2
Dai hpang, Dawi gaw dai Madu hpe, ?Ngai sa nna Yuda mare langai ngai hpe madu la lu na a ni?,? ngu nna san wu ai.
Dai Madu mung, ?Rai sa, nang sa lu na ndai,? ngu nna htan wu ai.
Dawi gaw, ?Gara mare mahtang?,? ngu nna san wu yang,
?Hebron,? ngu nna dai Madu tsun wu ai. Dawi gaw shi a madu jan lahkawng yan rai nga ai Yezrela mare na Ahinoam hte Hkarmela mare na Nabala a gaida Abigala yan hpe woi nna Hebron mare de sa wa ma ai.Ref 2:2: 1Sa 25:42-43. Shi gaw shi a masha ni hte shanhte a dinghku masha ni hpe mung woi nna Hebron mare grup yin hkan e shanhte sa nga nga ma ai. Dai hpang Yuda masha ni Hebron mare de sa nhtawm Dawi hpe namman jaw ya let Yuda hkawhkam aya dang ya ma ai.
Gilead mung na Yabesha masha ni Shawlu hpe makoi mayang kau sai shiga hpe Dawi na jang, Ref 2:4: 1Sa 31:11-13. masha nkau mi hpe ndai mungga hte hpawn shangun dat wu ai: ?Nanhte gaw shi hpe makoi mayang galaw let nanhte a hkawhkam wa hta sadi dung nga myit dai hpe madun dan nga manit dai majaw, dai Madu nanhte hpe shaman ya nga u ga law. Ya chyawm gaw dai Madu nanhte hpe matsan dum ai hte kangka ai chyeju jaw ya nga u ga law. Nanhte galaw kau sai amu a majaw, ngai mung nanhte hpe mai kaja ai lam galaw na made ai. N-gun shaja nna share shagan nga mu! Nanhte a Hkawhkam Shawlu si mat sai majaw Yuda masha ni ngai hpe namman jaw ya nhtawm hkawhkam aya dang da nga ma ai.?
Nera a kasha, Shawlu a luksuk na up hkang du Abna gaw Shawlu a kasha Ishboshet hte rau Yawdan hka rap nna Mahanim mare de hprawng mat wa ma ai. Abna gaw Ishboshet hpe Gilead mung, Ashera mung, Yezrela mung ga, Ehprim a lamu ga, Benyamin a lamu ga hte Israela mung ting a hkawhkam shatai ya wu ai. 10 Israela hkawhkam galaw ai aten hta shi a asak mali shi ning rai nga ai; shi gaw lahkawng ning sha mungdan up hkang nga ai.
Rai ti mung Yuda amyu bawsang ni chyawm gaw Dawi hta sadi dung nga ma ai rai nna, 11 Hebron mare hta hkaw dung nhtawm Yuda mung ting hpe sanit ning e shata kru up nga ai.
12 Abna hte Ishboshet yan a du salang ni gaw Mahanim kaw nna Gibeon mare de sa wa ma ai. 13 Kanu Zeruia a kasha Yoab hte Dawi a du salang ni gaw shanhte hte hka lawng e sa hkrum nga ma ai rai nna hka lawng a maga mi de hpung mi, bai kaga maga mi de hpung mi rai, shanhte yawng dung jawng nga ma ai. 14 Abna gaw Yoab hpe, ?Laknak lang nna htim malan shingjawng ginsup dan na matu lahkawng maga na shabrang ni hpe rawt shangun ga,? ngu nna tsun wu ai.
Yoab mung, ?Mai sa, rawt yu mu ga,? ngu nna htan wu ai.
15 Ishboshet hte Benyamin amyu bawsang kaw na masha shi lahkawng hte Dawi a hpang maga na masha shi lahkawng gasat anut hkat ma ai. 16 Shanhte gaw shada da a baw hpe magra da nhtawm shada da a garep achyaw galun hkat ma ai rai nna shanhte yawng ngu na marai hkun mali hte rau sha kadawng si mat ma ai. Dai rai nna Gibeon mare na shara dai hpe, ?Nhtu Ni A Pa Layang,? ngu nna shamying da nga ma ai.
17 Dai hpang shanhte gaw laja lana rai bai gasat hkat ma yang, Abna hte Israela masha ni mahtang Dawi a masha ni hpe sum mat ma ai. 18 Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna, 19 Abna hpe dingyang hkan shachyut nang nga ai. 20 Abna shingdu de kayin yu nhtawm, ?Nang Asahela n rai n ni?,? ngu nna tsun wu yang,
shi mung, ?Rai nga nngai,? ngu nna htan dat wu ai.
21 Abna gaw, ?Ngai hpe hkum hkan shachyut sa! Hpyenla langai ngai a hpang e hkan shachyut nang nna shi lu ai hpe la u,? ngu nna tsun wu ai. Rai ti mung Asahela mahtang shi hpe sha hkan shachyut nang nga ai. 22 Abna mung shi hpe, ?Ngai hpe hkum hkan shachyut sa! Nang hpe sat kau na matu ngai hpe hpa majaw shagyeng nga n ta? Na a kahpu Yoab hte ngai kaning rai myi man mada hkat lu na rai nga ga ta?,? ngu nna lang mi bai tsun wu ai. 23 Rai ti mung Asahela mahtang asum n jaw ai majaw, Abna gaw shi a nri hpe shingdu de n-gun la hkra rai galun dat wu yang, kan e hput rai nna shi a shingma hkren rai mat wu ai. Shing rai Asahela ga de kadawng mat wa nna si mat sai. Dai shara de du ai ni mahkra shi taw nga ai shara e hkring nna dai yang e tsap nga ma ai.
24 Rai ti mung, Yoab hte Abishai yan gaw Abna a hpang de hkan shachyut ma ai rai nna Gibeon nam mali de sa wa ai lam hta nga ai Gia mare a sinpraw maga de nga ai Ama kawng de du jang jan shang mat sai. 25 Benyamin amyu bawsang hta na masha ni gaw Abna a grup grup hta bai wa kahkyin nhtawm kawng pungding e wa tsap nga ma ai. 26 Abna gaw Yoab hpe shaga shapraw la nna, ?Anhte gaw htani htana a gasat nga na saga ai kun? Hpang jahtum e chyawm gaw ahkup ahka nga ai hta jan nna hpa mung n nga mat na ra ai hpe nang n mu da wu ni? Anhte gaw hpu nau shada da wa she rai nga ga ai mi, na a masha ni anhte hpe n shachyut ai sha bai nhtang wa shangun kau na lam nang n hkang da nga ndai gaw, galoi du hkra nga nga na rai wu ni?,? ngu nna san wu ai.
27 Yoab gaw, ?Nang n tsun shadum taw gaw, hpang jahpawt du hkra pyi, nye a masha ni nanhte hpe naw a shachyut nga na mara ai, ngu let ahkrung nga ai Karai Kasang hta ngai dagam shaka nngai,? ngu nna htan wu ai. 28 Yoab mung shi a masha ni Israela masha ni hpe n hkan shachyut na matu pahtau dum let masat kumla madun dat wu yang, dai gasat gala ai gaw hkring mat nga ai.
29 Abna hte shi a masha ni chyawm gaw dai shana tup Yawdan Kadit hku ga lai mat wa ma ai. Yawdan hka rap di nna rawt hkawm mat wa ma yang, Mahanim de hpang jahpawt e bai du wa ma ai.
30 Yoab gaw hpyen ni hpe n hkan shachyut sai sha, shi a masha ni yawng hpe shinggyin dat yu wu yang, Asahela hta kaga marai shi jahku mat nga ai hpe shi mu wu ai. 31 Dawi a masha ni mung Benyamin amyu bawsang hta na Abna a masha 360 hpe sat kau lu ma ai. 32 Yoab hte shi a masha ni gaw Asahela a moi mang hpe la wa nhtawm Betlehem mare na dinghku masha ni a lup hta lup makoi da ma ai. Dai hpang shanhte gaw shana tup rawt hkawm sa mat wa ma yang, Hebron mare de nhtoi htoi ai aten hta du shang wa ma ai.