5
Ngai bai yu yang, ndai lang hta nbung hku laika katsu langai pyen nga ai hpe ngai mu nngai. Dai lamu kasa gaw ngai hpa mu ai hpe san wu ai. Shaloi ngai gaw, ?Laika katsu langai nbung hta pyen yawn nga ai; dai gaw galu de pe 30, nda maga pe 15 rai nga ai,? ngu nna htan we ai.
Dai hpang, shi gaw ngai hpe, ?Dai ntsa hta mungdan ting de bra nga ai dagam dala lam ka da nga ai. Dai laika katsu a man maga mi hta lagut shagu hte gaw dai mungdan kaw nna seng kau ai hkrum na rai nga ai ngu nna tsun da nga ai. Bai kaga maga de gaw dagam da sai rai tim masu magaw ga naw tsun ai ni langai hte langai la kau ai hkrum na rai nga ai nga nna tsun da nga ai. Chyahtum Chyalai N-gun rawng ai dai Madu gaw ndai dagam dala ga hpe shapraw dat na lam tsun wu ai; dai gaw lagu ai masha shagu a nta de dagam let masu magaw ga tsun ai masha shagu a nta de shang na mara ai. Dai gaw shanhte a nta hta naw ngam nga nna shanhte hpe jahten sharun tawn na mara ai,? ngu nna tsun ai.
Dai lamu kasa gaw bai dan pru nna, ?Yu u! Arai lama mi du ra ai!,? ngu nna tsun wu ai.
Ngai gaw, ?Hpa rai ta?,? ngu nna san we ai.
Shi gaw, ?Dai gaw ka langai rai nga ai, dai gaw mungdan ting a yubak mara a matu rai nga ai,? ngu nna tsun htang wu ai.
Dai ka hta machyu hte galaw ai magap langai nga ai. Dai hpe ngai azi yu nga yang, dai magap hpaw mahka wa nna dai ka kata e numsha langai dung nga ai.
Dai lamu kasa gaw, ?Ndai numsha gaw tara n lang ai hpe madun dan nga ai,? ngu nna tsun wu ai. Shaloi shi gaw dai numsha hpe ka kata de kanawng bang nna magap la kau wu ai. Ngai sharawt mada yu yang, mali tau u zawn n-gun ja ai singkaw tu ai numsha lahkawng ngai hpang de pyen sa wa ai hpe mu nngai. Shan gaw ka hpe hta la nna dai hte nawng pyen mat wa ma ai.
10 Ngai gaw dai lamu kasa hpe, ?Shan gaw dai hpe gara de hpai mat wa ma ta?,? ngu nna san we ai.
11 Shi mahtang, ?De a matu shanhte gap na ra ai Nawku Htingnu hpe Babelon mung de la mat wa na mara ai. Dai Nawku Htingnu hpe gap ngut jang nawku na matu dai yang e ka hpe tawn da na mara ai,? ngu nna htan wu ai.