28
1 Ya aten ram ram na mat ai hpang, Hpilisti masha ni gaw Israela hpe gasat na nga, shanhte a hpyen hpung ni hpe jahpawng da ma ai; Ahkisha mung Dawi hpe, ?Nang hte na a masha ni nye a maga de tsap nna majan gasat ra na rai myit dai hpe nang teng teng chye na hkawn hkrang da ra nga ndai,? ngu nna tsun wu ai.
2 Dawi gaw, ?Mai sa, teng teng rai na nngai. Ngai gaw na a shangun ma wa rai nga nngai hte maren, nang hkum a matu ngai hpa galaw ya lu na lam, nang mu lu na rai ndai,? ngu nna htan wu ai.
Ahkisha mung, ?Mai sa! Ngai mung nang hpe tut nawng na nye a asak sin ya ai du shatai na de ai,? ngu nna tsun wu ai.
3 Samuela si mat sai rai nna, Israela amyu masha ni yawng shi a majaw sharung shayawt nga ma ai; shi nga ai Rama mare hta nan shi hpe makoi mayang da ma ai. Shawlu gaw gumhpan chye hpan ai ni hte nat num ni yawng hpe Israela mung kaw nna seng kau dat wu ai. Ref 28:3: 1Sa 25:1. Ref 28:3: Jaw 20:27; Trj 18:10-11.
4 Hpilisti hpyen hpung ni hpawng nna Shunem mare makau e dap jung tawn ma ai; Shawlu mung Israela masha ni hpe shinggyin la nna Gilaboa Bum e dap jung tawn wu ai.
5 Shawlu gaw Hpilisti hpyen luksuk hpe mu ai shaloi, hkrit gari nga ai rai nna,
6 shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai. Ref 28:6: Bhk 27:21.
7 Dai hpang Shawlu gaw shi a du salang ni hpe, ?Nat num langai mi hpe sa tam yu masu; shi kaw ngai sa san yu na we ai,? ngu nna tsun wu ai.
Shanhte mung, ?Endora shara e langai mi gaw nga ai,? ngu nna htan ma ai.
8 Shawlu gaw shi a hkum hpe bu hpun palawng amyu myu hte bu hpun nna nsam galai kau nhtawm nsin sin ai hpang, dai numsha hpe sa hkrum na nga, shi a masha lahkawng hte pru sa mat wa ma ai. Shi gaw dai numsha hpe, ?Nye a matu wenyi ni hpe san yu nna, hpa baw byin wa na lam, ngai hpe tsun dan e; ngai mying gang ai masha wa a wenyi hpe shaga shapraw ya e,? ngu nna tsun wu ai.
9 Dai numsha gaw, ?Gumhpan chye hpan ai ni hte nat num ni yawng hpe Israela mung kaw nna seng kau na c 28:9: Israela mung kaw nna seng kau na: Dai gaw Issraela mung na gumhpan chye hpan ai ni hte nat num ni hpe shi sat kau na ngu ai lam re ai. nga Shawlu shadut ai amu hpe nang tup hkrak chye da nhtawm me, ngai hpe sat kau hkrum u ga nga, ngai hpe hpa majaw nang mahkam hkam shakut ya nga n ni?,? ngu nna htan wu ai.
10 Dai hpang Shawlu gaw chyoi pra ai ga shaka hpe dagam shaka let, dai numsha hpe, ?Dai lam a majaw nang hta ari n hkrum sha u ga, ahkrung nga ai dai Madu hta ngai ga sadi tawn da nngai,? ngu nna tsun wu ai.
11 Dai numsha gaw, ?Na a matu kadai hpe shaga shapraw ya na rai nga a ta?,? ngu nna san wu ai.
Shi chyawm gaw, ?Samuela hpe shapraw ya e,? ngu nna htan wu ai.
12 Dai numsha gaw Samuela hpe mu jang, shi jahtau kyit nna Shawlu hpe, ?Nang hpa majaw ngai hpe hkalem kau n ta? Nang gaw Hkawhkam Shawlu nan rai nga ndai!,? ngu nna tsun wu ai.
13 Hkawhkam wa gaw dai numsha hpe, ?Hkum hkrit et! Nang hpa mu n ta?,? ngu nna san wu ai.
Shaloi dai numsha gaw, ?Ginding aga kaw nna wenyi langai rawt lung wa ai hpe ngai mu nngai,? ngu nna htan wu ai.
14 Shi gaw, ?Dai gaw hpa baw hte bung a ta?,? ngu nna san wu ai.
Dai numsha gaw, ?Dingla langai mi rawt lung wa ai hte ntsa palawng mung hpun da nga ai,? ngu nna htan wu ai.
Shawlu gaw dai gaw Samuela rai nga ai hpe shi chye nna ga de dingnyawm gum dagup nhtawm hkungga jaw wu ai.
15 Samuela gaw Shawlu hpe, ?Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,? ngu nna tsun wu ai.
Shawlu mung, ?Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,? ngu nna htan wu ai.
16 Shaloi Samuela gaw, ?Dai Madu gaw nang hpe kau da nna na a hpyen tai nga sayang me, nang hpa majaw ngai hpe shaga n ni?
17 Dai Madu ngai hpe tsun sai hte maren, nang hpe shi galaw nu ai. Ndai mungdan hpe na a lata kaw nna shi la kau nhtawm Dawi hpe jaw kau nu ai. Ref 28:17: 1Sa 15:28.
18 Nang mahtang dai Madu a hkang da ai ga hpe n madat ai sha, Amalek masha ni hte shanhte lu malu arai yawng hpe atsai awai n jahten shamyit kau nga ndai. Shing re ai lam a majaw ya ndai amu hpe dai Madu galaw nga ai. Ref 28:18: 1Sa 15:3-9.
19 Nang hte nawng Israela amyu hpe Hpilisti masha ni a lata de shi ap kau na ra ai; hpawt de nang hte na a shadang sha ni mung ngai hte rau nga lu na marin dai, dai Madu gaw Israela hpyen luksuk hpe Hpilisti masha ni a lata de ap kau na rai wu ai,? ngu nna tsun wu ai.
20 Shawlu gaw Samuela tsun ai ga a majaw hkrit gari ai hte kalang lata dagup mat wa nhtawm ga ntsa e kaleng gumkan taw nga ai. Shi gaw shani tup, shana tup hpa mung n lu n sha nga ai majaw n-gun kya mat wu ai.
21 Dai hpang numsha mung shi kaw sa nna, shi grai hkrit gari nga ai hpe mu ai shaloi, shi hpe, ?Chyeju hte madu e, ngai gaw nye a asak dan let nang san ai lam hpe galaw ya ni ai.
22 Ya chyawm gaw, chyeju hte ngai san ai ga hpe galaw shatup ya e. Na a matu lusha loi mi hkyen lajang ya de ga. Dai hpe sha la u, shaloi nang hta n-gun hpring wa nna hkawm sa wa lu na rai ndai,? ngu nna tsun wu ai.
23 Shawlu chyawm gaw shi hpa mung n sha na ngu nna ningdang kau wu ai. Rai ti mung, shi a du salang ni mung, lusha sha na shi hpe shadut ma ai. Shi mung hpang jahtum e hkraw ya ai hte ga kaw nna rawt wa nhtawm yup ku ntsa e dung nga ai.
24 Dai numsha mung shi rem jahpum da ai dumsu kasha langai mi tin tin sat nhtawm shadung loi mi la nna, gumchya lajang la ngut ai hpang matsi n rawng ai muk loi mi hpe kabaw wu ai.
25 Shi gaw Shawlu hte shi a du salang ni a man de dai lusha hpe hkyen lajang ya wu ai rai nna, shanhte mung dai hpe sha la nhtawm dai shana jang shanhte rawt mat wa ma ai.