6
1 Ngai gaw kaga shingran mung naw lu nngai. Ndai lang mung gumra leng mali gaw magri mang bum lahkawng a lapran kaw nna dan pru wa ai hpe ngai mu nngai.
2 Shawng na gumra leng hpe gumra hkyeng ni hte garawt nhtawm, lahkawng ngu na hpe gumra chyang ni hte mung, Ref 6:2: Shr 6:4.
3 masum ngu na hpe gumra hpraw ni hte mung, mali ngu na hpe ateng apang re ai gumra ni hte garawt nga ai. Ref 6:3: Shr 6:2.
4 Dai hpang ngai gaw lamu kasa hpe, ?Madu e, ndai gumra leng ni hpa baw lachyum pru na rai ta?,? ngu nna san we ai.
5 Shi chyawm gaw, ?Ndai ni gaw nbung mali rai nga ai; dai ni gaw ginding aga yawng mayawng a Madu a man kaw nna du sa wa nga ma ai,? ngu nna htan wu ai. Ref 6:5: Shr 7:1.
6 Gumra chyang ni dun ai leng gaw dingdung maga Babelon mung de sa wa ma ai; gumra hpraw ni sinna maga de, ateng apang re ai gumra ni gaw mungdan a dingda maga de sa wa shajang ma ai.
7 Ya ateng apang re ai gumra ni pru wa nga ma yang, shanhte kahkrang hkawm let ginding aga hpe hkan gawan yu ma ai. Dai lamu kasa gaw, ?Ginding aga hpe sa gawan yu masu!,? ngu nna tsun dat mu ai hte maren shanhte kahkrang hkawm ma ai.
8 Dai hpang, lamu kasa gaw ngai hpe, ?Dingdung maga Babelon mung de sa ai gumra ni gaw dai Madu a masin kahtet ai hpe shakawp ya manu ai,? ngu nna jahtau tsun wu ai.
9 Dai Madu gaw ngai hpe ndai mungga jaw wu ai.
10 Shi gaw, ?Bawng dung hkrum ai Heldai, Tobiya hte Yedaia ni sak jaw ai kumhpa ni la da nhtawm Zehpania a kasha Yoshia a nta de kalang lata sa mat wa su. Dai masha ni yawng gaw Babelon mung e bawng dung nga ai kaw nna nhtang wa ai ni rai ma ai.
11 Shanhte jaw da masai aja gumhpraw la nna janmau galaw u; dai hpang, Yehozadak a kasha Hkinjawng Kaba Yawshu a baw hta gup ya u.
12 Chyahtum Chyalai N-gun rawng ai dai Madu gaw shi hpe, ?Lakung ngu shaga hkrum ai wa gaw shi nga ai shara hta galu kaba ringchying wa nna dai Madu a Nawku Htingnu hpe gaw gap na ra ai. Ref 6:12: Yer 23:5; 33:15; Zeh 3:8.
13 Shi gaw dai hpe gaw gap ai wa tai nna hkawhkam arawng aya shagrau hkam la nhtawm shi a amyu masha ni hpe up na ra ai. Hkinjawng langai mung shi a tingnyang makau e nga na ra ai; shan gaw amu bungli hpe rau hkrum ra ai hte jawm galaw ai majaw ngwi pyaw sim sa ai hte ngwi ngawn nga na mara ai,? ngu nna tsun wu ai.
14 Dai janmau chyawm gaw dai Madu a Nawku Htingnu hta Heldai, Tobiya, Yedaia hte Yoshia ni hpe shagrau sha-a ai masat dingsat tai nga sana ra ai,? ngu nna tsun wu ai.
15 Sumtsaw sumtsan hkan nga nga ai masha ni mung dai Madu a Nawku Htingnu gaw gap ai amu hta sa karum la na mara ai. Dai hpe gaw gap da ngut jang, Chyahtum Chyalai N-gun rawng ai dai Madu gaw nanhte hpang de ngai hpe shangun dat ai lam, chye lu na rai myit dai. Dai Madu nanhte a Karai Kasang a hkang da ai ga hpe tup hkrak hkan sa madat mara myit dai rai yang, ndai lam yawng byin wa na ra ai.