15
Judea peng in mi hrekkhat cu Antiok khua ah pha in, “Moses ih phunglam mangin phawzim nan Žhawh lo ahcun run nan i kho lo,” tiah zumtu unaupawl an zirh ciamco. Paul leh Barnabas cu acule rum thinlung sakhah lonak leh thu-altiaknak zokzaklo an ngeih hnukah, hi thuhla hi tirhthlahpawl leh upale rum rontia dingah Jerusalem ih tat dingin Paul leh Barnabas leh mipace hrekkhat cu ril an ii. Curuangah an tah tikah pawlpi ni an thlah, culeh Fonisia leh Samaria pal pah in, Zentail-mipawl ih lungthlengnak thu an tiahsakih, cui thu ni zumtu hmawhhmawh tiakpi in an lung a awi sak hngai. Jerusalem an phat tikah pawlpi leh tirhthlahpawl leh upale ni an lungawingai in an do la, culeh Pathian ni rian a Žuanpi nak hngai a zate in a dola tupawl hemah an tiahsak. Ihmansela Farisi pawlŽhen sungin zumtu hrekkhat ni hang dingin, “Anmah hi phawzim-Žhawhsak leh Moses ih Daan zul dingih thupiak a Žul hekhawh,” tiah an ti. Tirhthlahpawl leh upapawl cu hi thu ruatrel dingah hmunkhatah an tuaktia. Tlungpi an altiak hnukah Piter ni hang dingin, “Ka ulenauhngai, Zentail-mipawl ni kei thawngin thuthangŽha za ih zumtu an cannak dingah Pathian ni hlandeuh in kei hi nanmah lakin a ma ril ti cu nan tiah kau. Culeh, minung thinlung a tiah tu Pathian ni kanmah hemih a piak mangin an hemih Thiang Thlarau a piaknak thawngin a fiansak; culeh zumnak thawngin an thinlung a thiansaknak ah kan karlakah thleidannak a vua lo. 10 Curuangah, kan pupale ni iseh, kanmah ni iseh, kan phurh zo lomi seihnam cu zumtule ih hngawng ah thlaih hratin, icaah Pathian cu nan hniksak rero? 11 Acui thu kalhin, Bawi Jesuh ih naktiahnak thawngin run an ik thok mangin run kan i thok ti kan zum,” tiah a ti hngai. 12 Barnabas leh Paul ni anmah thawngin Zentail-mipawl lakah hmuhsaknakpawl leh donharŽhapawl a vuak hngai zia an simmi ngai in a khawmtiami mizapi cu an dai ŽhipŽhep. 13 Aan an uh hnukah Jeim ni, “Ka ulenauhngai, ma ngai hman uh. 14 Zentail-mipawl lakin a min pu tu thok mi ril hngai dingah Pathian ni khawti in mithmaiŽha in a zoh hngai ti thu Simeon ni a sim rom.
15 Ahihi profetpawl ih anka:
16 ‘Hi hnukah kirŽhan lang khawh,
a ok rommi David ih omnak cu
ka saŽhan thok;
a rawhnak zawn in ka saŽhan thok,
cun ka tung thok,
17 cuticun mipace hmawhhmawh –
ka min ih kawhmi
Zentail-mi hmawhhmawh hman ni
Bawipa a hrawl taw uh.
18 Hlanliopi in hi thilpawl mi
a tiahsak tu Bawipa ni
cuticun a ti’Ref 15:16-18 Amos 9:11, 12
tiih nganmi rum an kheengtia.
19 Curuangah Pathian la ih a mertiatu Zentail-mipawl hi harnak kan piak awk an i lo tiah ka Žhencattia dahdah; 20 a inain mepa biaknak ih thurhnomsakmi thilpawl, numipami sualkhatnak, hngawngmerhmi poh sa awk, cun sathi awk, tipawl zong suptia dingah laingan mawi kan ii. 21 Icatile khuapi cangte ah Moses ni a liamciami sanpawl ah a phunglam simthantu a ngei hngai, Sabbath cangin sinakok ah a Daan dakpi in rel a i cua,” tiah a ti.
22 Cutikah tirhthlahpawl leh upale ni Pawlpi zate ih lungkimnak in, Paul leh Barnabas rum Antiok khua ih thlah awkah anmah lakin mi ril dingah an relcat. Zumtu unaupawl lakih hruaitule – Barsabbas tiih kawhmi Judas leh Silas cu 23 a tangla ih laikuat hi rum an thlah: “Tirhthlahpawl leh upapawl a imi nan unaupawl ni Antiok leh Siria leh Silisia ih Zentail unaupawl hemah biaksonnak kan tan kuat. 24 Kan hemin a tat suak tu mi hrekkhat ni kan tirh naloin tan hnaihnok dingah thu an simih nan ruahnak riingreeng loin an tan vua ti kan zak ruangah, 25-26 ai-awh rilin nan hemah, kan Bawipa Jesuh Khrih ca-ih an nunnak a pia ngam tu kan dawtmi Barnabas leh Paul rum thlah khat dingah zapi lungkimin kan relcat. 27 Curuangah anmah ih hmurka in acu siksik an tan sim thok tu Judas leh Silas kan thlah. 28 Icatile Thiang Thlarau leh kanmah cu hi a Žulmi thilpawl hleiin thilrit tan hnek hlehhlo ding a man Žhat lo: 29 mepa hlunmi caw awk, sathi awk, hngawngmerhmi sa awk leh numipami sualkhatnak tipawl nan suptia thok. Ahipawl nan suptiak ahcun nan ti Žha ngai thok. Damte in.” 30 Curuangah an tatih Antiok an pha. Pawlpi mizapi an kokhawm ih laikuat cu an pia. 31 Sungtelpawl ni an rel tikah an thapiaknak parah an lung a awi. 32 Anmah hrimhrim profet a imi Judas leh Silas ni zumtupawl thapiaknak leh torhnak thu tlungpi an sim. 33 Acunangah caan ihletmaw sung an om hnukah zumtupawl ni nangamte in anmah a thlah tupawl hemah an thlahŽhan. (\v 34 Ihmansela Silas caah cun acunangih taantak cu a Žha mang a ti.) 35 Paul leh Barnabas cu Antiok ah an taang, culeh acunangah mipace tlungpi rum Bawipa ih thu an zirh ih an simphuang.
36 Thla zet maw hnukah Paul ni Barnabas hemah, “KirŽhan le he khawh Bawipa ih thu kan sim tak nak khuapi cangte ih zumtupawl tlawnvehin, khawti in an ik zoh hngai tuhmen le he,” tiah a ti. 37 Barnabas ni Marka tiih kawhmi Johan an hemih hruai taak a daw. 38 Paul ni zong cu Pamfilia in anmah mata hngai hratin, anmah rum rian a Žuan ti lo tu pa cu anmah hemih hruaita lo dingin a ruatcattia. 39 An thu-cantiak lonak cu a rauh miarmo tuk ruangah hmunkhat ah i ti loin an Žhentia; Barnabas ni Marka a hruaita ih Saipras laah lawng in an tat. 40 Ihmansela Paul ni cu Sailas a rilih an pok, zumtupawl ni Bawipa ih kilkhawi dingin an ap. 41 Paul cu Siria leh Silisia pal pah in a tatih pawlpipawl tha a pia hngai.