1 Anmah rum kan Žhentiak hnukah lawng in kan tat, a dangnak zawn in Kos kan pha, culeh a zingla ah Rhodes, cun Rhodes in Patara ah kan tat. 2 Fonisia ram la tat ding lawng kan hmuh tikah a parah kaiin kan tat. 3 Saipras tikulh a lannak kan pha; culeh kan kehla ah matain Siria laah kan tatih lawng ni a thilphurh a Žhum ruangah Tai-ar khua ah kan Žum. 4 Zumtupawl kan hrawlih acunangah ni sarih sung kan caam. Thlarau thawngin Paul cu Jerusalem ah tat lo dingin an sim. 5 Acunang ih kan nithla a deng tikah kan tatih kan khual tlon kan peh; culeh an zate an nupipawl leh tianaupawl rum khuapi hnar pawn ah a man thlah. Acunang tikap ah khukbilin thla kan camih 6 pakhat leh pakhat damte in tiah Žiannak za kan tlai tia. Cuhnukah lawng par ah kan kaiih anmimi cu inn ah an ŽiinŽhan. 7 Tai-ar in kan khualtlon kan peh ih Ptolemais kan pha; zumtupawl an za tlaiin an hemah ni khat kan caam. 8 A zingla ah kan tatih Sisaria kan pha; culeh Jerusalem pawlpi ni an rilmi mi pasarih lakih pakhat, thuthangŽhasimtu Filip ih inn ah lutin a hemah kan caam. 9 Profetthusimnak laksawng ngeimi, pumahngeilo tianule pali a ngei hngai. 10 Acunangih ni hlapi kan caam lio ah Judea ram in Agabas timi profet pa a hang pha. 11 Kanmah man pha in Paul ih tavai a la, a kut leh ke a Žawntiaknak ih, “Thiang Thlarau ni, ‘Hihi Jerusalem ih ommi Judahpawl ni hi tavai ngeitu an Žawn ih Zentail-mipawl kut ah an phatsak thok daan cu a ii’ a ti,” tiah a ti. 12 Acu kan zak tikah kanmah leh acunangih om tupawl ni Paul cu Jerusalem ah tat lo dingin kan dil ciamco. 13 Cutikah Paul ni, “Òap rero ih ka thinlung ama khuai hngai hi itu nan vua? Icatile Jerusalem ahcun ponhreen ceu iloin Bawi Jesuh ca-ih thi ding hman ah ka mantia henaah,” tiah a man let. 14 Leem ngah thok a ik lo tikah, “Bawipa ih dawtzawng mang i kau seh,” ti awk simlo cu daite in kan om kau. 15 Cuhnuk ihlet tilo ah kan thil tuahtimtia in Jerusalem la-ih so dingah kan pok. 16 Sisaria khua in zumtu hrekkhat ni man zul vein kan caamnak thok, hlandeuh in a zumtu Saipras mi Mason ih inn ah a man phatpi.

17 Jerusalem kan phat tikah unaupawl ni lungawite in a man dola. 18 A zingla ah Paul cu kanmah rum Jeim tuak dingah a tat; culeh upa zate an kim. 19 Anmah a tuah hngai leh a biak hngai hnukah, amah ih rianŽuannak thawngin Zentail-mipawl lakah Pathian ni thil a vuakmi pakhat hnuk pakhat a sim hngai. 20 Acucu an zak tikah Pathian an thangŽhat. Cuhnukin a hemah, “Unaupa, Judahpawl lakah zumtu thawng zet an om ih an zate in daan caah an tha a tho ti cu na tiah. 21 Zentail-mipawl lakih a om tu Judahpawl cu Moses Daan dungtun awk leh an tianaupawl khaw phawzimŽhot lo ding, iklole pupa daanpawl zul lo dingah Paul ni a zirh hngai tiah sim an ii. 22 Itu ti lei ung maw? Na pha rom ti cu an za tengteng thok hekhawh. 23 Curuangah kan tan simmi vua law. Mah thukhaamtiakmi ih nonmi mi pali an om. 24 Ahile hemah telvein, an thiansuahnak rai an vuakmi mangin vua ve la, acu ca-ih an sam meh man piak piak hngai. Cuticun na thuhla sim an ikmi cu ikhaw a i lo, namah rori tu Daan zulin na kilkhawi ti mizate ni an tiah thok. 25 Zumtu a cangmi Zentail-mipawl caah zong cu, mepa hemih raihrik ciami, sathi leh hngawngmerh sa leh numipami sualkhatnak tipawl in suptia dingah kan thuŽhennak rum lai kan kuat rom,” tiah an ti. 26 Cutikah Paul ni acui mi pali cu a tahpi hngai, cun a zingla ih a thiansuahtiak hnukah anmah rum biakinn ah lutin, an thiansuah uhnak ih pakhat vek caah rai an hrik thok niipawl mipi hemah a sim hngai.

27 Ni sarih a kimngah samte tikah, biakinn sungih Paul a hmu tu Asia ram in Judahpawl ni mibuur an tokhrolh. Paul cu ponin, 28 “Kan phunpi Israelpawl hngai, man bawn uh! Hihi kan mipawl kan daan leh hi hmun kalhin hmuncang leh micang thu a zirhtu pa a ii; cuhleiah Grik-mipawl biakinn sung ah luhpi hngai in hi hmun thiang hi a thurhnomsak,” tiah an au. 29 Icatile Efesa khuami Trofimas cu khuapi sung ah Paul rum kan dung naite ah an hmuh ruangah Paul ni biakinn ah a luhpi tiah an ruat. 30 Cutikah khuapi sung hmawh cu a buai, cun mipi cu hmunkhatah an zuang. Paul ponin biakinn pawnla ah an heidawk, acu vete in sangkapawl cu khar an ii. 31 An thah khaih lio ah Jerusalem khua punpuluk an buai tiin ralkap thawng khat uktu hemah thu a pha. 32 Avoikhatah ralkapzabawi leh ralkaple pita hngai in an hemah an zong zuang. Ralbawipa leh ralkaple an hmuh tikah Paul an thawi cu an awl. 33 Cuhnukih ralbawipa a phat tikah Paul cu a pon, thir hreng pahnih khuah dingah thu a pia hngai; amah ni cu Paul ahu a ik leh itu a Žuan ta ti a zingzoi. 34 Mibuur lakin a hrekkhat ni phun khat, a hrekkhat ni phun ce an au; an buai ruangih thuhla a tiah ngah thiamlo tikah Paul cu ralkap omnak inn sung ah hruaita dingin thu a pia hngai. 35 Kaika an phat tikah mi runpi cu an hraan a nasat tuk ruangah Paul cu ralkaple ni an zawn tia. 36 Mi runpi ni an zulih, “Amah cu that mianmi uh!” tiah an au.

37 Paul cu ralkap omnak ih an hruailuh samte ah ralbawipa cu, “Na hemah itumaw sim kho na ing im?” tiah a ti. Ralbawipa ni “Grik aan ciing cim? 38 Acu a ik ahcun, naite ih raltho dingin mi tokin ramcar ah mithat tu thawng li a hruaita hngai tu Izipt pa khi cu i na kau cim?” tiah a ti. 39 Paul ni, “Kei cu Judahmi, Silisia peng ih khuapi minthang Tarsas in ka ii; mipi hemah thu sim hngai ningla ti ka tan dil,” tiah a sawn. 40 Ralbawipa ni thusim siannak thu a piak tikah Paul cu kaika parah dingin mipi cu naite ih om dingah a tehthawi hngai; mizapi an daih ŽhipŽhep tikah, Hebru aan in thu a sim hngai ih: