26
Agrippa ni Paul cu, “Namah Žantia in aan khawhnak na ngei,” tiah a ti. Cutikah Paul ni a baan hei thlamin amah Žantiak a thawh ih:
“Siangpahrang Agrippa, Judahpawl ih sualpuhnak hmawhhmawh kalhin nihinni na hmai ih ka Žantiak thok hi mi vanŽha ah ka ruat tia. Icatile nang cu Judahpawl ih phunglampawl leh thubuaipawl Žhate in a tiah tu na ii; curuangah thinsaute in ma ngai dingah ka tan dil.
“Ka tepanlio in ka nundan cu ka miphun rori lakah leh Jerusalem ah ka hman thawh ti Judahmi hmawhhmawh ni an tiah kau. An simphuan dawt ahcun kan biaknak sungih a fektlengmi bute ih ommi leh Farisi pakhat ka i ringring ti caan hlapi an tiah rom. Atu hi Pathian ni a man hringsartule hemih a vuaktakmi thutiam ruahsan ruangah a ii hliakhlai ka tuah. Cui thutiam cu kan hrin hleihnih ni sun le zan thinthongai in Pathian an biak ahkhin congah dingih an ruahsanmi a ii. Upatmi Siangpahrang, ahi ruahsannak ruangah hin a ii Judahpawl ih sualpuh ka ik cu! Ituruangah Pathian ni mithi a thawhsak ti hi nangmi ahuhman ih zumkhawh lomi ah nan ruah?
“Angaingai ahcun, kamah hrimhrim ni Nazareth khuami Jesuh ih min kalhin thil tlungpi ti mawi ka ii ti ka fiangtia. 10 Acucu a ii Jerusalem ih ka vuak takmi cu. Tlangbawi upale hemin thungeihnak ka comi hmangin mithiangpawl tlungpi thawng ka thlak hngai ceu iloin, thi dingih sualthuŽhen an ik tikah khaw ka lungkimpi ve. 11 Sinakok hmawhhmawh ah anmah ka thawi hngai ŽiuŽeu thawngin an zummi thangsiatsak hngai hrimhrim dingah ka zuam. Culeh an parih ka thin a siat tuk ruangah khuatluang khuapawl tiang hman ah ka fuk hngai.
(Tirh 9:1-19; 22:6-16)
12 “Acui ruahnak rum cu, tlangbawi upale ih thungeihnak leh tirhthlahnak in Damaskas ah ka tlawn. 13 Lam ih kan tah lio, sunbir ah, maw Siangpahrang, vancung in nii vanin a tlesawnmi khuatle cu kamah leh ka rualcomle velkimah a tlaan ka hmu. 14 Kan zate khur parih kan bawh tikah Hebru aan in ka hemah, ‘Saul, Saul, icaah ama hrem rero? Cawpe velnak tungkeuzum sir cu na caah a tiak henaah’ tiah ama ti tu aw pakhat ka za. 15 Kei ni, ‘Ahu ii cimaw, Bawipa?’ tiah ka dil. Bawipa ni, ‘Kei cu na hrem rero mi Jesuh ka ii. 16 A inain, hang tho la na ke in ding; icatile kamah riantu ding leh, kamah ama hmuhtuahnak leh na hemih ka lan ama hmuhnak thok thilpawl thuhla simphuang tu dingah tan siah ding tumtahin na hemah ka lang. 17 Na miphun hem leh ka tan thlah thok nak Zentail-mipawl hemin ka tan rung thok. 18 Khuamaw in khuatle ah leh Satan huham in Pathian laah an mertiak nak ding an mit na hong hngai thok, cuticun sualngaidamnak coin, kamah ma zumnak thawngin thiansak a i tupawl lakah hmun a co ve taw uh,’ tiah a ma sawn.
19 “Acu hnukah, Siangpahrang Agrippa, vancungla ih lansaknak cu zul loin ka omta lo, 20 peitatlengah Damaskas khua ih om tupawl, cuhnukah Jerusalem leh Judea ram khuate la tiang hlawhin, cun Zentail-mipawl hemah khaw, an sualrim in Pathian laah mertia ding leh, an sualrimnak rum a hoihtiami thiltinakpawl an lansak nak ding ka simthan hngai. 21 Acui thu ruangah Judahpawl ni biakinn sungah ma ponin ma thah an khai. 22 Nihinni tiang cu Pathian hemin bonnak ka ngah rih ih, curuangah hinangah dingin, mipipa leh mitenau hemah, profetpawl leh Moses ni a cang thok tiah an ti takmi simlo ituhman sim loin acu ceu ka simphuang: 23 acucu – Messiah cu a tuar thokih, mithi lakin a tho peitatleng a iknak thawngin kan miphun hem leh Zentail-mipawl hemah khuatle thu a simphuang thok timi a ii,” tiah a ti.
24 Acutiih a Žantiak lio ah cun Festas ni, “Paul, Na aa vel hi! Na zirnak tlung tuk ni kovawh aa kau a tan vuak hi!” tiah a au.
25 Ihmansela Paul ni, “Ka upat ngaimi Festas, ka aa lo hena maw, tiimhrin thuhmaan ka ang hekhawh. 26 Angaingai ahcun siangpahrang ni a tiah kau ih na hemah zalenngai in ka ang; icatile hi thil hi a killo ah vuakmi a ik lo ruangah tiah loin na om lei lo ti cu ka fiang. 27 Siangpahrang Agrippa, profetpawl zum hngai cim? Na zum hngai ti ka tiah,” tiah a ti.
28 Agrippa ni Paul cu, “Khristian pakhat cang dingah maw rangtukih ama leem?” tiah a ti.
29 Paul ni, “Rang tuk ta le, rang tuk hlah ta le, Pathian hemih thla ka cammi cu namah ceu iloin nihinni ih ka thusim a ngaitu zate hi ka hrenghripawl simlo ahcun kamah mang nan cannak dingah a ii,” tiah a sawn.
30 Cutikah Siangpahrang, Mangkipa, Bernis leh anmah rum a to khat tupawl cu an tho; 31 culeh an suah thah ah pakhat leh pakhat, “Hi pa hi thihnak tlak iklole thawngthlak tlak itu tal a vua lo,” tiah an ti tia. 32 Agrippa ni Festas cu, “Hi pa hi Khumpi hemah azu khan hlah sela cu luatsak i ta kho hngen tur ee,” tiah a ti.