1 Zentail-mipawl ni khaw Pathian ih thu an cosang ve tiah tirhthlahpawl leh Judea peng ih zumtule ni an za. 2 Curuangah Piter Jerusalem ih a soh tikah phawzim Žhottiami zumtule ni amah soiselin, 3 “Icaah phawzimŽhawhlole hemah tatin anmah rum caw nan awk?” tiah an ti. 4 Cutikah Piter ni dot pakhat hnuk pakhat in an hemah a cui thu simfiang hngai a thawh ih, 5 “Joppa khuapi ih ka om lio ah thlacam na ing ah tiahtialoin ka omih lansaknak ka hmu. Thiltleep kaupi pakhat mang a imi thil cu vancung in a kil pali in an zon Žhum; culeh ka hrialte a pha. 6 Žhate in zoh ing khawh ke pali ngeimi hramsale, sahrangle, bokvakpawl leh vapawl ka hmu hngai. 7 ‘Hang tho, Piter; that hngai la aw hngai,’ tiah a ma ti tu aw pakhat khaw ka za. 8 A inain kei ni, ‘Aw hrimhrim hlah e, Bawipa; icatile a thurhnawmmi, iklole a thiang lomi ituhman ka kaa sung ah an lut dah lo’ tiah ka let. 9 Ihmansela aw ni vancung in a voihnihnak a letih, ‘Pathian ni thiangin a vuak rommi cu nang ni athurhnawm tiah na ti thok lo,’ tiah a ti. 10 Acucu voi thum a cang; cuhnukah izongza vancung laah an han dawk Žhan. 11 Acui tikcu rori ah, Sisaria in ka hemah an thlahmi mi pathum cu kan omnak inn ah an pha. 12 Thlarau ni aicanglo in an hemih tat dingah a ma sim. Hi ulenau paruk ni khaw ama zul hngai ih Kornelias ih inn ah kan lut. 13 Vanmi pakhat ni a inn sungah dingin amah cu, ‘Joppa khua ih a ommi, Piter tiih kawhmi Simon hemah mi thlah hngai; 14 namah leh na innsang zate rum nan iknak ding thu a tan sim thok,’ tiah simin a hmuh thu a man sim. 15 Culeh thusim ka thawh ah, a pek ih kanmah parih a Žum mangin an parah Thiang Thlarau a Žum. 16 Cutikah, kan Bawipa ih anka, ‘Johan ni cu tii in a tan hnim hngai, a inain Thiang Thlarau in hnim nan i leh thok,’ a timi ka vonmangŽhan. 17 Bawi Jesuh Khrih kan zum tikih a man Žhenmi laksawng mang siksik anmah hemah Pathian ni a Žhen hngai ahcun, Pathian dawnkhamtu thok kei cu ahu ka i hmen?” tiah a ti. 18 Acucu an zak tikah daite in an om. Culeh Pathian thangŽhatin, “Zentail-mipawl hemah hman nunnak ih hruaitu sualrimnak caanŽha Pathian ni a piak hngai hi,” tiah an ti.

19 Stefen parih a cangmi hremnak ruangih a parcakmi zumtupawl cu Fonisia, Saipras leh Antiok tiang an pha. Judahpawl hem simlo ahcun thuthangŽha an sim lo. 20 Ihmansela anmah lakah Saipras leh Sairin in mihrekkhat cu Antiok an phat ah Grik aanhmang Judahpawl hemah khaw thuthangŽha an simih Bawi Jesuh thu an simphuang. 21 Pathian ni a bawn hngai ih mi tlung ngaipi cu zumtu ah cangin Bawipa laah an mertia. 22 Acui thu cu Jerusalem ih Pawlpi hem a phat tikah Barnabas cu Antiok khua ah an thlah. 23 A phat tikah an parih Pathian velngeih zia a hmu ih a lung a awi, culeh a hmunmi punpiaknak rum Bawipa laah rinsantlak i dingin an zate a torh hngai; 24 icatile amah cu miŽha, Thiang Thlarau leh zumnak in a khatmi a ii. Mi tlung ngaipi cu Bawipa hemah hruai an ii. 25 Cutikah Barnabas cu Saul hrawl dingin Tarsas ah a tat, 26 culeh a hmuh ngah tikah Antiok ah a phatpi. Acuruangah a ii kum khat sung Pawlpi ih khualpa ah cangin mi tlungpi thu an zirh; culeh kaizulle “Khristianpawl” tiih kawh an ik peitleng cu Antiok khua ahhin a ii. 27 Acui caan ah profetpawl cu Jerusalem in Antiok laah an hang Žum. 28 Anmah lakih pakhat Agabas timi pa cu hang diingin, vuleicung zate ah mangŽam rauhpi a tlung thok tiin Thlarau thawngin a simcia. Acucu Khumpi Klaudias san ah a tlung. 29 Kaizulle ni anmah leh unaupawl hemah harsabonnak kuat dingin an ruatcat; 30 acucu Barnabas leh Saul ih kut in upapawl hemah an kuat.