12
Dai hpang Samuela gaw Israela amyu masha ni hpe, ?Nanhte ngai kaw hpyi mahpyi ngai galaw ya made ai. Nanhte hpe up hkang na hkawhkam langai mung ngai jaw ya ma sade ai, ya chyawm gaw nanhte hpe woi awn na matu shi hpe lu la manit dai. Ngai chyawm gaw asak kaba nna baw hpraw ni ai; nye a kasha ni mung nanhte hte rau rai ma ai. Nye a ram prat kaw nna ya du hkra ngai nanhte a ningbaw tai ya nga nngai. Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,? ngu nna tsun wu ai.
Amyu masha ni gaw, ?N rai law, nang chyawm gaw anhte hpe n maw sha, n dip gamyet sha ndai; kadai kaw na hpa arai mung nang n la yu nga ndai,? ngu nna htan ma ai.
Samuela chyawm gaw, ?Ngai hta tsep kawp mara n kap nga ai hpe nanhte mu manit dai rai nna dai Madu hte shi lata san da nu ai hkawhkam yan gaw dai ni na nhtoi hta sakse tai nga manu ga,? ngu nna htang tsun wu ai.
Shanhte mung, ?Rai sa, dai Madu gaw anhte a sakse rai nga ai,? ngu nna htan ma ai.
Samuela gaw, ?Dai Madu gaw nanhte a kaji kawa ni hpe Egutu mung kaw nna woi shapraw wa ai Mawshe yan Arun hpe lata san tawn ai wa rai nga ai. Ref 12:6: Pru 6:26. Nanhte nga nga ai shara hta ya tsap nga mu, nanhte hte nanhte a kaji kawa ni hpe hkye hkrang la na nga, dai Madu galaw nu ai chyalai amu ni yawng mayawng, nanhte hpe shadum jahprang na ngu dai Madu a man e ngai nanhte hpe deng na made ai. Yaku hte shi a dinghku masha ni Egutu mung de yu sa ma ai shaloi, Egutu masha ni shanhte hpe adip arip di ma ai majaw, nanhte a kaji kawa ni mahtang shanhte hpe karum la na matu dai Madu hpe hpyi jahtau mu ai rai nna Egutu mung kaw na woi shapraw wa ai Mawshe yan Arun hpe shi dat dat wu ai hte ndai mung e shanhte nga nga manu ai. Ref 12:8: Pru 2:23. Rai ti mung amyu masha ni mahtang dai Madushanhte a Karai Kasang hpe malap kau mu ai; dai rai nna shi gaw Hpilisti masha ni a lata de mung, Moba hkawhkam a lata de mung, Hazora mare na hpyen luksuk ni a dap hpe up hkang ai Sisera a lata de mung ap kau shangun ai majaw, nanhte a kaji kawa ni hpe htim gasat ai hte shanhte hpe dang kau mu ai. Ref 12:9: Trg 4:2; Trg 13:1; Trg 3:12. 10 Shaloi shanhte gaw karum la na matu dai Madu kaw akyu hpyi jahtau mu ai rai nna, ?Madu e, anhte gaw nang hpe shingdu kayin kau saga ai hte Bala hte Astarte hpara sumla ni hpe nawku kau saga ai majaw anhte shut kau saga ai. Anhte hpe anhte a gumlau hpyen ni a lata kaw na hkye mawai la mi law, anhte gaw nang hpe chyu sha nawku na ga ai!,? ngu nna tsun ma ai. Ref 12:10: Trg 10:10-15. 11 Dai Madu mung Gidon, Barak, Yephta hte jahtum ngai hpe shangun dat wu ai. Anhte langai hte langai mung nanhte hpe gumlau hpyen ni a lata kaw na hkye mawai la saga ai rai nna, shim lum ai hte nanhte nga lu manit dai. Ref 12:11: Trg 7:1; Trg 4:6; Trg 11:29; 1Sa 3:20. 12 Rai ti mung nanhte hpe htim gasat hkyen nga ai Amon Hkawhkam Nahasha hpe nanhte mu myit dai shaloi, nanhte a hkawhkam rai nga ai dai Madu hpe ningdang kau nhtawm ngai hpe mahtang, ?Anhte hpe up hkang na hkawhkam langai ra ga ai,? nga nna tsun myit dai. Ref 12:12: 1Sa 8:19.
13 ?Ya chyawm gaw nanhte lata la sai hkawhkam wa ndai yang e nga nga ai; shi hpe nanhte hpyi myit dai majaw dai Madu mung nanhte hpe jaw ya nu ai. 14 Nanhte mung nanhte a hkawhkam mung shi a hpang hkan nhtawm dai Madu nanhte a Karai Kasang hpe daw jau let, shi a ga madat nhtawm shi a hkang da ai ga ni hpe madat mara hkan sa nna shi hpe shagrau sha-a myit dai rai yang, nanhte gaw lam shagu hta ngamu ngamai wa na rai myit dai. 15 Rai ti mung nanhte gaw dai Madu a hkang da ai ga hpe lale nhtawm shi a ga hpe n madat myit dai rai yang, nanhte hpe mung, nanhte a hkawhkam wa hpe mung shi numdaw numdan tai na ra ai. 16 Dai re ai majaw, nanhte nga ai shara hta tsap nga myit, dai Madu galaw dan na ra ai amu kaba hpe nanhte mu lu na marin dai. 17 Ndai aten gaw hkun hkraw ai aten rai nga ai, n rai ni? Rai ti mung dai Madu gaw mu shangoi dat nna marang jahtu dat u ga, ngu nna ngai hpyi dat na nngai. Dai lam byin wa ai shaloi, nanhte shi kaw hkawhkam hpyi ai shaloi, dai Madu hpe nanhte yubak kaba galaw shut kau sai lam rai nga sai hpe nanhte dum chye wa na myit dai.?
18 Dai rai nna, Samuela hpyi wu ai hte maren, dai shani e nan dai Madu gaw mu shangoi nna marang jahtu dat wu ai. Shaloi amyu masha ni yawng mung dai Madu hte Samuela hpe hkrit mat ma ai rai nna, 19 shanhte gaw Samuela hpe, ?Madu e, chyeju hte anhte n si mat u ga, dai Madu na a Karai Kasang kaw anhte a matu hpyi nem ya mi. Kaga anhte a yubak yawng hta kaga, hkawhkam hpyi nna shut kau ai anhte a yubak mara ni yawng hpe mung ya anhte dum chye saga ai,? ngu nna tsun ma ai.
20 Samuela gaw, ?Hkum hkrit myit, ndai zawn re ai n hkru ai amu hpe nanhte galaw shut kau nga myit ti mung, dai Madu kaw na hkum yit mat myit; nanhte a myit masin mahkra hte shi hpe daw jau nga myit. 21 Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai. 22 Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai. 23 Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai. 24 Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu. 25 Rai ti mung nanhte yubak naw matut galaw myit yang gaw nanhte mung, nanhte a hkawhkam mung shamyit kau ai hkrum na marin dai,? ngu nna tsun wu ai.