1 Apollos Korin khua ih a om lio ah Paul cu sakla deuh in tlawn palpah hngai in Efesa khua a pha, acunangah zultule hrekkhat a tuak hngai. 2 An hemah, “Zumtu nan can ah khin Thlarau co cu im?” tiah a ti hngai. Anmimi ni, “Co hlah, Thiang Thlarau a om ti hman kan za rih tal lo,” tiah an sawn. 3 Cutikah Paul ni, “Itu tihnimnak ah nan hnimtia hmen?” tiah a dil hngai. Anmimi ni, “Johan ih timihnimnak ah,” tiah an sawn. 4 Paul ni, “Johan cu amah hnukih a pha thok tu Jesuh zum dingah mipawl sim hngai in, an nun Žhintiak lansaknak ah ti ah a hnim hngai hekhawh,” tiah a ti. 5 Acucu an zak in Bawipa Jesuh min in tihnim an ii. 6 Paul ni an parih kut a suan tikah Thiang Thlarau cu an parah a pha ih aan phun ce ang in Pathian thu an simsuak­- 7 an zate mi hleihnih tluk an ii. 8 Paul cu sinakok ah a lutih thla thum sung cu ralŽhangai in thu a sim, culeh Pathian iknak thuhla an thinlung pen dingin a al hngai. 9 Mi hrekkhat ni thin Žhawngngai in an zum duh lo ih mi zapi hmaiah Bawipa ih Lam cu an simsiat tikah a mata hngai. Dungzulle pita hngai in Tirannas ih thuzirhnak khaan lawngpi ah nicang thu a al hngai. 10 Acucu kum hnih sung a peh ruangah Asia ram sungih omtu Judahpawl leh Grik-mipawl an zate ni Bawipa ih thu cu an za.

11 Pathian ni Paul thawngin donharŽhapawl zokzakloin a vua hngai, 12 cuticun a phaw tong tu a pavuapawl iklole a taingerhpawl mitiak hemih an ken tikah an tiahherhpawl ni a thlah hngai ih a Žha lomi thlaraupawl ni an suakta. 13 Cutikah a vakliang lomi Judah khawsiaŽhawltu hrekkhat ni thlarau Žhalo ngei tule parah Bawi Jesuh ih min hmangin, “Paul ih simphuanmi Jesuh min saalin thu ka tan pia,” tiah an ti. 14 Skeva timi Judah Tlangbawi Saang ih tiapale pasarih cu acumang vua an ii. 15 Ihmansela thlarau Žhalo ni a lehnak hngai ah, “Jesuh ka tiah, cun Paul ka tiah; nangmi zong cu hule i hmen cu?” tiah a ti hngai. 16 Cuhnukah thlarau Žhalo rum a ommi pa ni a pehhnawh hngai, an zate a hre hngai, a Žhuat neh hngai tukih inn sung cun takpalawng leh mapuin an suak. 17 Acucu Efesa khua ih a om tu Judahpawl leh Grik-mipawl ih tiah remro a ik tikah an lukipawin, Bawi Jesuh ih min an thangŽhat hlehhlo. 18 Zumtu ah a cangmi mitlungpi ni khaw an thiltipawl phuangtia in an lansak. 19 Mitkherthiam tlungpi ni an laibupawl khawmin zapi hmuh ah an tik; laibu manpawl an tuak tikah ngun tangka note 19:19 Acui san lio ih mi pakhat ni khat hlawhman a ii—acu lio ah deem khat ti a ii. thawng sawmnga a ii. 20 Curuangah Bawipa ih thu cu a karh hlehhlo ih a dik hlehhlo.

21 Hi thilpawl an canngah hnukah Paul cu Thlarau hruainak in Masidonia ram leh Akhaia peng pal pah in, acunang in Jerusalem ah tatcih dingin a ruatcat. “Acunang ka tah ngah ceng hnukin Rom khaw ka hmuh lawlaw a Žul,” tiah a ti. 22 Curuangah amah bawntule pahnih Timote leh Erastas cu Masidonia ah thlah hngai in amah cu Asia ah caan saudeuh a caamta.

23 Acui caan hrawng ah Bawipa ih Lampi rum pehtlaitia in Efesa khua ah a tiin zok lomi buainak a suak. 24 Demetrias timi pa, khuazing Artemis ih biakinn zuk tete ngun in a vua hngai tu ngun sosupa a omih a zungthiampawl tangka tlawm zoklo a ngah sak hngai. 25 Acupawl leh anmah Žuanmi mang a Žuantule ko khat hngai in, “Ka bangle hngai, hi rianŽuan hin kan tlinolnak a ii ti cu nan tiah kau. 26 Efesa khua sungah ceu iloin Asia ramŽhen punpuluk ah hi Paul hi ni minung kut ih vuakcopmi pathianpawl cu pathian an i lo ti hngai in mi tlung ngaipi cu a leem hngai ih a dawk ngah hngai ti khaw nan tiah. 27 Culeh hi kan rianŽuan hi minsia a can thok ceu iloin a pipami khuazingnu Artemis ih biakinn cu nautat a i thokih, Asia ramŽhen leh vuleicung zate amah a biak sak hngai tu a sunlawinak thlon piak i lei khaw ti khaw phaan a om hekhawh,” tiah a ti. 28 Acu an zak tikah an thinsiain, “Efesa khuamipawl ih Artemis cu pipa hrim ee!” tiah an au. 29 Khuapi cu lumlawinak in a khat; culeh mipi ni Paul ih khualtlon rualcomle Masidonia-mi Kaias leh Aristarkhas cu an ponih laamnakhmun ah dawktain an zuang ciamco. 30 Paul cu mibuur lakih suah a daw nain dungzulle ni an sen lo; 31 Asia ramŽhen ih bawi hrekkhat, a rualpiŽha a imi ni hman puai nak inn ahcun ngamvua tukin tat lo dingah thucah in naktiah an dil. 32 Acu lio ah mi hrekkhat ni phun khat an au, mi hrekkhat ni a pace an au; icatile mi buurkhawm cu a lumlawi hngai ih, mi tlungtleng ni cu ituruangah acunangih an phat khaw an tiah lo. 33 Mibuur lakih a hrekkhat ni mi hmala ah suak dingih an nammi Alexander hemah a on-aan thokmi an zirh. Culeh Alexander ni daite in om dingah tehthawi hngai in, mipi hmaiah cun a kalkamnak thu sim a khaitia. 34 Ihmansela Judahmi pakhat a ii ti an tiahthiam tikah an zate ni nazi pahnih sung hrawng, “Efesa-mipawl ih Artemis cu pipa hrim ee!” tiah hmunkhatin an au. 35 Khuapi cazipa ni mibuur a daih sak hngai hnukah, “Efesa khuami le hngai, Efesa khua ih a pipami cu Artemis ih biakinn leh vancung in a zong tlami a mepa kilkhawitu a ii ti a tiah lo ahu a om? 36 Hi thilpawl hi alkhawhlo an ik ruangah daite in om uh la thuruat loin ituhman ti hlah uh. 37 Biakinn roktule khaw a i lomi, kan khuazingnu khi a thangsiat lo tu hile hi hinangah nan hruaita. 38 Curuangah Demetrias leh a zungthiampawl ni pakhatkhat parih sualpuh an dawt ahcun thurelnak zungpawl cu hon an ii ih, thuŽhentu bawi an om; acunangah pakhat leh pakhat an tungtiaknakpawl cu phatpi uh seh. 39 Nan suahpi dawtmi thu pace a om rih ahcun mizapi khawm ih thurelnak keel ah relfel a i thok. 40 Icatile nihinni ih buaihnoknak hi kanmah ih suahpimi tiih puh kan ik thok phaan a om. Ahi mipi buainak thu ah a ruang kalkam ding a om lo,” tiah a ti. 41 Acu a sim hnukah mipi khawm cu a tlun sak hngai.