuhhnganah damnak kim a pia. 17 Ulenau hngai, an tan uktule ih titak ve mangin, tiah lonak parin nan tekcakta ti ka tiah. 18 Profet zate thawngin a simtak ciami a Messiah ih tuar thok cu Pathian ni ahiti hin a kimsak. 19 Curuangah sualrim uh, nan sualnakpawl phiatpiak i dingah Pathian laah mertia uh, 20 cuticun Bawipa hemin tharsuahnak caan a pha thok, cun nangmi ca-ih siahmi Messiah cu a thlah taw. 21 Acucu Pathian ni a thiangmi a profetpawl thawngin a thantakmi vanrangkulh tundinŽhannak caan phat hlansung vancung ah a om ciahco dingmi Jesuh a ii. 22 Moses ni, ‘Bawipa nan Pathian ni nan minungpawl lakin kamah mang profet pakhat nan caah a suahsak thok. Amah ni a tan sim hngaimi itupoh nan ngai thok henakhawh. 23 Culeh acui profet thu a ngai lo tupoh cu miphun in zam thok an ii,’ tiah a ti.Ref 3:22 Daan (Deu)18; 15, 18 24 Samuel in thawhin, amah hnukih thu a simtu profet liangluang an zate ni khaw hi nicaanpawl hi an simcia ve. 25 Nangmi cu profetpawl leh, Abraham hemah, ‘Na hrinsarle thawngin vulei cung mi an zate thluasuah mi an i thok’Ref 3:25 Seem(Gen)22:18; 12:3b tiin Pathian ni nan pipule hemih a piakmi thukam ih hrinsarle nan ii. 26 Pathian ni a tungsau a suah sak tikah, nan nundan Žhalo in nan mertiaknak thawngin a tan thluasuah hngai nak dingah nan hemah a thlah peitleng henakhawh,” tiah a ti hngai.