6
1 Shaloi dai Sagu Kasha gaw, dazik sanit hta na langai ngu na hpe hpaw dat ai ngai mu ai hte dusat amyu mali hta na langai mi, mu ngoi ai nsen zawn ngoi ai hte, ?Sa rit!,? nga nna tsun ai hpe ngai na nngai.
2 Ngai yu dat yang, gumra ahpraw langai mi hpe ngai mu nngai. Dai hta jawn ai wa gaw ndan langai mi lang nga ai; shi hpe janmau langai mi shagup ya wu ai rai nna, shi gaw awng padang lu ai wa rai nga ai hte maren, padang dip la na matu ninglaw pru sa wa ai.Ref 6:2: Shr 14:14; 19:11; Zeh 1:8; 6:3,6-11.
3 Dai hpang Sagu Kasha gaw lahkawng ngu na dazik hpe hpaw dat wu yang, lahkawng ngu na dusat amyu gaw, ?Sa rit!,? nga nna tsun ai ngai na nngai.
4 Shaloi gumra kaga, ahkyeng nsan ai gumra langai mi pru wa ai. Dai gumra jawn ai wa hpe, ndai ga ntsa e majan shabyin nna, masha sat hkat shangun na ahkang jaw da wu ai. Shi hpe nhtu kaba langai mi mung jahpye ya wu ai. Ref 6:4: Zeh 6:2.
5 Bai Sagu Kasha gaw masum ngu na dazik hpe hpaw dat ai shaloi masum ngu na dusat gaw, ?Sa rit!,? nga nna tsun ai, ngai na nngai. Shaloi ngai yu dat yang, gumra chyang langai mi nga nga ai. Dai hta jawn ai wa gaw, shi a lata hta joi langai mi lang da wu ai.Ref 6:5: Shr 4:7; Zeh 6:2.
6 Dai dusat amyu mali a ka-ang kaw nna ngoi pru ai ngu nna sawn la lu ai nsen langai mi hpe ngai na nngai. Dai nsen gaw, ?Hkaulan n-gu bye mi hpe lani mi bungli galaw shabrai hku jaw ra ai; muk-yaw n-gu bye masum hpe lani mi a bungli galaw shabrai hku jaw ra ai; rai ti mung dai tsanlun hpun ni hte sabyi sun ni hpe chyawm gaw hkum jahten kau myit!,? nga nna tsun ai.
7 Dai hpang Sagu Kasha gaw, mali ngu na dazik hpe hpaw dat wu yang mali ngu na dusat gaw, ?Sa rit!,? nga nna tsun ai, ngai na nngai.
8 Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga a 6:8: Katsan ga (Hades): Si ai ni wa mahkawng nga ai katsan ga ngu ai shara langai mi nga ai ngu nna Hebre masha ni kam ma ai.* mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai. Ref 6:8: Eze 14:21; Zeh 6:3.
9 Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.
10 Dai Wenyi ni gaw, ?Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,? nga nna nsen kaba hte jahtau nga ma ai.
11 Shanhte langai hte langai hpe hpraw ai hpun palawng jahpun nna, tinang ni hpe zawn sat kau hkrum na mara ai magam gun manang ni hte Hkristan hpu nau ni a jahpan wa hpring ai nhtoi du hkra, chyahkring mi naw la nga na matu shanhte hpe htet da mu ai.Ref 6:11: Shr 3:4; 7:9-14; 14:13; Heb 11:40.
12 Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.Ref 6:12: Esa 13:10; Yoe 2:10-13; 3:15; Mat 24:29; Mrk 13:14-15; Luk 21:25.
13 Lakum hpun hpe nbung kaba ahpawt yang, de a n myin ai asi ni hpun kaw na run hkrat mat ai zawn, sumsing lamu na shagan ni gaw, ga ntsa de run hkrat mat ma ai.Ref 6:13: Shr 8:10; 9:1.
14 Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.Ref 6:14: Shr 16:20; Esa 34:4; Yer 3:23; 4:24; Heb 1:12-13.
15 Dai shaloi, mungkan ga na hkawhkam hkawseng ni, up hkang ai du magam ni, hpyen du hpyen gyi ni, sahti ni, n-gun lagaw ja ai ni, mayam hte shanglawt ni nlang hte gaw, lungpu hku ni hte, bum ga na lunghkrung ni hta tinang dai gawp makoi shajang nga ma ai.Ref 6:15: Esa 2:12.
16 Shanhte gaw bum ni hte lunghkrung ni hpe shaga nna, ?Anhte a ntsa e hkrat bun mi, tingnyang hta dung nga ai wa a myi man hte Sagu Kasha a pawt bu ai hta na, anhte hpe magap maga la mi!
17 Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,? nga ma ai.Ref 6:17: Shr 16:14; Shk 76:7; Esa 13:6; Zep 1:14.