13
1 Antiok Pawlpi sungah profetpawl leh zirhtupawl: Barnabas, Minak tiih kawhmi Simeon, Sairin mi Lusias, Mangki Herod Antipas rum a hang za khat tu Manaen leh Saul an om.
2 Bawipa an biak leh caw an ulh lio ah Thiang Thlarau ni, “Barnabas le Saul hi rianthiah awkah ka ko hngai, acu Žuan dingah ma thia piak uh,” tiah a ti hngai.
3 Cutikah caw ulin thla an cam hnukah an parah kut suangin an thlahsuak hngai.
4 Thiang Thlarau ni a thlah hngai mangin Seleusia ah an zong tatih acunang in Saipras tikulh ah lawng in an tat.
5 Salamis khua an phat tikah Pathian thu cu Judahpawl ih sinakok ah an simphuang. An rianŽuan cu Johan Marka khaw bawn hngai dingin an torh.
6 Tikulh hmawh hlawhin Pafos khua pha tiangin an tlawn. Acunangah Bar-Jesuh timi pa, mitkherthiam, Judahmi profet hmaanlo an tuak.
7 Amah cu Mangki Serzias timi miting ngai ih rualpi a ii. Acu pa ni Pathian thu ngaih dawt ah Barnabas leh Saul cu a hemah a sawm hngai.
8 Ihmansela mitkherthiam pa Elimas (a Grik min a ii) ni dokalh hngai in Mangki pa ih zum hngai lonak dingah a zuam tingteng.
9 Ihmansela Saul, Paul tiin khaw tiahmi, cu Thiang Thlarau in a khatih acu pa cu a mit rori ah a zoh,
10 culeh, “Nang Khawsia tiapa, dingfelnak hmawhhmawh ih ralpa, mideuhnak leh Žhat lonak hmawhhmawh in a khatmi, Bawipa ih lam a dangmi koihsak na awl thok lo maw?
11 Atuhi ngai hman – Bawipa ih kut ni a tan thawi, cangkhatte cu mitcaw na i thok, nii na hmu thok lo,” tiah a ti. Mawk leh khuamaw ni a tlun lohli ih, a kut in tlai ih hruaitu ding hrawl ah dap rero in a vak.
12 Mangki pa ni thilcangmi a hmuh tikah a zum, icatile Bawipa ih thuhla an zirhmi ah a don a har.
13 Cuhnukah Paul leh a hawipile cu Pafos khua in lawng in an pokih Pamfilia peng Perga khua an pha. Johan Marka ni cu mata hngai in Jerusalem ah a kirŽhan.
14 Ihmansela Perga khua in an tat rih ih Pisidia peng Antiok khua an pha. Culeh Sabbath ni ah sinakok ah tatin an to.
15 Sinakok uktule ni Daanbu leh Profet laibupawl sung in an rel hnukah Paul leh Barnabas cu, “Unau hngai, mizapi hemih thapiaknak sim awk nan ngeih ahcun sim kau uh,” tiah thu an cah.
16 Curuangah Paul cu a hang dingih a kut tehthawi rum thusim a thawh ih:
“Nangmi Israelpawl leh Pathian Žihzah tu mipacepawl, ngai hman uh.
17 Hi Israelpawl ih Pathian ni kan pupale a ril hngai ih, Izipt ram sungih an om lio ah cun mi pipa ah a vua hngai, culeh a nasami a huham in acunang cun a hruaisuak hngai.
18 Kum sawmli sung sahrai ramcar ah a kilkhawi hngai.
19 Kanaan ram ih miphun phun sarih a siatsuah hngai hnukah an ram cu a mipawl
20 kum zali leh sawm nga tluk sung rorah ah a pia hngai. Acu hnukah profet Samuel san tiang thuŽhentule a pia hngai.
21 Cutikah siangpahrang an dilih Pathian ni Benjamin hrin, Kish ih tiapa Saul a pia hngai, amah ni kum sawmli sung a uk hngai.
22 Saul a Žhawl hnukah David cu an siangpahrang ah a vua. Amah ih thuhla a aannak ah, ‘Jesse tiapa David hi ka dawtmi hmawhhmawh ti tu ding ka midawt phun a ii,’ Ref 13:22 1Sam13:14; 16:12tiah a ti.
23 Amah ih citlaang in Pathian ni Israelmi hemah Rungtu Jesuh cu a tiamcia mangin a suah sak.
24 A phat hlan in Johan ni Israel mi zate hemah sualrim ih ti hnim ding thu a simphuang cia rom.
25 Culeh Johan ni a rianŽuan a uh fang ah, ‘Kei hi itu ah ma ruat cu? Kei hi amah ka i lo. Ka hnukah mi pakhat a pha thok; kei cu a ke parih kedaap hri phoih dingah ka tlak lo’ tiah a ti.
26 “Ka ulenauhngai, nangmi Abraham ih innsang leh Pathian Žihzah tu mi pacepawl, hi rundamnak thu hi kan hemah kuat a i rom.
27 Jerusalem ih omhmun khuartupawl leh an hruaitule ni Sabbath nicang ih relmi profetpawl ih aankapawl cu an tiahthiam lo ruangah Jesuh sualthu an Žhen piaknak thawngin cui aankapawl cu an kim sak.
28 Thi dingih thuŽhen nak ding itu thu hman an hmu lo nain Pilat hemah thah sak dingin an dil.
29 Amah thuhla nganmi izongza an tingah tikah, thinglamtah parin an zon Žhumih thlaan ah an vui.
30-31 A inain Pathian ni mithi lakin a thawh sak; culeh amah rum Galilee in Jerusalem ih a tat tupawl hemah ni tlungpi sung a langih, anmahpawl cu atu hi mipi hemah a thutiahpitule an ii.
32 Culeh Pathian ni kan pupale hemih a tiammi,
33 acucu an tiale kanmah caah Jesuh a thawhsaknak thawngin a kimsak rom timi thuthangŽha kan tan ken. Saam pahnihnak sungih,
‘Nang cu ka Tiapa na ii,
nihinni ah na pa ah
ka cang rom,’Ref 13:33 Saam2:7
tiih nganmi mang a ii.
34 CiamzanŽhan ti lo dingah mithi lakin thawhsak a iknak thu ahcun, Pathian ni,
‘David hemin vuakmi
a thiangmi thutiampawl
ka tan pia thok,’Ref 13:34 Isa 55:3
tiah a ang.
35 Curuangah Saam hmun ce ah khaw,
‘Na Mithiang cu ciamzannak
tuaktep dingah na siang
thok lo,’Ref 13:35 Saam16:10
tiah a ti.
36 Icatile David cu amah san lio ah Pathian ih tumtah piakmi a Žuan ngah hnukah a thi, culeh a pupale hrialah, vui a ii ih a ciamzan.
37 A inain Pathian ih thawhsakmi ni cu ciamzannak a tuaktep lo.
38 Curuangah ulenauhngai, hi pa thawngin sual ngaidamnak cu nan hemah simphuan a i rom.
39 Moses ih Daan ni an tan luatsak khawh lomi sualnak hmawhhmawh in hi Jesuh thawngin zum tupoh cu an luat timi hi tan tiahsak i hram seh.
40 Curuangah profet ih simmi,
41 ‘Zohhman uh, nangmi
nihsanhmangle!
Nan donhar uh la
hmalak dah uh,
icatile nan san sungah
rian pakhat, mi pakhat ni
a tan sim hngai hmanih
nan zum dah thok lomi
rian ka Žuan thok,’Ref 13:41 Hab 1:5
a timi nan parih a kimngah
lonak dingah ralring uh,”
tiah a ti.
42 Paul leh Barnabas cu sinakok in an suah fang ah a hmai zarh Sabbath ni ah hi thupawl simŽhan dingin an torh.
43 Sinakok ih tuahtiaknak in an Žiin tikah Judahpawl tlungpi leh Judah biaknak laah lungthlengtia in punpiatia mipawl ni an hemah Pathian naktiahnak sungih om peh dingin a torh hngai tu leh thu a sim tu Paul leh Barnabas dung an zul.
44 A hmai Sabbath ni cu Bawipa ih thu ngai dingah khuapi punpuluk samte in mipawl an khawmtia.
45 Ihmansela Judahpawl ni mibuur an hmuh tikah an nahsuah; culeh thangsiatthu in Paul ih simmi cu an alkalh.
46 Cutikah Paul leh Barnabas an pahnih ni ralŽhangai in an ang ih, “Pathian thu cu nan hemih sim peitleng a Žul. Nangmi acu hnongin kumkhua nunnak ngah tlaklo tiin nanmah le mah thuŽhen tia hluan cuin hmawh, keimi cu Zentail-mipawl hemah mertia lei tu ung.
47 Icatile acuti cun Bawipa ni thu man piain,
‘Vulei dengnak tiangah runnak
nan phatpi nak dingah,
Zentail-mipawl ca-ih khuatle
i dingah ka tan sia hngai rom’,”Ref 13:47 Isa 42:6; 49:6
tiah a ti.
48 Zentail-mipawl ni acucu an zak tikah an ngetia ih Bawipa ih thu cu an sunloih; culeh kumkhua nunnak ca-ih khaukhihciami zet cu zumtupawl an cang.
49 Cuticun Bawipa ih thu cu acui ram hlawhin a karhzai.
50 Ihmansela Judahpawl ni khuapi sungih punpiatiami dinhmun saang numipawl leh hruaitu pamipawl an tok hngai ih Paul leh Barnabas hrem hram an thawh sak, culeh an ram in an Žhawl.
51 Curuangah anmah ralsanin Paul leh Barnabas ni an ke parih vutning an thingta, cun Ikoniam ah an tat.
52 Culeh kaizulle cu lungawinak leh Thiang Thlarau in an khat.