18
Cuhnukah Paul cu Athens khua matain Korin khua ah a tat. acunang ahcun Klaudias ni Judahmi hmawhhmawh Rom in zuang dingih thupiak a suah ruangah Italy ram in a nupi Prisilla rum a pha pek tu, Pontas ram ih suakmi Judah pa Aquila timi a tuak. An nupa tuak hngai dingin a tat, culeh an rianŽuan a sakhah ruangah anmah hemah a omcih, culeh rian an Žuan khat – an rianŽuan cu puanthlaam sa ih puncawmtiak a ii. Sabbath nicang sinakok ah Judahpawl leh Grik-mipawl rum thu-altia in, an thinpen sak hngai dingah a zuam ŽiuŽeu. Masidonia in Silas leh Timote an phat tikah Paul cu a caan hmawhhmawh Pathian thu simphuannak ah a hmangih, Messiah cu Jesuh a ii tiin Judahpawl hemah a simfiang ciamco. Amah dokalh in aansia an piak tikah Paul ni a partlai parih vutning cu thingtain an hemah, “Nan thisan cu nan lu parah tor seh. Kei cu ka thiang. Atu in cu Zentail-mipawl hemah ka tat tia vel vaih thok,” tiah a ti hngai. Cuhnukah sinakok cu matain, Zentail-mi Pathian biatu Titias Jastas ih inn ah a tat, a inn cu sinakok sontu ah a ii. Sinakok uktu Krispas cu a innsang zate rum Bawipa zumtu ah an cang; cun Paul ih thusim a za tu Korin khuami tlungpi zumtu ah an cangih tihnim an ii. Zan khat cu Bawipa ni Paul hemah lansaknak sungin, “Hrul hlah, ang kau la daite in om hlah; 10 icatile ka tan ompi, hi khuapi sungah ka minungle a imi tlungpi an om ruangah ahuhman ni tan tuahmawh dingah an kut an thlah tia thok lo,” tiah a ti. 11 Paul cu acunangah kum khat leh thla ruk a omih, an hemah Pathian thu a zirh hngai berbo. 12 Ihmansela Gallio cu Rom ih ukmi Akhaia peng uktu a Žuan lio ah Judahpawl ni lungrualin Paul cu an ponih thuŽhen zung ah an suahpi. 13 “Hi pa hi daan rum kalhtia in Pathian bia dingah mipi a leem hngai rero,” tiah an ti. 14 Paul a aan thok fangah Gallio ni Judahpawl hemah, “Thihnak tlak sual maw, sualnak rauhpi maw ii sela cu nangmi Judahpawl ih phunru ka cosaan ah ka mawh thok lo; 15 a inain aantangsar leh minpawl leh nanmah ih daan rum pehpontiami thu a ik ruangah nanmahte in reltia uh; himang thupawl ah thuŽhentu ik cu ka daw lo,” tiah a ti hngai. 16 Culeh thurelnak zung in a Žhawl hngai. 17 Cutikah an zate ni sinakok uktu Sosthenes cu an ponih thurelnak zung hmai ah an thawi. Ihmansela Gallio ni cu acupawl cu itu ah khaw a rel hngai lo.
18 Paul cu acunangah ni hla nawn a caam hnukah, zumtupawl damte in Žianza a tlai ta hngai ih Prisilla leh Aquila ni rualcomin Siria laah lawng in an tat. Thu a kamtiak mangin Kenkhria khua ah a sam a Žhawh sak hngai. 19 Efesa khua an phat tikah a mata hngai ih amah tu cu sinakok ah lutin Judahpawl rum thu an altia. 20 Hladeuh caam an torh tikah a al hngai; a pawhtak hngai fangah zong cu, 21 “Pathian a lungkim taw ah nan hemah kirŽhan leh lang,” tiah a ti hngai. Cuhnukah Efesa khua cun lawng in a pok. 22 Sisaria khua ih a Žum ngah in Jerusalem ah a so ih Pawlpi a sawnbia hngai, cun Antiok ah a Žum. 23 Acunangih tuakcaang a om hnukah a pokih, Kalati ram leh Frizia ram hmun khat hnuk hmun khat tlawn pah in zumtu hmawhhmawh tha a pia hngai.
24 Aculioah Alexandria khua ih suaktu Apollos timi Judah pa cu Efesa khua a pha. Amah cu thusim thiam leh Lai Thianghlim Žhate ih tiah tu a ii. 25 Amah cu Bawipa ih Lampi thu zirh ngah mi a ii; culeh Johan ih tihnimnak ceu tiah hmansela, Jesuh ih thuhla rum pehpontiami thilpawl thinlung sirhliongai leh hmanteuto in a zirhtu a ii. 26 Sinakok ah ralŽhangai in thusim a thawh; ihmansela Prisilla leh Aquila ni an zak tikah thliardeuh in Pathian Lampi thuhla cu hmaanteuto deuh in an simfiang. 27 Culeh Akhaia peng la ih tah a dawt tikah zumtupawl ni thapiain, Akhaia ih dungzulle hemah amah cosang la dingin lai an kuat. A phat tikah naktiahnak thawngin zumtu a cang tupawl nasangai in a bawn hngai, 28 icatile, Messiah cu Jesuh a ik Lai Thianghlim vonlatain a hmuh hngai ih, mipi hmaiah Judahpawl cu thu-altiak a hre hngai lianglo.