2
1 Pentikos ni a phat tikah zumtupawl cu an zate hmun pakhat ah an tumtia.
2 Culeh vancung in huih rauh minam mang awthawng pakhat a pha lohli ih, an tonak inn punpuluk a khah.
3 Meihlio mang aŽeekmi leipawl an lakah an langih lei pakhat ni mi pakhat vek parah an tu.
4 An zate Thiang Thlarau in an khatih, Thlarau ni aan khawhnak a piak hngai mangin aan pace in an ang.
5 Aculio cu vanrang tang ram cang in biaknakla punpiatiami Judahpawl Jerusalem ah an om.
6 Cui awthawng za ah mibuur cu an khawmtia ih, an suahnak ram ih aan vek in zumtupawl ni ang ih an zak vek ruangah an don a har ngai.
7 An khuaruah a harih, “Ahi a ang tu an zate hi Galilee mi an i lo hmen maw?
8 Khawti in a ii, kan suahkehnak ram aan in kan zak vek hi?
9 Parthia-rammi, Media-rammi, Elam-rammi, Mesopotamia ram, Judea,
10 Frizia leh Pamfilia, Izipt leh Libia ram ih Sairin khua hrial in, cun Rom khua in milumlengpawl – Judahmi iseh, biaknak thlengtiamipawl iseh,
11 Krete tikulh mi leh Arab mipawl ni Pathian ih huham in donharŽha a vuakmi thuhla an sim rero cu kanmah suahkehnak ram aan in kan zak hi!” tiah an ti.
12 An zate an donharin an thin a hnokih pakhat leh pakhat, “Hihi itu a tican a ii a he?” tiah an ti tia.
13 Ihmansela mipace ni cu nihsanin, “Sabit hriim an rit tu hi!” tiah an ti.
14 Ihmansela Piter cu hleikhatle rum diingin, mibuur hemah aw dakpi in, “Judea peng ih mipawl leh Jerusalem ih ommi nan zate, hihi tiah vek uh la ka simmi ngai uh.
15 Angaingai ahcun hile hi nan puhmawh mangin cu an rii lo hena, icatile mawla nazi pakua ceu a i lio.
16 Hihi cu profet Joel thawngin aan takmi,
17 ‘Ni netatleng ahcun
mi zate cungah ka Thlarau
ka burh thok,
nan tianupawl leh nan
tiapapawl ni profetthusim in
thu an sim thok,
cun nan minopawl ni
lansaknak an hmu thok,
cun nan hausapawl ni
mang an man thok.
18 Ka salle cung hman ah,
numi tilo pami tilo,
cui nipawl ahcun ka Thlarau
ka burh thok,
culeh profetthusim in
thu an simsuak thok.
19 Cun cungla ih van ah
donharŽhapawl leh tangla
vulei ah hmuhsaknakpawl,
thisan leh mei leh meikhu
sahpi ka hmuh hngai thok.
20 Bawipa ih a nasami leh
a sunglawimi nii a phat hlanah,
nii cu zan mang
khuamaw ah, cun thlapa cu
thii mangih a sanmi ah,
an cang thok.
21 Cutikah Bawipa a ko
tupoh cu run an i thok’
tiah Pathian ni a than,”Ref 2:17-21 Joel 2:28-32
timi khi a ii.
22 “Nangmi Israelpawl hngai, ka sim thok mi hi ngai uh: nanmah rori ni nan tiah mangin Nazareth khuami Jesuh cu Pathian ni amah thawngin nanmah lakih huham, donharŽha leh hmuhsaknak thil a vuakmi in nanmah hemah a lansak rom.
23 Ahi pa, Pathian ih a felfaimi khuakhangnak leh thutiahcianak mangin nan hemih apmi cu nangmi ni Daan pawnla mipawl kut in thinglamtah ah nan khengtarih nan that.
24 Ihmansela thihnak ni a huham in a ponhreen ding a canthiamlo ruangah Pathian ni thih intemnak in a luatsakih a thawhsak.
25 Curuangah David ni amah ih thuhla ah,
‘Bawipa cu ka hmala ah
ka hmu ringring,
icatile hnin ka ik lonak dingah
ka vorhla ah a om;
26 curuangah ka thinlung cu
a ngetia ih,
ka lei cu a tha a nuam;
cuhleiah ka tiksa cu
ruahsannak rum a om thok.
27 Icatile ka nunkhua cu
Mithikhua ah na mata thok lo,
cun na Mithiang cu
ciamzannak na tuah sak lei lo.
28 Nang ni nunnak lampawl
a ma tiahsak hngai rom;
ama ompinak in nang ni
ngettiaknak rum khatin
a ma vua thok,’Ref 2:25-28 Saam 16:8-11
tiah a ti.
29 “Ka phunpi hngai, kan pu David ih thu cu nan hemah fiangte in ka tan sim hngai thok. Amah cu a thi, an vui ih a thlaan cu kan hemah nihinni tiang a om kau.
30 Profet a ik ruangah Pathian ni a hrinsarpawl sungin pakhat cu amah ih toŽhiang parah a toh thok tiah siatsirin thu a khaam ti a tiah.
31 Ahihi hmuciain David ni Messiah ih thawhŽhannak thu a simta ih,
‘Amah cu Mithikhua ah
mattak a i lo,
a tiksa ni khaw ciamzannak
a tuak lo,’Ref 2:31 Saam 16:10 tiah a ti.
32 Ahi Jesuh hi Pathian ni a han thawhsakih, acui thu cu kan zate hi thutiahpitu kan ii.
33 Pathian vorhla ah cawisaan a ii ih, Pa hemin Thiang Thlarau thutiam a ngah ruangah, acucu a burh ih nan hmuh leh nan zakmi hi a ii.
34 Icatile David cu vancung ah a kai lo, ihmansela amah rori ni,
‘Bawipa ni ka Bawipa hemah,
35 Na ralpawl na keteih ih
ka vuak hngai hlansung cu
ka vorhla ah to, tiah a ti’Ref 2:34-35 Saam 110:1
tiin a sim.
36 Curuangah Israelmi nan zate ni hi nan khentarmi Jesuh hi kovawh Pathian ni Bawipa leh Messiah ah a cansak ti fiangte in tiah uh,” tiah a ti.
37 Ahihi an zak tikah an thinlung a sungah hngai ih, Piter leh a pace kaizulle hemah, “Ulenau hngai, itu kan ti awk ii maw?” tiah an ti.
38 Piter ni, “Nan sual rim uh, cun nan sualnakpawl ngaidam nan iknak dingah Jesuh min in tihnim i vek uh; culeh Pathian ih Žhenmi Thiang Thlarau cu nan co thok.
39 Icatile thutiam cu nanmahpawl, nan tianaule, cun lamhlapi ih a om tupawl, leh Bawipa kan Pathian ni amah hemih a kawhmi ahupoh caah a ii,” tiah a ti hngai.
40 Culeh thu-alnak pace tlungpi rum a thutiahmi cu a simih, “Hi san rawkcat minungpawl hem hin luat khaitia uh,” tiah a ti hngai.
41 Curuangah a thusim a cosang tule cu tii ah hnim an ii, culeh acui nii ahcun mi thawng thum tluk beeng an ii.
42 Tirhthlahle ih zirhnak ah, cun pawlkomnak, sang seunak leh thlacamnak in an pun an piatia.
43 Tirhthlahle ni donharŽha tlungpi leh hmuhsaknakpawl an vuak ruangah micangte parah Žihphannak a pha.
44 Zumtu zate hmunkhat ah omin thil zate an hmang khat.
45 An ngeihmi leh an thilripawl zuarin a man cu pakhatkhat ih Žulnak ngeihmi parin an zemtia.
46 Nicangin biakinn sungah caan saupipi an hmang khat, inn ahcun sang an seu khat, an caw cu thinlung ngetia leh siangin an aw khat.
47 Pathian an thangŽhatih, mi hmawhhmawh ih dawt-awk in an nung. Culeh nicang Bawipa ni run a i rero mipawl cu an mipun ah a beeng hngai miarmo.